CLOSE WINDOW

D3135
བོད་ཡིག

so so'i sangs rgyas kyi zhing rnam par dag pa rnams su 'gro ba'i don la gshegs par ci gnang / mjug 'dir bsngo ba'i tshigs bcad kyang bklag go/ /rdzogs so//[ ]@##/ /rgya gar skad du/ d+hA ra NI sarba sA d+ha na kra ma dwa ya nA ma/ bod skad du/gzungs thams cad kyi sgrub thabs rim pa gnyis pa zhes bya ba/ sgo drug zhi khro'i lha tshogs la/ /kun nas dang bas phyag 'tshal te/ /sany+tsa la sogs don du ni/ /du ma gzungs kyi sgrubs thabs ni/ /spyi dang bye brag ldan tshul gyis/ /de ni nga yis bstan te bri//nyams dga' bde ba'i gnas su ni/ /spyod gnyis ldan pa'i rnal 'byor pas/ /dkyil 'khor chen po bsham par bya/ /ras ris mchod pa bsham par bya/ /bde ba'i stan la 'dug byas te/ /snying gar zla dkyil hUM bsams te/ /de yi 'od kyis phyogs bcu yi/ /sangs rgyas 'khor bcas mdun du dgug /bdun po rnam dag rdzogs par bya/ /de rjes stong pa'i ngang la gnas/ /yaM dang baM dang laM las ni/ /rlung mtsho rin chen sa gzhi bsam/ /de steng b+h+rUM zhu gzhal yas khang / /gru bzhi pa la sgo bzhi pa/ /rta babs bzhi yis rnam mdzes pa/ /'khor lo pad+ma 'dab brgyad bsam//pho brang dbus kyi lte ba la/ /rang gi yi dam oM du bsam/ /de las 'od 'phros las gnyis byas/ /slar 'dus gser gyi pu stir bsam/ /yang 'phros slar 'dus thim gyur pas/ /gtso chen pha rol phyin ma de/ /gser 'od skyil krung 'khor lo dang / /me tog pusti mnyam gzhag go//de nas zhi ba'i lha gnas su/ /paM las pad+ma'i gdan du bsam/ /khro bo yi ni gnas rnams su/ /ma dang a dang paM las ni/ /nyi zla pad+ma'i gdan du bsam/ /gtso bo'i thugs las 'od zer 'phros/ /las gnyis byas te lha gnas su/ /AHdang oM dang hrIHdang a//dkar ser dmar ljang zhi gnas su/ /hUM ni mthing nag 'phros nas su/ /de dag la yang 'od 'phros pas/ /las gnyis byas te slar 'dus pas/ /so so'i mtshan mar bsgom par bya/ /de las kyang ni 'od 'phros pas/ /slar 'dus de nyid la thim pas/ / so so'i sku ru bsgom bya ste/ /dbus kyi 'dab ma rnams la ni/ /ye shes dbang bskur ldan ma dang / /rdo rje dbyings kyi dbang phyug ma/ /rdo rje mi pham so sor 'brang / /sdig pa spong ba gdugs dkar mo/ /bdud 'joms sgo mtha' sgrub pa ste/ /kun kyang sku mdog gser 'od la/ / zhal gcig phyag gnyis bdag nyid can/ /g.yas na ral gri g.yon me tog /kun kyang de thogs zhi 'dzum can/ /rin chen rgyan klubs bsam par bya/ /shar gyi pad+ma'i lte ba la/ /gser mdog shAkya seng ge ste/ /skyil krung 'khor lo bsnams par bsam/ /de yi phyogs kyi 'dab ma la//spyan ras gzigs dang byams pa dang / /nam mkha'i snying po kun tu bzang / /lag na rdo rje 'jam pa'i dpal/ /sgrib pa sel dang sa yi snying / /dkar ser mthing ser yang mthing ser/ /ljang gu sngon po mdog yin no/ /kun kyang rgyan klubs me tog bsnams/ /'dzum bag bzhin rgyas bsam par bya//lho yi pad+ma'i lte ba la/ /rig pa'i rgyal mo rma bya can/ /mthing gzhal gsum phyag drug ma/ /rma bya'i mjug sgo mda' dang ni/ /mchog sbyin rnams ni go rims g.yas/ /rin chen gzhu dang rnga yab bsnams/ /go rims bzhin du g.yon na'o/ / sna tshogs rgyan dang gos 'chang ba'o/ /de yi phyogs kyi 'dab ma la/ /dang po'i 'dab ma stong chen mo/ /zhal gcig phyag drug dkar mo ste/ /ral gri mda' dang mchog sbyin rnams/ /go rims bzhin du g.yas na'o/ /zhags pa gzhu dang dgra sta bsnams/ /go rims bzhin du g.yon na'o//gnyis pa so sor 'brang ma ste/ /zhal bzhi ma la phyag brgyad ma/ /pad+ma dang rgyan rtse gsum dang / /'dab brgyad dgra sta bcas pa la/ /ral gri pad+mar bcas pa dang / /pad+ma dung dang bcas pa'o/ /dang po gnyis g.yas tha ma g.yon/ /gsum pa bsil tshal mdog dmar po//zhal gcig phyag bzhi'i bdag nyid can/ /phreng ba mchog sbyin g.yas na'o/ /rdo rje lcags kyu g.yon na'o/ /bzhi pa gsang sngags rjes 'dzin ma/ /ljang gu zhal gcig phyag bzhi ma/ /rdo rje mchog sbyin g.yas na'o/ /dgra sta zhags pa g.yon na'o/ / kun kyang sna tshogs rgyan brgyan bsam/ /de dag bar gyi 'dab ma la/ /yul 'khor srung dang 'phags skyes po/ /mig mi bzang dang rnam thos sras/ /dpa' bo yi ni cha lugs la/ /pi wang ral gri sbrul zhags dang / /mchod rten phyag na bsnams pa'o/ /nub kyi pad+ma'i lte ba la/ / mgon po bde gshegs tshe dpag med/ /sku mdog dmar po ting 'dzin rgya/ /de yi phyogs kyi 'dab ma la/ /'khor los sgyur rgyal bzang po mchog /gzi brjid can dang zla ba dang / /snyan pa dri med bzang po tog /bkod pa chen po spyan ras gzigs/ /mthu chen thob ste de dag kyang //kun kyang dkar ser me tog bsnams/ /zhi ba 'dzum bag bsam par bya/ /byang gi pad+ma'i lte ba la/ /chos yum dmar ser pu sti gsum/ /me tog stong thogs 'dzum bag can/ /rgyan ldan pa ni bsam par bya/ /de yi phyogs kyi 'dab ma la/ /gdugs dkar rnam rgyal gtsug gi nor//dri ma med pa'i gtsug tor te/ /dkar dang sngo bsangs dmar ser mdog /gdugs dang rgyal mtshan ral gri dang / /rin chen bsnams te 'dzum bag can/ /de yi bar gyi 'dab ma la/ /'od zer can dang par+Na dang / /ri khrod lo gyon dpal lung bstan//mthing ga gcig dang gzhan rnams ser/ /phyag bzhi dUR+Wa ltar sngo gcig /de yi phyag mtshan gyur pa ni/ /mchog sbyin 'bras bu dgra sta bsnams/ /zhags pa dbyug to g.yon na'o/ /ri khrod lo gyon dgra sta'o/ /'od zer mya ngan med shing bsnams/ /me tog bsnams pa khro 'dzum bsam//byang shar pad+ma'i lte ba la/ /bde gshegs tsan+dan yan lag ser/ /zhi des tsan+dan bsnams par bsam/ /de yi phyogs kyi 'dab ma la/ /blo yangs 'brug sgrogs sgrib pa sel/ /yon tan 'byung gnas 'od dpag med/ /kun nas spos mchog rgyal mtshan rtsal//nga rgyal gnon dang rgya mtsho dbyangs/ /kun kyang dmar ser zhi tshul la/ /sa gnon pa yi phyag rgya'o/ /shar lho pad+ma'i lte ba la/ /bde bar gshegs pa sgron ma mchog /ljang gu 'dzum bag sa gnon bsam/ /de yi phyogs kyi pad+ma la/ /sems dpa' 'od chen 'od dpag med//mi pham pa dang 'jam dpal dang / /dri ma med dang rdo rje snying / /rgyal ba can dang mtshan mo bzang / /kun kyang dmar ser me tog 'dzum/ /lho nub pad+ma'i lte ba la/ /mkha' lding gser gyi 'dab ma can/ /rdo rje'i mchu la lus 'bar ba/ /khro bo 'jigs rung rtsal can la//rgyan brgyan klu la stan byas bsam/ /de yi phyogs kyi 'dab ma la/ /sbas pa rdo rje kun 'bar glog /'bar ba'i gzi brjid gnam lcags mchu/ /dkar dmar ser dang sngon po ste/ /sbrul zan bzhi ni bsam par bya/ /de yi bar gyi 'dab ma la/ /khyab 'jug tshangs pa dbang phyug dang //drang srong ri byi bsam par bya/ /nub byang pad+ma'i lte ba la/ /mgon po spyan ras gzigs yum ni/ /dkar 'dzum me tog bsnams pa bsam/ /de yi phyogs kyi 'dab ma la/ /spyan ras gzigs dbang bcu gcig zhal/ /phyag drug phyag mtshan bsnams pa bsam//gzhan gyis mi thub rin chen phreng / /stobs chen dang ni mdangs phyir 'phrog /kun kyang mdog dkar rin chen phreng / /'khor lo lcags kyu bsnams pa'o/ /de yi bar gyi 'dab ma la/ /gser can dang ni rnam rgyal can/ /'gro lding ba dang dbyig dang ldan/ /ser dang dkar dang mthing ljang ngo //kun kyang khro 'dzum 'khor lo bsnams/ /bcu drug pa yi 'dab ma la/ /rnam par gzigs dang thams cad skyob/ /log par dad sel gser thub dang / /'od srungs dang ni mar me mdzad/ /kun kyang zhi tshul sa gnon rgya/ /yongs grags dpal dang rin chen zla//gser bzangs dri med mya ngan med/ /chos bsgrags rgya mtsho chos rgya mtsho/ /bai DUr 'od kyi rgyal po ste/ /kun kyang nam mkha'i mdog lta la/ /sman mchog a ru bsnams pa'o/ /mi 'khrugs pa dang 'od stong 'bar/ /snang ba mtha' yas de bsam bya/ /ser sngo dmar ba'i mdog yin no//kun kyang ting 'dzin phyag rgya'o/ /sum cu rtsa gnyis rtsibs la ni/ /lag na rdo rje rnam 'joms dang / /me ltar rmongs byed be con dang / /kun kyang mthing ga khro bo'i cha/ /rdo rje be con bsnams pa'o/ /gzhon nu bsod nams rgyal mtshan ni/ / e na'i lpags gyon sbrul gyis brgyan/ /dug gi me tog thogs pa'o/ /khro bo me yi kha la ni/ /mthing ga me dpung lag na thogs/ /tshogs bdag dkar po lcags kyu bsnams/ /rnam rgyal dbyug pa sngon po dang / /gshin rje gshed dang mi g.yo mgon/ /rta mgrin gzhan gyis mi thub dang //bdud rtsi 'khyil dang khams gsum rgyal/ /kun kyang khro bo'i tshul can la/ /mthing ga rdo rje bsnams pa bsam/ /phyogs mtshams 'khor lo'i rtsibs la'o/ /hUM kA ra dang stobs po che/ /cha lugs gong dang mthun tshul la/ /'khor lo gnyis kyi rtsibs la bsam//rgyal ba khyu mchog 'brog gnas dang / /gangs gnas lnga rtsen nor bzangs dang / /gang bzangs dang ni grags bzangs dang / /sa mdzes dang ni phreng mdzes dang / /kun kyang khro tshul gnas ser la/ /thams cad dbyug to bsnams pa'o/ /nag po che dang lha mo nag /dbyug to zhags pa thogs pa la/ /khro bo'i gzugs can bsam par bya/ /rdo rje 'chang ni gtum mo dang / /rdo rje khro mo pho nya mo/ /khro bo rdo rje lu gu rgyud/ /rig sngags khro bo rgyal ba can/ /kun kyang mthing ga khro tshul can/ /rdo rje rdo rje'i lu gu rgyud/ /de dag phyag na bsnams par bsam//khro bo bar du gcod sbyong dang / /khro bo mi 'jigs sbyin pa ste/ /dkar ser khro tshul rdo rje bsnams/ /de yi phyi yi khyams la ni/ /gzungs rnams kun ni thams cad nas/ /mtshan brjod bde gshegs mtha' dag dmigs/ /lha mo sgo ba rang bzhin dmigs//de nas phyi yi rim pa ni/ /'khor ba'i le tse khra bo la/ /gza' dgu dang ni rgyu skar ni/ /nyi shu rtsa brgyad bsam par bya/ /de yi phyi yi khyams la ni/ /du ma gzungs nas brjod pa yi/ /gnod sbyin klu la sogs pa yi/ /mthu chen thams cad dmigs par bya/ /sgo de rgal ba'i phyi rnams su//sna tshogs gzungs nas brjod pa yi/ /snying rje'i tshogs rnams thams cad dmigs/ /gal te bye brag sgrub byed na/ /tshogs gnyis gdan dang sa bon dang / /gang bskyed pa yi sku de rnams/ /gong du mthun pa'i sku ru bskyed/ /de ltar bsdus te bye brag lha/ /gang 'dod pa ni bskyed par bya//de nas ye shes lha tshogs ni/ /nam mkhar bkug ste mchod nas ni/ /phyag rgya bzhi yis gnyis med bya/ /sku gsung thugs kyis byin gyis brlab/ /de nas phyogs kyi sangs rgyas kyis/ /bum pa'i dbang ni bskur bar bsam/ /de lta bur ni bsgom par bya/ /de bskyed bzlas pa bya ba yin//thun mtshams gtor btang ye shes gshegs/ /sgrub pa'i thabs kyi rim pa ste dang po'o// //de nas snying po bsdus pa'i rim pa ni/ de ni rgyas pa btu bar bya/ /so so'i gzugs kyi nang nas te/ /shAka thub yum gyi snying bo ni/ /yi ge nyung na mu ne yin/ /lha mo brgyad kyi snying po ni//lha mo brgyad kyi gzungs nang nas/ /ye shes dbang bskur rdo rje dbyings/ /so sor 'brang gsum snying po ni/ /so so'i gzugs kyi nang nas ni/ /tha ma'i sarba man chad yin/ /gzhan rnams mi btu gzungs na bzhin/ /sems dpa' 'khor brgyad snying po ni/ /dkyil 'khor brgyad pa'i nang bzhin no//yang na mtshan brgya rtsa brgyad kyi/ /nang gi gzungs rnams bzhin du'o/ /rma bya yi ni snying po ni/ /rma bya'i snying po'i nang nas kyang / /na ra ya yi sngags yin no/ /stong chen gyi ni snying po ni/ /gzungs na sngags kyi tha ma'o/ /so sor 'brang ma'i snying po ni/ / snying po gsum gyi sngags nang nas/ /rab tu gsang ba'i snying po'o/ /bsil ba'i tshal gyi snying po ni/ /gzungs sngags gnyis pa yin par 'dod/ /gsang sngags gsum pa yin par 'dod/ /tshe dpag med kyi snying po ni/ /de mdo'i sarba saM skA ri/ /de yi 'khor gyi snying po ni/ / 'chi med rnga sgra'i sngags gzhug gi /a mr-i ta yi sngags yin no/ /chos yum gzungs kyi snying po ni/ /gzungs sngags dang po yin par 'dod/ /gdugs dkar snying po a na le/ /tha ma'i sngags gzhug nang bzhin no/ /rnam par rgyal ma'i snying po ni/ /gsang sngags de yi tha ma yi/ sarba ta thA mar bcad do/ /gtsug gi nor bu'i snying po ni/ /sngags de yi ni tha ma yi/ /sarba rnams gnyis mar bcad do/ /gtsug tor dri med snying po ni/ sngags de yi ni tha ma yi/ /sarba rnam gnyis mar bcad do/ /'od zer can gyi snying po ni/ /gzungs sngags tha ma yin par 'dod/ /par+Na'i snying po de nang bzhin//ri khrod lo gyon snying po ni/ /tad+ya thA nas bzung nas ni/ /swA hA dang po yan chad do/ /dpal lha lung bstan snying po ni/ /sngags de yi ni gzhung gi ni/ /tha ma'i sarba mar bcad do/ /tsan+dan yan lag snying po ni/ /de yi sngags kyi nang nas ni/ /sarba b+hU ta a ti ta/ /de ni mar bcad yin par 'dod//bde gshegs bdun gyi snying po ni/ /khyad par can gyi mdo ji bzhin/ /nor gyi rgyun gyi snying po ni/ /sngags de yi ni tha ma yi/ /oM bzhi po ni yin par 'dod/ /sgrol ma mchog gi snying po ni/ /de yi gzungs kyi nang bzhin no/ /mi pham 'jam dpal snying po yang //sgrol ma mchog gi gzungs nang bzhin/ /dri ma med pa'i snying po ni/ /dri med gzungs sngags tha ma'o/ /rdo rje snying po de nang bzhin/ /rgyal ba can gyi snying po ni/ /gzungs sngags dang po yin par 'dod/ /mtshan mo bzang po'i snying bo ni/ /gzungs nas sngags kyi tha ma'o//mkha' lding gtso bo'i snying po ni/ /tshangs pa khang par gzungs mthu yis/ /sngags rings de yi mjug gi ni/ /ta thA ga ta mar bcad do/ /sbas pa rdo rje kun 'bar glog /mchu yi nang nas 'byung bzhin no/ /'bar ba gzi brjid snying po ni/ /mchu yi gzungs sngags tha ma yi//oM di ri di ri mar bcad yin par 'dod/ /gnam lcags mchu yi snying po ni/ /gnam lcags sngags kyi tha ma yin/ /oM di ri di ri de ni mar bcad yin par 'dod/ /ri byi'i sngags ni de nang bzhin/ /spyan ras gzigs yum snying po ni/ /sarba gnyis po mar bcad yin//bcu gcig zhal gyi snying po ni/ /de yi gzungs kyi nang bzhin no/ /rin chen phreng ba'i snying po ni/ /gzungs sngags gnyis pa yin par 'dod/ /stobs can gyi ni snying po ni/ /gzungs sngags tha ma yin par 'dod/ /mdangs phyir 'phrog gi snying po ni/ /de yi gzungs kyi nang bzhin no//gser can gyi ni snying po ni/ /gzungs sngags tha ma yin par 'dod/ /rnam rgyal can gyi snying po ni/ /gzungs sngags dang po yin par 'dod/ /'gro lding pa yi snying po ni/ /gzungs sngags dang po yin par 'dod/ /dbyig dang ldan pa'i snying po yang / / de yi gzungs kyi nang bzhin no/ /bde gshegs rabs bdun snying po ni/ /sangs rgyas bdun pa'i gzungs nang bzhin/ /sman bla mched bdun snying po ni/ /gzungs sngags bar ma yin par 'dod/ /mi 'khrugs pa yi snying po ni/ /las sgrib sbyong ba'i gzungs nang gi /kaM ka ni ni yin par 'dod//'od stong 'bar gyi snying po ni/ /rgya chen thogs med gzungs nang gi /mjug gi sngags thung yin par 'dod/ /snang mtha' yas kyi snying po ni/ /de yi gzungs sngags tha ma'o/ /lag na rdo rje'i snying po ni/ /tad+ya thA nas tha ma'o/ /rnam par 'joms pa'i snying po ni/ /de yi sngags kyi gzhug gi ni//na mash+tsaN+Da man chad do/ /me ltar rmongs byed snying po ni/ /sngags de yi ni nang nas ni/ /sarba de ba nA ga man chad do/ /be con chen po'i snying bo ni/ /gzungs sngags dang po'i nang nas kyang / /sarba a ta sa ta na/ /de ni mar bcad yin par 'dod/ / dug sel gyi ni snying po ni/ /de dag gzungs sngags dang po yin par 'dod/ /me kha la yi snying po ni/ /gzungs sngags dang po'i nang nas kyang / /sa man na sa re/ /de ni mar chad yin par 'dod/ /tshogs kyi bdag po'i snying po ni/ /de yi gzungs kyi sngags gzhug gi / tad+ya thA nas tha ma'i bar/ /khro bo bcu yi snying po yang / /rang rang gzungs kyi nang bzhin no/ /yang na bskor ba'i gzungs bzhin no/ /rnam par 'joms pa'i badzra bcu/ /khro bcu'i sngags su 'dod pa yin/ /lag na rdo rje bcu yi ni/ /snying po gzungs sngags tha mar 'dod/ / nag po chen po'i snying po ni/ /de yi gzungs kyi nang bzhin no/ /lha mo nag mo'i snying po yang / /de yi gzungs kyi nang bzhin no/ /rig sngags rgyal ba can nang nas/ /khro bzhi'i sngags ni btu bar bya/ /gtum po yi ni sngags gnyis las/ /sngags tshan 'og ma yin par 'dod//rdo rje khro bo'i sngags de nyid/ /rdo rje pho nya mo yi sngags/ /mdung rtse gsum pa'i sngags yin no/ /khro bo lu gu rgyud sngags ni/ /gzungs kyi nang bzhin kho na'o/ /rig sngags rgyal ba can sngags ni/ /dza ya dza ye'i sngags yin no/ /khro bo bar du gcod sbyong sngags/ / gzungs sngags tha ma yin par 'dod/ /khro bo mi 'jigs sbyin sngags ni/ /sngags de nyid kyi nang nas kyang / /sarba dur shar mar bcad do/ /de dag lha mngon nang nas btu/ /gzungs chen po yi snying po ni/ /gzungs sngags dang po yin par 'dod/ /sangs rgyas snying po'i snying po ni//gzungs sngags dang po yin par 'dod/ /dbang phyug chen po dka' thub bzang / /de la bcom ldan bka' stsal pa'i/ /sangs rgyas snying po'i gzungs sngags gzhug /sarba a ka rnam gsum yin/ /dbang bskur gzungs kyi snying po ni/ /de yi gzungs kyi nang bzhin no//kun bzang gzungs kyi snying po ni/ /gzungs sngags tha ma yin par 'dod/ /rten 'brel gzungs sngags ye d+harmA/ /me tog brtsegs gzungs snying po ni/ /sngags de nyid kyi nang nas kyang / /a mr-i ta ni mar bcad do/ /sa dbang gzungs kyi snying po ni/ /sngags de yi ni gzhug gi ni//sa mya ka saM bud mar bcad do/ /yi ge drug pa'i snying po ni/ /gzungs sngags tha ma yin par 'dod/ /shes rab nyi shu rtsa lnga'i sgo/ /snying po oM du 'dod pa yin/ /mig sbyong gzungs kyi snying po ni/ /de yi gzungs kyi nang bzhin no/ /gzi can zhus pa de nang bzhin/ / sangs rgyas yan lag snying po ni/ /gzungs sngags dang po yin par 'dod/ /gzhang 'brum sel ba'i snying po ni/ /gzungs sngags tha ma yin par 'dod/ /sgo drug snying po de nang bzhin/ /bu mang bton pa'i snying po ni/ /de yi gzungs kyi nang bzhin no/ /rims nad zhi gzungs de nang bzhin//chos kyi rgya mtsho'i snying po ni/ /gzungs sngags tha ma yin par 'dod/ /sgo mtha' yas kyi snying po ni/ /sngags de yi ni mjug gi ni/ /sarba man chad yin par 'dod/ /lus dbyibs mdzes gzungs snying po ni/ /sngags de rang gi mjug gi ni/ /ma hA bo d+hi sa twa dang / /de ni mar bcad yin par 'dod//dbugs chen gzungs kyi snying po ni/ /gzungs sngags tha ma yin par 'dod/ /gza' rnams yum gyi snying po ni/ /gza' yum sngags kyi gzhug gi ni/ /sarba rnam gnyis yin par 'dod/ /ri rab khang brtsegs snying po ni/ /gzungs sngags tha ma yin par 'dod//mtshan brgya rtsa brgyad snying po ni/ /de rang mtshan gyi nang bzhin no/ /yangs pa'i grong khyer 'jug gzungs kyi/ /gsang sngags dang po bi sa ra/ /de yi snying po yin par 'dod/ /sangs rgyas bcu gnyis snying po ni/ /mi btu de yi rang bzhin no/ /sgo bzangs gzungs kyi snying po ni//gzungs sngags dang po yin par 'dod/ /nad rnams zhi gzungs snying po ni/ /mi btu de yi rang bzhin no/ /byang chub rgyan 'bum snying po ni/ /sngags gzhug sarba man chad yin/ /nI la kaN+Tha'i snying po ni/ /sngags de yi ni mjug gi ni/ /At+yA ba lo ki te/ /de ni man chad yin par 'dod//lag na rdo rje gsang ba'i bdag /ming brgyad gsang sngags bskor ba yis/ /de yi snying po de nang bzhin/ /mdo sdong brgyan pa'i snying po ni/ /gzungs sngags gsum po yin par 'dod/ /mchod pa'i sprin gyi snying po ni/ /mi btu de yi rang bzhin no/ /za ma tog gi phyag rgya yi//de yi gzungs kyi sngags gzhug gi /sarba man chad yin par 'dod/ /dra byi rig pa'i rgyal mo'i sngags/ /gzungs sngags dang po yin par 'dod/ /sprin gyi gzungs kyi snying po ni/ /bde sbyin sngags ni yin par 'dod/ /rlung gi dkyil 'khor snying po ni/ /gzungs sngags tha ma'i nang nas kyang //na mo rat+na tra yA ya/ /de ni mar bcad yin par 'dod/ /uTI Sha la sogs pa'i gzungs/ /snying po rang gzhung gsal ba yang / /de yi gzungs kyang 'ga' zhig mchis/ /de dag ma btus de nang bzhin/ /de ltar sna tshogs gzungs nang nas//mkhas pas de ltar btu bar bya/ /snying po btu ba'i rim pa ste gnyis pa'o// //da ni rim gnyis mjug bsdus te/ /gong bzhin sgrub pa'i thabs bsgoms nas/ /snying po btu rim bzhin du ni/ /gtso bo nas ni 'khor gyi bar/ /rgyas dang 'bring dang bsdus pa yis/ / bsnyen pa tshad du bskyal bar bya/ /de nas las la sbyor ba ni/ /dbang bskur dus su rig sngags bzhin/ /khrus kyi cho ga'i dus su ni/ /kun khyab gzungs kyi cho ga bzhin/ /gzungs brjod mjug gi cho ga'i dus/ /rang gi cho ga'i gzhung bzhin no/ /de bzhin las la sbyar bar bya/ / bye brag tu ni sgrub byed na/ /bye brag sgrub pa'i thabs bsgoms nas/ /bye brag snying po bzlas par bya/ /de nas las la sbyar ba ni/ /zhi ba rim drug gdon dgrol sogs/ /zhi ba'i las la sbyar bar bya/ /drag po'i rim drug gdon dgrol sogs/ /drag po'i las la sbyar bar bya/ /kun khyab las sbyor thams cad kyis//las rnams thams cad mthar 'byung ba'o/ /gzhan las sogs pa'i gzungs rnams la/ /rten gyi gang zag mos byung na/ /de yi gzhung na lha gsal na/ /de gzhung bzhin du lhar bskyed de/ /de gzhung gsal bar ma gyur na/ /zhi la bstan bdag drag po la//khro bo phyag na rdo rje la/ /bskyed tshul sgrub pa'i thabs bzhin no/ /las sbyor snying po gong bzhin no/ /de ltar sgrub pa'i thabs sbyangs nas/ /klu dang gnod sbyin la sogs pa'i/ /gdon rnams thams cad sel bar nges/ /mdze dang phol mig rims la sogs/ / nad rnams thams cad sel bar nges/ /tshe 'di'i 'dod dgu thams cad 'grub/ /sdig pa thams cad zad par byed/ /dri ma thams cad 'khrud par byed/ /sdig pa sbyong ba'i mchog yin no/ /phyi mar mtho ris thar pa'i rgyu/ /sgrub pa yi ni mchog yin no/ /de yi phan yon mang po ni/ / so so'i sna tshogs gzungs nang nas/ /rgyas shing gsal bar bstan pa ste/ /de dag de ru bltas te sgrub/ /phan yon de dag bden pa ste/ /sangs rgyas bka' ni mi slu ste/ /phan yon de dag thams cad ni/ /don tshig ldan la gzhung bzhin 'byung / /tshig ldan pa la de yi cha/ /mkhas pas de ltar shes par gyis//rmongs pas de ltar ma shes pas/ /log pa'i the tshom za ba yin/ /de bas sgrub pa'i thabs 'di la/ /sgrub thabs grangs ni dpag med ldan/ /sna tshogs rgyud la brten byas nas/ /nor bu sgrub thabs rim gnyis 'di/ /rin chen grags pas bstan pa yin/ / de las dge ba ci thob pa/ /kun gyis gzungs kyi don rtogs shog /bdag gi bstan bcos rgyas gyur cig /slob dpon mkhas pa rin chen grags pas mdzad pa gzungs 'dus spyi'i sgrub thabs zhes bya ba rdzogs so// //bal po ma hA pA nas bsgyur ba'o// //