220a6 de ltar byas pas ni be te bcu gsum dgos so/ /nas la sogs pa bzhi pos bskor zhing bsreg pa lan gnyis kyis cho ga ste/ g.yas g.yon gyis lan re'o/ /[ ]@##/ /so sor 'brang ma chen mo'i srung ba bzhugs/ /@##/ /so sor 'brang ma la phyag 'tshal lo/ /sngar brjod
220a7 pa'i mtshan nyid ldan pa'i byang chub sems dpa' dang po re zhig sems can skyabs med pa'i nad pa rnams la mngon par bltas nas snying rjes de rnams gso bar 'dod pas smyung bar gnas par bya ste/nyi ma shar ba'i dus su yid du 'ong ba'i bla re bres pas mdzes par byas pas dri zhim po'i me tog
220b1 bkram pa'i sa phyogs su sa dang lci bdag gis 'dom pa'i tshad tsam gyis/dkyil 'khor gru bzhi nye bar byugs nas/ de'i dbus su pad+ma lnga rnams bri bar bya'o/ /de la dbus su tshon rtsi dkar pos 'dab ma brgyad pa'i pad+ma'i lte ba'i zla ba la/ 'od zer dkar po dang ldan pa'i rtsibs
220b2 brgyad pa ste/phyi rol du 'khor lo'i phreng ba 'khrigs pa dang ldan pa bri bar bya'o/ /de nas shar dang lho dang nub dang byang rnams su/ rang rang ji lta ba'i rdul tshon rnams kyis dmar po dang / nag po dang / dkar po dang / ser po'i pad+ma 'dab ma brgyad pa rnams la go rims ji lta bar rdo rje
220b3 dang /ral gri dang / zhags pa dang / g.yas su 'khyil ba'i dung rnams dang / sngar brjod pa'i kha dog rang rang gi 'od zer dang ldan pa bris nas/ de'i phyi rol du phyogs dang rjes su mthun par khyams gru bzhi pa la/ rdo rje dang / ral gri dang / zhags pa dang / g.yas su 'khyil
220b4 pa'i dung gis bskor bar bri bar bya'o//de nas dbus su pad+ma'i steng du man ji la gnas pa'i gser la sogs pa'i snod rnams sku gdung dang bcas pa'i mchod rten dri zhim po'i chus khrus byas bzhugs su gsol nas/ de'i steng du bla re las me tog dkar po 'phyang du gzhug par bya'o/ /
220b5 de bzhin du shar la sogs pa'i phyogs su pad+ma'i 'gram du go rims ji lta bar tsan+dan dang / khrag dang / 'o ma dang / gur kum gyi chus gong ba'i kham phor bzhi'i steng du/ me tog gi phreng ba ljang gu dang / dmar po dang / dkar po dang / ser po 'phyang du gzhug par bya'o/ /de'i
220b6 ngos gcig tu mtshan nyid dang ldan pa'i bum pa 'khor lo la sogs pa'i phyag mtshan bris la/kha rgyan dang bcas pa dri zhim pa'i chus gang ba lnga gzhag par bya'o/ /der rnams la sna tshogs pa'i me tog dang / bdug pa dang / mar me dang / dri dang / lha bshos rang rang gi sngags
220b7 kyis byin gyis brlabs pa rnams kyis mchod rten mchod nas/so sor 'brang ma chen mo'i rtsa ba'i sngags kyis dbus kyi bum pa la lan nyi shu rtsa gcig bsngags par bya'o/ /de la 'di ni sngags yin te/ oM a mr-i te wa ra wa ra pra wa ra bi shud+d+he/ che ge mo rak+Sha rak+Sha hUM hUM phaT phaT
221a1 swA hA/de nas snga ma bzhin du me tog la sogs pa rnams kyis mchod nas/ 'bras dkar po'i zan dang / mar dang / sbrang rtsi dang / sha ka ra la sogs pa rnams kyis gtor ma'i snod bkang nas bsngags dang tshigs su bcad pa yang brjod de/ yul 'khor
221a2 bsrung 'khor dang bcas pa la mchod pa dbul bar bya'o//s+yAd ya the dan/ d+ha ra Ni d+ha ra Ni/ pra d+ha na sa ni/ b+hany+dza ni bid+ha ma ni/ kiM pu ru She/ sha ka le/ sA ra ti/ shU la d+ha re/ shud+d+ha tsa ra Ni/ g+ho Sha ba ti/ sa ra a g+he/ shAn+ti che ge mo shar phyogs su bde legs su gyur cig swA hA/
221a3 tshangs pa dang ni brgya byin dang / /'jig rten skyong dang dbang phyug che/ /gnod sbyin sde dpon thams cad dang / /'phrog ma bu dang bcas rnams kyang / /bdag gi me tog spos rnams dang / /mchod pa 'di dag blang bar mdzod/ /de rnams kyi ni brtson 'grus dang / /gzi brjid dbang
221a4 phyug stobs kyis kyang //nad rnams thams cad 'joms gyur cig /che ge mo shar phyogs su bkra shis par gyur cig swA hA/ oM a mr-i ta bi lo ki ni/ gar+b+ha saM rak+Sha Ni/ a ra k+Sha Ni che ge mo rak+Sha rak+Sha hUM hUM phaT phaT swA hA/ zhes bya ba'i sngags 'dis shar phyogs kyi bum pa la lan
221a5 bdun du mngon par bsngags par bya'o//de nas lho phyogs su sngar bzhin du mchod pa byas la/ nya dang sha la sogs pa'i gtor ma 'phags skyes po 'khor dang bcas pa la dbul bar bya'o/ /s+yAd ya the dan/ shAn+ti/ sa ra Ti/ kAN+Di/ ka ra Ti/ kid+ka si/ ki ra n+ta/ ki ra Di/ bar d+hi/ ar+d+ha ni/ d+hu ma d+ha
221a6 ra Ni/hi ma ba ti/ dz+yo ti sa tsa ra Ni/ pa la a gri /che ge mo lho phyogs su bde legs su gyur cig swA hA/ tshangs pa dang ni brgya byin dang / /'jig rten skyong dang dbang phyug che/ /gnod sbyin sde dpon thams cad dang / /'phrog ma bu dang bcas pa rnams/ /bdag gi me tog spos rnams
221a7 dang //mchod pa 'di dag blang bar mdzod/ /de rnams kyi ni brtson 'grus dang / /gzi brjid dbang phyug stobs kyis kyang / /nad rnams thams cad 'joms gyur cig /che ge mo lho phyogs su bde legs su gyur cig swA hA/ de nas oM bi ma la/ bi pu le/ dza ya wa re/ a mr-i ta
221b1 bi ra dze che ge mo rak+Sha rak+Sha hUM hUM phaT phaT swA hA/zhes bya ba'i sngags kyis lho phyogs kyi bum pa la lan bdun mngon par bsngags par bya'o/ /de'i rjes la nub phyogs su sngar bzhin mchod pa sngon du song bas spyan mi bzang 'khor dang bcas pa la zho dang 'o ma la sogs pa'i gtor ma
221b2 dbul bar bya'o//s+yAd ya the dan/ ba ra mi ba ra a gre/ ba la ba te/ ba li ni/ ni shaM ge /baM se/ kha ri ka bi li/ tsan+d+ra ni/ ti ri Ni/ ni ra dza na/ bad+ha ri Ni/ bar+Na ba ti/ a tsa ni/ nub phyogs su che ge mo bde legs su gyur cig swA hA/ tshangs pa dang ni brgya byin dang / /'jig rten
221b3 skyong dang dbang phyug che//gnod sbyin sde dpon thams cad dang / /'phrog ma bu dang bcas pa rnams/ /bdag gi me tog spos rnams dang / /mchod pa 'di ni blang bar gyis/ /de rnams kyi ni brtson 'grus dang / /gzi brjid dbang phyug stobs kyis kyang / /nad rnams thams
221b4 cad 'joms gyur cig /che ge mo nub phyogs su bde legs su gyur cig swA hA/ de nas b+hA ra b+hA ra/ saM b+hA ra saM b+hA ra/ in+d+ri ya ma la bi shod+ha ni ru ru tsa le/ che ge mo rak+Sha rak+Sha hUM hUM phaT phaT swA hA/ zhes bya ba'i sngags 'dis nub phyogs su bum pa la lan bdun bzlas pa'i sngags
221b5 so//de'i rjes la byang phyogs su sngar bzhin du mchod pa byas la/ 'bras kyi 'o thug dang / nas kyi khur ba la sogs pas lus ngan po 'khor dang bcas pa la mchod pa dbul bar bya'o/ /s+yAd ya thed na/ khaD+ga gar+b+he bi tsak+Sha Ne/ tsak+Sha rA dza na/ tsan+d+re bA tA le/ b+ha maM barba te/ kha ra a gre/
221b6 b+h+r-i ku Ti/ kar a gre e ga a gre/ pa rag pha ti/ sA rad+ga pa ti/ tsan+d+ra kAn+ti/ byang phyogs su che ge mo bde legs su gyur cig swA hA/ tshangs pa dang ni brgya byin dang / /'jig rten skyong dang dbang phyug che/ /gnod sbyin sde dpon thams cad dang / /'phrog ma bu dang bcas pa
221b7 rnams//bdag gi me tog spos dag dang / /mchod pa 'di ni blang bar gyis/ /de rnams kyi ni brtson 'grus dang / /gzi brjid dbang phyug stobs kyis kyang / /nad rnams thams cad 'joms gyur cig /che ge mo byang phyogs su bde legs su gyur cig swA hA/ oM ma Ni d+ha ri
222a1 badzrI Ni/ma hA pra ti sa re/ che ge mo rak+Sha rak+Sha hUM hUM phaT phaT swA hA/ zhes bya ba la 'dis byang phyogs su bum pa la lan bdun bsngags par bya'o/ /slar yang dbus su mchod pa rnam pa sna tshogs byas te/ mtshams rnams dang steng dang 'og na gnas pa rnams la/ sna tshogs
222a2 pa'i gtor ma sbyin par bya ste/s+yAd ya the dan/ bra h+me bra h+ma g+ho She bra h+ma swA re/ badzre badzre g+ho She/ thi re thi re/ sA re/ a tsa le/ a raN+De/ ra Na N+De/ a raN+Da/ shU ra ba ra/ a gra/ pra ba te/ sa ra ba te/ che ge mo phyogs mtshams thams cad dang / steng 'og thams cad du bde legs su gyur
222a3 cig swA hA/tshangs pa dang ni brgya byin dang / /'jig rten skyong dang dbang phyug che/ /gnod sbyin sde dpon thams cad dang / /'phrog ma bu dang bcas pa rnams/ /bdag gi me tog spos rnams dang / /mchod pa 'di dag blang bar gyis/ /de rnams kyi ni brtson 'grus dang / /gzi brjid
222a4 dbang phyug stobs kyis kyang //nad rnams thams cad 'joms gyur cig /che ge mo phyogs mtshams thams cad dang / steng dang 'og thams cad du bde legs su gyur cig swA hA/ de nas mchod pa sngon du song bas/ mnyam par gzhag pa'i sems kyis 'di skad bdag gis
222a5 thos pa'i zhes bya ba nas/bcom ldan 'das kyis gsungs pa la mngon par bstod do zhes bya ba'i bar du so sor 'brang ma'i mdo lan cig gdon par bya'o/ /de nas shar phyogs su nad pa la sogs pa la gos gtsang ma bgos la kha byang phyogs su bstan nas bzhag ste/ yungs
222a6 kar la sogs pa sa bon sna tshogs kyis byur bsal nas/seng ldeng dang rgya shug gi me dag la sa bon blugs par bya'o/ /de la 'di'i tshigs su bcad pa 'di yin te/ gang dag sangs rgyas rang sangs rgyas/ /sangs rgyas rnams kyi nyan thos dang / /tshangs dbang dang ni
222a7 'jig rten skyong //gnod sbyin sde dpon dbang phyug dang / /de bzhin gnod sbyin stobs chen dang / /'phrog ma bu dang bcas pa dag /de rnams mthu dang gzi brjid kyis/ /ro langs las rnams chad gyur cig /rdo rjes rin chen phug pa dang / /me yis bud shing sreg byed dang / /
222b1 rlung gis sprin rnams 'thor ba dang / /nyi mas nags tshal skems byed pa/ /sna tshogs dri dang mar me dang / /spos kyis sdig pa des bsal te/ /bden pa'i tshig ni 'di dag gis/ /byad stems la sogs tshig par shog /tad+ya thA/ oM hu me hu me/ ka ra ba ti/ ka kha li/ hu hu ni/
222b2 dza ba le/ ga re/ ga ri ni/ sha ba ri/ shAn+ti pra shAn+ti swA hA/ d+ha ban+ti swA hA/ gan+d+herbe swA hA/ ba la ga te swA hA/ sarba ka kho rda tshe da ni swA hA/ sngags kyi tshig 'di rnams kyis che ge mo'i byad dang ro langs dang / sman dang sngags dang dug gi sbyor ba rnams lha thams cad kyis/ tshe di ta pe di ta/
222b3 pa ra dzi ta swA hA/ oM mu ne mu ne ba ri/ de bzhin gshegs pa thams cad kyis rig pa'i dbang bskur ba'i rdo rje'i go cha chen po'i phyag rgya thams cad kyis/ sarba ta thA ga ta hr-i da ya badzra swA hA/ zhes brjod pa sngon du 'gro bas bum pa lnga po rnams kyis go rims ji lta bar dbang bskur bar bya'o/ /
222b4 na maHsarba ta thA ga te b+h+yo ye tiSh+Than+ti/ da sa su tik+Shu/ oM ma Ni badzre hr-i da ya badzre/ ma ma ra s+ya n+ya bi d+ha ri Ni/ ha na ha na/ sarba sha trU na/ badzra gar+b+he/ trA sa ya trA sa ya/ sarba ma ra b+ha ba ni hUM hUM saM ha ra saM ha ra/ bud+d+ha ne tri/ sarba ta thA ga ta badzra ka la a d+hiSh+Thi te/ sarba karma A ba ra Na a ba nA ya
222b5 swA hA/zhes lan nyi shu rtsa gcig brjod pa sngon du song ba'i tsan+dan gyis spyi bo nas brtsams te rkang pa'i bar du byug par bya'o/ /de nas cho ga ji lta ba bzhin du so sor 'brang ma chen mo'i 'khor lo bris te/ ske 'am dpung pa la btags nas so sor 'brang ma chen mo'i phreng ba'i sngags kyis spyi
222b6 bor bsrung bar bya'o//sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas thugs rje chen po dang ldan pa shAkya thub pa la phyag 'tshal lo/ /
222b7 sangs rgyas bstan pa 'phel bya'i phyir/ /de la gus par phyag 'tshal nas/ /sems can rnams la snying brtse'i phyir/ /de ni nga yis brjod par bya/ /rig sngags gzi brjid chen mo 'di/ /stobs chen pha rol gnon pa ste/ /rdo rje gdan la thub pa yis/ /'di ni gsungs
223a1 ma thag tu yang //bdud dang bdud kyi ris rnams dang / /gza' dang log par 'dren pa dang / /bgegs rnams ji snyed gang yod pa/ /thams cad de yi mod la brlag /tad+ya thA/ oM gi ri gi ri/ gi ri Ni gi ri Ni/ gi ri ba ti gi ri ba ti/ gu Na ba ti gu Na
223a2 ba ti/A kA sha bi shud+d+he/ A kA sha ba ti/ A kA sha bi shud+d+he/ sar+b+ba pra b+ha bi ga te/ A kA she ga gan te le/ A kA sha bi tsa ri Ni/ dza li ta she kha re/ ma Ni mau kha ti ka /kha tsi ta mau li sa d+ha re/ su ke she /su b+he she /su bak+t+re/ su bar+Ne/ su bar+Na gau ra/ a ti ta/ a na ga te/ pra
223a3 t+yud+pan+ne/na maHsarba ShAM b+hU ta naM/ dza li ti/ te dzas/ bud+d+he/ su bud+d+he/ b+ha ga ba ti/ su rak+Shi me/ su pra b+he/ su pra te/ su ta me/ su d+hAn+te/ ba re ba ra te/ b+ha ga ba ti/ b+ha dra ba ti/ badzre su b+ha re/ bi ma le/ dza ya b+ha dri pra tsaN+Di/ tsaN+Di ma hA tsaN+Di/ b+ha go ri bo ri/ gan+d+ha ri/ go b+hu re/ tsaN+Da li/ mA taM gi /ma li ni/
223a4 brtsa ni/ su ma ti/ puk+ka si/ sha ba ri sha ba ri/ shaM ka ri/ dra mi Di/ d+ha mi d+hi/ ro du tri Ni/ sar+b+ba gra ha bi d+ha ri Ni/ sar+b+ba ar+tha sA d+ha ni/ ha na ha na sarba shA trUM nAM/ da ha da ha sarba duSh+TAM/ ba tsa pa tsa sar+b+ba b+hU ta/ pre ta pi shA tsA nAM/ ma tha ma tha sar+b+ba yak+Sha rAk+Sha sa/ DA ki nI nAM/ ma nu Sh+ya/ a ma nu Sh+ya nAny+tsa/ pra ma tha bra ma tha/
223a5 hr-i da yaM/ trA sa ya/ dzI bi taM/ gdon ma rungs pa thams cad gyi srog gzhom du gsol/ bcom ldan 'das ma bdag gi sdig pa thams cad gzhom du gsol/ bdag 'khor dang bcas pa thams cad du 'jigs pa dang / gnod pa las bsrung du gsol/ ma rungs pa thams cad
223a6 bcing du gsol/sarba kI la bi shinA sha ni/ ba ra dan+te/ mr-i du dan+ta/ wa ra Ni/ ma ra ban+te/ ma Ni ni/ ma hA ma Ni ni/ tsi ti tsi ti/ bi Ti bi Ti/ bi ma le/ Ti ti Ti ti/ ta Ta ta Ta/ ni ru Te/ sha ni ri/ sha ri ni/ go bu ri/ gau ri Ni/ pi ri Ni/ pra ba re/ sa ma re/ tsaN+Da li/ ma taM gi /a ra si/
223a7 tub ta si/ brtsa si/ su ma ti/ puk+ka si/ sha ba ri sha ba ri/ shad+ka ri/ dra mi Ti/ da ha ni/ pa tsa ni/ marda ni/ sA ra le/ sA ra le/ sa ra maM b+he/ hi na mad d+h+yod/ kiSh+Ta bi d+ha ri Ni/ ma hi le/ ma hA ma he le/ ni ga te/ ni ga Te/ b+ha ny+dze mat+te mat+te/ mat+ti ni dan+ta/ tsakre tsakra/ bA ki ni/
223b1 dza la dza le/ sha ba ri sha ba ri/ sar+b+ba byA d+hi ha ri Ni/ tsu ti tsu Ti/ tsU Di ni tsU Di ni/ dri tsi tsu ni/ ni mi ni mi/ ni min+d+ha ri/ tri lo ka dza na ni/ tri lo ka ka ri/ pra ma ri/ trai d+hA tu ka /bya ba lo ka ni/ badzra pa ra shu /pA sha khang+ga/ shaM kha/ tsakra tri shU la/ tsin+tA ma Ni/ ma hA pid+ya d+ha ra Ni/ bdag gnas
223b2 thams cad du gnas pa na/ma rungs pa'i 'jigs pa thams cad dang / mi dang mi ma yin pa'i 'jigs pa thams cad las bsrung du gsol bsrung du gsol/ badzre badzre/ badzre ba ti/ badzra pA Ni d+ha re/ mi li mi li/ hi li hi li/ ki li ki li/ tsi li tsi li/ bi li bi li/ si ri si ri/
223b3 ba ra ba ra ba ra De/ sarbA tra dza ya/ ba la d+he swA hA/ sarba pA paM bi d+ha ri Ni swA hA/ sarba byA d+hi ha ri Ni swA hA/ saM b+hA ra Ni swA hA/ sarbA tra b+ha Sha swA hA/ sarba sha trUM b+ha ya ha ra Ni swA hA/ saM d+hA ra Ni swA hA/ swa stir+b+ha ba swA hA/ bdag 'khor dang bcas pa dang / sems can thams cad bde legs su gyur
223b4 cig swA hA/shAn+tiM swAhA/ puSh+TiM swA hA/ ba la brti ni swA hA/ dza ya tu dza ye/ dza ya ba ti/ dza ya bi ma le swA hA/ bi pu le swA hA/ oM sarba ta thA ga ta mu te swA hA/ oM b+hu ta swA hA/ oM b+hu ba swA hA/ oM b+hur b+hu ba swA hA/ oM b+hu re b+hu re badzra pa ti swA hA/ sarba ta thA ga ta hr-i da ya pU ra Ni san
223b5 d+ha ra Ni/tsa la tsa la/ ba la ba la/ badzra ya bi d+ye/ oM hUM hUM phaT phaT swA hA zhes so/ /de nas sangs rgyas dang byang chub sems dpa' dang / lha rjes su dran pa sngon du song bas/ bden pa'i byin gyi rlabs 'di bya'o/ /lha dang brgya byin dang bcas pa/ /sangs rgyas kyis khyod bde
223b6 legs shog /dus kun du ni ston par shog /'byung po thams cad bde legs shog /sangs rgyas bsod nams mthu dang ni/ /lha rnams kyi ni stobs kyis kyang / /don ni gang dang gang 'dod pa/ /don ni thams cad grub par shog /rkang gnyis khyed cag bde legs shog /
223b7 rkang bzhi khyed cag bde legs shog /lam du zhugs rnams bde legs shog /phyir 'ong dag kyang bde legs shog /mtshan mo bde legs nyin bde legs/ /nyi ma'i gung la bde legs shog /khyed cag kun kyang bde legs shog /khyed cag sdig par ma gyur cig/ /
224a1 sems can kun dang srog chags kun/ /'byung po dag ni thams cad kyang / /thams cad bde legs 'ba' zhig shog /thams cad nad ni med gyur cig /kun gyis bzang po mthor bar shog /gang yang sdig par ma gyur cig /'byung po gang dag 'dir ni
224a2 lhags gyur zhing //sa'am 'on te bar snang 'khod pa dag /skye dgu rnams la rtag tu byams byed cing / /nyin dang mtshan du chos kyang spyod par shog /rgyal ba dgra rgyal gang gis 'di bden pas/ /bden pa de yis 'dir ni bde legs shog /ces so/ /de nas sman pas bstan pa'i
224a3 sman rnams sngags 'dis mngon par bsngags te nad pa la sbyin par bya'o//oM ma Ni d+ha ri badzri Ni/ ma hA pra ti sA re hUM hUM phaT phaT swA hA/ so sor 'brang ma'i snying po 'di yang bzlas pa'i ched du bzlas par bya'o/ /slar yang dbus nas brtsams te/ phyogs bzhi rnams su nye bar spyod pa
224a4 lngas mchod nas tshigs su bcad pa lngas bzod par gsol bar bya'o//gang dag sangs rgyas rang sangs rgyas/ /sangs rgyas rnams kyi nyan thos dang / /tshangs dbang dang ni 'jig rten skyong / /gnod sbyin sde dpon dbang phyug dang / /de bzhin gnod sbyin stobs chen dang / /'phrog
224a5 ma bu dang bcas pa rnams//gang dag bar snang spyod pa dang / /gang gzhan sa la spyod pa rnams/ /me tog dang ni spos 'di dag /ji ltar bde bas bzhes su gsol/ /sems can don phyir rnam kun gyis/ /rtag tu thugs rjes bzhes su gsol/ /de'i rjes la mchod rten gnas
224a6 ji lta bar bzhugs su gsol nas/mchod pa'i rdzas thams cad khron pa rnying pa'am/ chu bo'i nang du dor bar bya'o/ /de ltar ji ltar nus pas nyi ma gcig gam gnyis sam gsum mam nyi ma bdun gyi bar du bya'o/ /skyong ba shAkya seng ge yis/ /bsrung ba 'di ni yang dag bshad/ /
224a7 'di ma gtogs par khams gsum na/ /bsrung ba'i rig sngags gzhan med do/ /de ni mi 'chi rga med de/ /nad kyis mi btab mi rgud kyi/ /sdug pa dang ni 'bral mi 'gyur/ /shin tu bsgoms par byas na ni/ /de ni mi sdug pa dang yang / /phrad par 'gyur ba ma yin no/ /lag
224b1 na rdo rje stobs chen dbang //bde sogs bdag po dbang po dang / /'phrog ma dang ni lngas rtsen dang / /'jig rten skyong ba 'phrul chen dang / /zla ba nyi ma rgyu skar bcas/ /mchog tu mi bzad gza' rnams dang / /gang yang klu chen thams cad dang / /lha dang de bzhin drang srong dang / /lha
224b2 min mkha' lding dri za dang //mi'am ci dang lto 'phye che/ /bsrung phyir rtag tu 'brang bar byed/ /gang gis rig sngags stobs chen mo/ /rdzu 'phrul chen mo bris nas ni/ /shes rab can gyi lag la gdags/ /rtag tu phun sum tshogs pa thob/ /so sor 'brang ma chen po'i srung ba/
224b3 slob dpon sangs rgyas ye shes zhabs kyis mdzad pa/ /gdams ngag dus da lta byed pa'i tshul paN+Di ta su ma ti kI rti'i zhal snga nas gzhung du bsdebs pa rdzogs so// //lag pa reg cing dza zhes brjod pas gshegs su gsol lo/ /lo tsA ba chen po d+harma kIrtis bsgyur ba'o/ /