| བོད་ཡིག |
214a4 @##/ /rgya gar skad du/ Ar+ya si tA ta pa tre a pa rA dzi ta sA d+ha mAM/ bod skad du/ 'phags ma gdugs dkar mo can gzhan gyis mi thub pa sgrub pa'i thabs/ gsang ba'i bdag po lag na rdo rje la phyag 'tshal lo/ /dang por tho rangs langs te/ byang chub kyi sems dran
214a5 par byas la/rang tha mal pa'i snying ga phye ba'i steng du zla ba nya ba la oM dkar po bsams te/ de'i 'od kyis rang gi sdig pa dag pa dang / kha dang ba spu'i bu ga nas 'thon te/ sems can gyi don byas shing / 'og min nas gdugs dkar mo can/ bla ma dang sangs rgyas dang byang chub
214a6 sems dpas bskor ba mdun gyi nam mkha' la spyan drangs te/phyag 'tshal ba dang mchod pa dang / sdig pa bshags pa dang / bsod nams la rjes su yi rang ba dang / skyabs su 'gro ba dang / lam bsten pa dang / sems bskyed de/ yan lag lnga pa byas la/ de'i bsod
214a7 nams byang chub tu bsngo bar bya'o//de nas byams snying rje dga' ba btang snyoms bsgom par bya'o/ /de nas snod bcud ma lus pa bsdus te/ stong pa nyid dmigs la/ oM shU n+ya tA dz+nyA badzra swa b+hA ba At+ma kou0f85haM zhes brjod do/ /de'i rjes su paM las pad+ma'i steng du a las zla ba'i d
214b1 kyil 'khor dmigs la/de'i steng du oM dkar po dang bcas par gyur pa las/ gdugs dkar mo can gyi sku bsam ste/ zhal gsum pa la phyag drug ma/ /sku mdog dkar mo 'gying bag can/ /dbus dkar g.yas sngo g.yon dmar zhal/ /spyan gsum khro mo'i lta stangs
214b2 can//g.yas pa 'khor lo lcags kyu mda'/ /g.yon pa rdo rje dkar po gzhu/ /zhags pa dang bcas sdigs mdzub nyid/ /gza' kun 'joms par byed pa ma/ /skyil krung phyed pa'i gar gyis bzhugs/ /lha yi rgyan dang na bza' ldan/ /rnam snang mdzad kyis dbu brgyan ma/ /
214b3 de ltar bdag nyid lha mor bsam/ /de'i snying gang pad+ma'i steng zla ba la oM dkar po'i 'od zer gyis/ ye shes sems dpa' spyan drangs la gzhug pa dang / dbang bskur zhing rigs kyi dbu rgyan gyi bdag po rnam snang gis rgyas gdab ste/ yi ge gsum gyis byin gyis brlabs la
214b4 phyag rgya bcas te/lag pa khu tshur snying gar bca' ste/ lag pa g.yon pa'i khu tshur g.yas pa'i mdzub mo nas gyen du blta bar bya'o/ /sngags bzlas pa ni/ oM si tA ta pa tre a pa rA dzi ta sarba gra hA na tra yA yA ya yA ha na drUM drUM hraM hraM phaT phaT swA hA/ snying po'o/ /gtor ma ni yi
214b5 ge gsum gyis byin gyis brlabs te/oM a kA ro mu khaM sarba d+harmA NAM Ad+ya nut+pan na twA ta oM AHhUM phaT swA hA/ zhes 'byung po thams cad pa'i gtor mas sbyin par bya'o/ /'phags ma gdugs dkar mo can gzhan gyis mi thub pa'i sgrub thabs rdzogs so// //rgya gar shar
phyogs kyi paN+Di ta bi b+hU ti tsan+d+ra dang /