CLOSE WINDOW

D3113
བོད་ཡིག

@##/ /rgya gar skad du/ pra tiSh+Tha bi d+hi nA ma/ bod skad du/ rab tu gnas pa'i cho ga zhes bya ba/ 'phags ma gtsug tor nas byung ba'i gdugs dkar mo can la phyag 'tshal lo/ /bla ma rje btsun sprul pa yi/ /rang bzhin lha mo gus btud de/ /rab gnas cho ga bsdus pa yi//man ngag rim pa bri bar bya/ /de la gang zag thams cad la/ /rab gnas 'thad pa ma yin te/ /skye ba med pa'i ngo bo la/ /gang gis gang la ji ltar ni/ /rab tu gnas par bya ba yod/ /kun rdzob la yang gnas pas ni/ /de yi byin rlabs mi shes pas/ /rab gnas cho ga 'thad pa min//las dang po yi rnal 'byor la/ /rgyud sbyangs dad dang nges bskyed phyir/ /rab tu gnas pa bya bar gsungs/ /de la dang por slob ma yis/ /gzhi dang rdzas rnams tshogs gyur nas/ /mtshan nyid ldan pa'i bla ma la/ /lan gsum bar du gsol ba gdab//gnang ba byin la bla ma yis/ /bsnyen pa'i cho ga brtsam par bya/ /rab 'bring rtags dang ldan pas ni/ /sta gon cho ga la 'bad bya/ /sa chog la sogs sngon 'gro sa'i/ /dkyil 'khor khrus kyi stegs bu dag /bstar ba ba yi rnam lngas byug /brtan ma'i cho ga yan lag bya//de nas bum pa mtshan nyid ldan/ /bkru dang brgyan pa la sogs bya/ /rang rang mtshan ma bkod la gzhag /bskyed dang bzlas pa rdzogs par bya/ /rnam rgyal bum par chu bsdus la/ /gzungs thag rdo rjes bzung la gzhag /de nas mchod bstod rgyas par bya'o//bum pa sta gon bya ba'o/ /zla ba drug dang gza' bzhi dang / /rgyu skar bcu bzhi la bab dang / /tshes grangs bdun gyi grangs nyid la/ /rgyas pa'i rab gnas la sogs bya/ /de nas rab tu gnas pa'i gzhi/ /dgram dang 'phan gdugs rgyal mtshan gyis/ / gnas khang brgyan dang mchod pa bsham/ /lugs ma la sogs stegs bu ste/ /ras ris la sogs byang du bsgrig /khrus dang mchod pa'i rdzas tshogs bya/ /ras ris sku la dkris byas te/ /byur bsal la sogs cho ga ni/ /yungs kar chu dang 'bru zan dang / /drur bas byabs te skyang bar bya//oM badzra ba dra zhes pa'i sngags kyis so/ /de nas ba yi rnam lnga dang / /bdud rtsi lnga yis snod bkang la/ /dUr ba'i pir gyis bkru bar bya/ /oM sarba ta thA ga ta kA ya bi sho d+ha ni swA hA/ de nas til mar dri zhim pa/ /spos kyis bsgos pas gong ltar byug /de yi sngags ni 'di yin te/ /oM hUM hUM hri baM/ de nas de bsal ba'i phyir/ /u dum+lA ra shiR+sha dang / /a shwad+tha dang n+ya gro dang / /parka ti yi shun pa yi/ /phye mas bskus te bkru bar bya/ /de nas skyu ru ra sogs pa/ /'dag chal kun gyis byug par bya/ /de nas bum pa'i chu gtsang dang //dri zhim bdud rtsi lnga yis bkru/ /bla ma sangs rgyas byang chub sems/ /grub pa'i rig 'dzin la sogs kun/ /bkra shis brjod dang mchod bstod bsam/ /lha mos chu ni blugs bsam ste/ /ji ltar bltams pa tsam gyis ni/ /de bzhin gshegs pa khrus gsol ltar//lha yi chu ni dag pa yis/ /de bzhin bdag gis khrus gsol lo/ /oM sarba ta thA ga ta a bye She ka sa ma ya shri ye AHswA hA/ de nas chu yi thigs pa dag /ras bal 'jam pas phyi bar bya/ /ras ris glegs bam la sogs pa/ /dngos su bkru ba med pa la//me long sogs la khrus sogs bya/ /de ni khrus kyi cho ga yin/ /tsan+dan gnyis dang gur gum dang / /lang gu ldan te dri lnga yis/ /rten la thig le byas de nas/ /oM badzra gan+d+ha AHhUM swA hA/ de nas mchod pa rnam lnga sogs/ /rang rang sngags kyis dbul bar bya//de nas ye shes sems dpa' ni/ /nam mkhar spyan drangs mchod bstod la/ /khyad par rigs kyi lha bltas te/ /thugs ka spyi bo mgrin pa dang / /phrag pa rdo rje dang bcas pas /reg la lag tu spos thogs te/ /pus mo sar btsugs lce hUM las/ / rdo rje dmar por bya ste brjod/ /bcom ldan gtsug tor gdugs dkar can/ /rig sngags rgyal la phyag 'tshal bstod/ /thugs rje'i bdag nyid can khyod kyis/ /sang ni rab gnas bgyid par 'tshal/ /slob ma la ni brtse ba dang / /khyod rnams la ni mchod pa'i phyir/ /gus pas bdag dang de la ni//bcom ldan bka' drin mdzad pa'i rigs/ /'gro ba 'khor lo'i bya don phyir/ /sangs rgyas rnams ni bdag la dgongs/ /dgra bcom byang chub sems rnams dang / /gang yang sngags kyi lha gzhan dang / /lha dang 'jig rten skyong ba dang / /bstan pa la ni mngon dga' zhing //byang chub la brten 'byung po dang / /rdo rje spyan ldan sems can rnams/ /rdo rje 'chang chen che ge bdag /rigs pa yi ni rgyal po yi/ /ji ltar nus pa'i mchod pa dang / /'gro ba zhi bas rab gnas bgyid/ /slob ma mchod dang bdag la ni/ /khyod kyis thugs brtse nyer bzung nas//rab gnas 'di la thams cad kyis/ /thugs brtser ldan pas gnas par mdzod/ /de nas dzaHhUM baM hoHzhes/ /nam mkha'i lha rnams dam tshig bstim/ /byin rlabs dbang bskur rgyas gdab bya'o/ /de nas mchod pa rnam lnga dang / / sgra yi tshogs pa dpag med dbul/ /de nas bum chus slar yang bkru/ /de nas lha yi sngags dag ni/ /skyon lnga spangs la bzlas par bya/ /de nas dang por gsol btab la/ /rnam par byon par 'dod pa yis/ /tshigs bcad yang ni yi ge bya/ /mtha' ma mu yis mtshan pas gshegs//rdzas kyis g.yogs te gzhag par bya/ /slob ma yod na sta gon bya/ /'di ni lha yi sta gon no/ /de nas/ thig tshon la sogs bya ba ni/ /rgyas pa'i dkyil 'khor cho ga ltar/ /mchod pa'i dngos po gser thur dang / /rgyan dang sku chings glegs shing dang //na bza' la sogs rgyas par bya/ /dkyil 'khor bskyed la bzlas sogs bya/ /dbang blang dam tshig rdzogs par bya/ /de nas gzhi ma bkru la sogs/ /gong gi cho ga ltar bya'o/ /de nas sa bon lha bkug la/ /nam mkha' gnas la mchod bstod bya//spos dang rdor dril thogs nas su/ /pus btsugs gong ltar byin brlabs te/ /sang ni rab gnas bgyid lags na/ /zhes pa bgyid par 'tshal du bsgyur/ /de nas ye shes spyan drangs la/ dzaHt+t+waM baM hoHsa dgug gzhug bya/ /de nas mchod bstod rol mo'i sgra//dpag med mchod dang gnas gsum brlab/ /dbang bskur byas te bum chus bkru/ /rnam snang rang gi rigs kyi lha/ /gang yin pas ni rgyas gdab bo/ /de nas dbang gzhan rim pas bskur/ /oM badzra A b+ha ra na bi ju Sha Ni swA hA/ zhes pas rgyan gyis mchod pa 'bul/ / de nas rang rang rigs kyis bstod/ /gser thur a dza na byugs bas/ /spyan dbye sngags ni 'di yin no/ /oM tsak+Shu sa man+ta tsak+Shu bi sho d+ha ni badzre swA hA/ oM an+da sa mA ng+hi d+h+yA naM pri Na ne swA hA/ zhes pas bza' ba bzang po dbul/ /de nas bdud rtsi 'khyel pa yi/ /sngags kyis zhabs bkod dbul ba ni//rdo rje bzung ba'i lag g.yas kyis/ /lan gsum bskor la brtan par bya/ /de nas su pra tiSh+Tha badzre swA hA/ zhes pas gnas su gzhug par bya/ /de nas mchod bstod rgyas par bya/ /de nas bla mas slob ma la/ /khyod kyis nga la gsol btab pa'i/ /sku gzugs dag ni khyad par du//ji skad gsungs bzhin spyan dbye ba/ /de ni ngas kyang byas 'gyur te/ /khyod kyi de ni kun rdzob pas/ /ci bde bar ni mchod par byos/ /zhes bya zhal khebs la sogs bya/ /de nas slob mas mchod pa dang / /bla ma yon gyis mnyes par byas/ / bla mas legs ldan gtor mas mchod/ /byin chen bkra shis yun ring du/ /bzhugs par bka' yis chos skyong bsgo/ /gsol btab la sogs bla mas bya/ /slob ma'i sgrib pa gzhom pa dang / /rang gi lhag chad bskang ba'i phyir/ /sbyin sreg cho gas bskang bar bya//bsdu gshegs smon lam gdab par bya/ /mchod bstod la sogs rgyas par bya/ /rab tu gnas pa'i cho ga 'di/ /kA ma ng+ha nu'i rjes 'brangs te/ /pad+ma'i lcags kyus mtshan pa yi/ /dge slong gis sbyar bsod nams kyis/ /khams gsum sems can thams cad kyang //sprul pa'i sku dang mnyam 'gyur shog /mang du thos pa'i slob dpon pad+ma'i lcags kyus rigs ldan ha ra pa'i slob dpon kA mal d+he nu pa'i rjes su 'brangs nas sbyar ba rdzogs so// //A tsAr+ya bi na ya tsan+d+ra dang / lo tsA ba dge slong chos kyi shes rab kyis bsgyur ba'o/ /