CLOSE WINDOW

D3108
བོད་ཡིག

@##/ /rgya gar skad du/ uSh+NI Sha b+ha ba si tA ta pa tre bi d+hi nA ma/ bod skad du/ gtsug tor nas byung ba'i gdugs dkar mo can gyi cho ga zhes bya ba/ rje btsun phyag na rdo rje la phyag 'tshal lo/ /rnam snang mdzad rigs gtsug tor grags/ /phyag stong spyan stong zhabs btud nas//gzungs kyi rim pa las byung ba'i/ /dkyil 'khor cho ga bshad par bya/ /chu klung ngam/ nags tshal lam/ chu bo'i 'gram mam/ ri'i sul lam/ phug gam/ yid dang mthun pa'i yul dben pa bas mtha'i dgon par/ slob dpon gtsug lag mkhas pa chos la dga' ba bslab pa bsrung ba 'grogs na bde ba/snying rje can gyi dkyil 'khor du dbang bskur ba thob pa dkyil 'khor la sogs pa'i las la mkhas pa rmi lam du rtags dang mtshan ma thob pa/ sgrub pa'i grogs po rigs btsun pa chos spyod pa dad pa can snying stobs che zhing brtson 'grus can/bsam pa bzang zhing mi skyo ba gzhan gyis brid kyang 'phags pa'i tshul mi gtong ba'i grogs dang lhan cig tu stan bde ba la 'dug ste/ sgrub pa'i yan lag ni rdzas me tog dkar po dri zhim pa dang / rtsa ba dang sdong bu la sogs pa sbyar ba'i spos dkar po dang / tsan+dan dkar po'i dri dang / 'bras dkar gyi bshos dang / lug la sogs pa dkar ba las byung ba mar gyi mar me dang / 'bras yos dang / tsan+dan dkar po dang / me tog dkar po dang ldan pa'i ar+g+haM dang / gtsug tor dkar mo'i nye ba'i snying po bzlas pa'i khrus byas la/ snying po'i sngags bzlas te/ stod g.yogs dang smad g.yogs dkar po bgos nas/gtsug tor nas byung ba bzhin tshogs gsog pa'i lha mdun du spyan drangs la/ bdun rnam dag byas te/ gtsug tor nas byung ba bzhin du khro mo bcu bdun bsgoms la sngags bcu gsum brjod nas thugs ka'i 'od zer las ra ba dang dra ba dang / bla re dang me 'od rnams byung ste bsrung bar bsam par bya'o//de nas rang gi snying gar yi ge hUM bkod nas chos thams cad bdag med par bsgom par bya'o/ /de nas dbyangs yig bcu drug las zla ba'i dkyil 'khor bskyed la/ de'i steng du yi ge hUM bsam mo/ /de yongs su gyur pa las rdo rje dkar po rtse dgu ba bsam mo//de nas 'od zer s+pha ra Na hUM zhes pas spro ba dang / saM ha ra na hUM zhes pas bsdus nas/ bdag nyid bcom ldan 'das phyag na rdo rje rdo rje dang zhags pa bsnams pa/ bgegs kyi rgyal po bi nA ya ka gdan du bting ba/ sku mdog sngon po sangs rgyas lnga'i cod pan can/ rdo rje'i rgyan gyis brgyan pa me'i phung po'i dbus na bzhugs par bsams la/de'i snying ga nas nye ba'i snying po'i sngags brjod pas shar la sogs pa me 'bar ma la sogs pa'i khro mo brgyad sprul pa hUM druM hrIHSh+ToM gyis bdag dang khro mo brgyad byin gyis brlabs la snying po dang nye ba'i snying po bzlas nas/ de'i mdun du gdug pa can thams cad tshar gcod pa'i dkyil 'khor dbu stong mnga' ba/ phyag stong mnga' ba/ spyan bye ba brgya stong mnga' ba/ mi byed 'bar ba'i mtshan rtags can 'grel pa nas 'byung ba bzhin bsgoms la/ mchod pas mchod pa dang / gtsug tor dkar mo'i gzungs kyis bstod pa dang /bdag dang mtha' yas pa'i sems can thams cad srung du gsol zhes phrin las bcol la/ snying po'i dkyil 'khor phyogs skyong ba bcus bskor bar bsams la/ gtor ma bcu dbul ba dang / gdon thams cad la gtor ma gsum mkha' spyod dang / sa spyod dang sa 'og na spyod pa'i dbye bas phye ba la mchod pa phul nas gzungs nas 'byung ba bzhin du phrin las bcol la gshegs su gsol bar bsam par bya'o//de nas nye ba'i snying po'i 'khrul 'khor bris la rgyal rigs la sogs pa la gdags so/ /yang na rgyal mtshan gyi rtse mo la btags nas grong dam grong khyer ram/grong rdal gyi sgor btsugs te/ klog pa bzhi phyogs bzhir bzhag la mchod pa chen po byas la/ bskor ba brgya rtsa brgyad bya ba'am/ yang na rgyal mtshan gyi rtse mo la btags nas grong ngam grong khyer ram grong rdal la/ bskor ba bya'o/ /las 'di thams cad la snying bo dang nye ba'i snying po 'bum sngon du bzlas te/gzungs brgya rtsa brgyad bzlas la tshon dkar pos dkyil 'khor bris te/ mchod nas las thams cad shes par bya'o/ /gtsug tor nas byung ba gdugs dkar mo can gyi gzungs 'don pa'i cho ga /slob dpon shU raM ga barma badzras mdzad pa rdzogs so/