190a2 @##/ /lha mo gdugs dkar mo can la phyag 'tshal lo/ /rnal 'byor pas rims bsrung bar 'dod na/ dang po mchod pa dang gtor mas rims kyi 'byung po tshim par byas te/ bden pa'i stobs kyis brjod pa dang gsol ba gdab par bya'o/ /de nas gdugs dkar mo'i gzungs
190a3 bris te/bsgrub par bya ba'i dkyil 'khor gyi dbus su de gdugs sam rgyal mtshan gyi rtse mor btags te/ mchod pa dang gtor ma bshams te/ rang nyid lha'i rnal 'byor du byas te/ thun bzhir bsgom bzlas bya'o/ /de yang nyin mtshan dus drug tu gdugs dkar mo 'khor
190a4 dang bcas pa la gsol ba gdab pa dang /mchod bstod dang bskor ba byas te/ bum pa'i chus bkru zhing / bsrung ba yang gdags par bya'o/ /dpal tshangs pa dang brgya byin dang rgyal po chen po bzhi dang / mgon po la yang gtor ma byin te gsol ba gdab bo/ /de nas bsgrub
190a5 bya gdugs dkar mo'i spyan sngar phyag 'tshal ba dang /mchod pa dang / bstod pa dang / bskor ba thun bzhir bya zhing gdon gyi tshogs rnams la gtor ma byin te gsol ba gdab bo/ /khyad par du rims kyi 'byung po la yang gtor ma byin te gsol ba gdab par bya'o/ /cho ga de lta bu
dang ldan pas thun bzhir gzungs 'don par bya'o/