| བོད་ཡིག |
189a5 bya ba nas zas su mngal za ba kun gyis sbyin no/ /gtor ma'i cho ga rdzogs so// //paN+Di ta ma hA dza na nyid kyi rang 'gyur yin gsung / /[ ]@##/ /rgya gar skad du/ Ar+ya ta thA ga toSh+NI Sha si tA ta pa tre nA ma d+hA ra ni bid+hi nA ma/ bod skad du/ 'phags
189a6 pa de bzhin gshegs pa'i gtsug tor nas byung ba'i gdugs dkar mo can zhes bya ba'i gzungs kyi cho ga zhes bya ba/'phags ma gdugs dkar mo can la phyag 'tshal lo/ /rnal 'byor nus pa chung gyur zhing / /bsdus pa la mos sems can la/ /tsaN+Da bdag gis legs
189a7 bsdus te//gzungs kyi cho ga dgod par bya/ /dang por sngags pa dam tshig ldan/ /byang chub sems ldan rab sbyangs te/ /cho ga bsdus rgyas mkhas pa yis/ /maN+Dal chag chag btab steng du/ /dri yi byug pa legs bsgos te/ /dang por dbus su pad+ma ni/ /'dab brgyad ge sar
189b1 bcas pa bri//de yi phyir ni bcu drug pa/ /bris te sgo ni gcig pa bya/ /de dbus rin chen khri steng du/ /bum pa mtshan nyid ldan pa gzhag /rgyan dang dri yi sa chus gang bya'o/ /de nas mchod dang gtor ma bsham/ /dang po byang chub sems bskyed la/ /bdun po rnam par dag
189b2 pa yi//sngon 'gros lha mo bskyed par bya'o/ /de nas bzlas dang gtor ma dang / /mchod dang bstod pa la sogs bya/ /bum pa mi dmigs b+h+rUM las ni/ /rin chen las grub gzhal yas khang / /dkyil 'khor cho ga nas gsungs pa/ /rim pas bskyed pa rdzogs par bya/ /byin
189b3 brlabs ye shes spyan drang dang //de rjes mchod pas mchod par bya/ /bstod dang gsol gdab bzlas pa bya/ /phar 'phros 'od kyis lha mchod la/ /tshur 'dus bdag gi sdig pa dag /ngo bo chu la rnam pa lnga/ /yang na bzlog pa'i rnam par bya/ /de nas legs ldan chen po la/ /
189b4 gtor ma rgyas par byin nas ni/ /slob ma khrus byas stan la 'dug /thun mong khyad par sdom pa kun/ /phog la lha la mchod bstod bya/ /de nas thams cad 'joms pa yi/ /sngags kyis slob ma bsrung bskrad la/ /de nas bum pa'i chu yis ni/ /slob ma'i mgo nas blugs
189b5 pa dang //bkra shis tshigs bcad brjod par bya/ /sdig sgrib dag ste rang gi ni/ /rigs kyis dbu la brgyan par bya/ /de nas me tog mchod pa dang / /dbu rgyan la sogs byas de nas/ /rang gi 'dod don gsol ba gdab/ /bla ma la ni yon phul la/ /rang gi dam tshig brjod
189b6 par bya//bla mas dkyil 'khor la srung ba'i/ /dam tshig rgyas par bsgrags nas ni/ /byur bsal la sogs rdzogs par bya/ /de nas srung ba'i 'khor lo yang / /cho ga ltar bris bsngags par bya/ /mdor bsdus maN+Dal 'dab brgyad pa/ /byas te gong ltar cho ga bya/ /shin tu bsdus
189b7 la bum par ni//lha mo nyid sku rdzogs par ni/ /byas te smon lam la sogs bya/ /de nas khrus sogs rgyas par bya/ /des ni phyi nang gnod pa dang / /sdig pa'i tshogs rnams ma lus pa/ /thams cad zhi bar 'gyur ba yin/ /gzhan yang las tshogs ma lus pa/ /kun kyang de
190a1 las 'grub par 'gyur//'phags pa de bzhin gshegs pa'i gtsug tor nas byung ba'i gdugs dkar mo can gyi cho ga'i man ngag /slob dpon tsan+d+ra go mis mdzad pa rdzogs so// //bla ma zangs dkar lo tsA bas bsgyur ba'o/ /