| བོད་ཡིག |
188a5 nad dang rlung dang mkhris pa la sogs pa dang / gcan gzan sbrang bu tre ma la sogs pa las grol ba dang / rims nad thams cad grol bar 'gyur ro/ /'jigs pa las skyob pa'i thabs rdzogs so//[ ]@##/ /ser ba
188a6 srung bar 'dod pas/'khrul 'khor snga ma ltar brgyad byas te/ tha mar ser ba'i 'byung po mA ra ya ban+d+ha ya nan/ bya ba bkod nas bdag nyid lha'i rnal 'byor byas nas/ phyag rgya'i tshogs kyis bkug bcings nas/ kham phor ram thod par bcug nas/ bsrung bar bya ba'i
188a7 yul gyi phyogs mtshams bzhir dong gru gsum du snga ma ltar mnan te/tsha tsha btabs nas mchod rten brgyad byas te/ de gzungs 'di bris te mchod cing bskor ba byas nas gzhag pa dang / yungs kar la sngags 'bum la sogs pa bzlas te gzhag pa dang / gzhan du yang
188b1 bskor ba dang tshangs pa la sogs pa la gtor ma byin te/gsol ba gdab pa dang / snang srid kyi lha 'dre dang / bar snang gi lha dang / gnod sbyin kun dang / yul de'i lha dang klu la sogs pa la mchod pa dang gtor mas tshim par byas nas gsol ba gdab bo/ /de nas
188b2 gzungs la rtag tu mchod cing bzlas pa dang /skabs su mchod pa dang gtor ma gtang zhing sprin la sogs pa byung ba'i tshe bdag nyid lha'i nga rgyal byas te thams cad 'joms pa bzlas shing yungs kar dang bcas pa nam mkha' thams cad phyag rgya'i tshogs kyis gang bas 'joms
par bsam mo/