187a6 /yang na tha mar mna' chu blud la gtang bar bya'o/ /bgegs bzlog cing gzir ba'i thabs rdzogs so//[ ]@##/ /pha rol gyi dmag dpung gzhom par 'dod na/ bdag nyid lha'i rnal 'byor dang ldan pas 'khrul
187a7 'khor mu khyud gnyis pa snga ma ltar ram/ras dmar po lta bu la bris pa'i mthar che ge mo'i tshogs dang / de dag gi srung ma'i ming gi mthar ban+da ya nan bya ba bris nas phyag rgya'i tshogs kyis de'i srung ma dang / dmag dpung rlung gi dkyil 'khor gyis bkug nas bstims te/
187b1 bcings nas 'thab mtshams su snga ma ltar gnan par bya'o/ /yang na pha rol gyi dmag 'ong ba la de bzhin gshegs pa'i gtsug tor nas byung ba'i gdugs dkar mo can gzhan gyis mi thub pa'i gzungs rgyal mtshan gyi rtse mo la btags te rim gro dang mchod pa bya ste/ grong
187b2 khyer thams cad kyi sgo'am/grong ngam/ grong rdal lam/ ljongs sam/ dgon pa'i gnas su gzugs so/ /yang na rin po che'i byang bu'am/ gro ga'am/ shog bu la gzungs 'di bris te/ lhar bskyed cing spyan drang ba dang / mchod pa chen po byas nas bskor bar byas/
187b3 tshangs pa dang dbang po brgya byin la sogs pa la gtang ngo / /che ge mo'i dmag dpung choms shig pa zhes pas kyang bskul te/ de ltar gzungs du mar bris te/ spyi gtsug tu gdags pa dang / gdugs dang rgyal mtshan gyi rtse mo la btags te/ dmag dpung gi mdun du
187b4 bdag nyid lha'i rnal 'byor du bya ste/nga rgyal dang ldan pa phyag rgya'i tshogs dang / tshangs pa dang dbang po la sogs pas bskor te/ gnas par bsams shing phyar te 'gro bar bya'o/ /rtag tu mchod cing gsol ba gdab par bya'o/ /des ni pha rol gyi dmag tshogs rnams
zhi bar 'gyur ro/