186b2 /yang na ling+ga la bzlas pa bya ste/ chu mig gam/ sbyin sreg gam/ sa gter ram/ ri rtser gtad bya'o/ /'khrul 'khor rdzogs so//[ ]@##/ /dus ma yin par 'chi ba dang pha rol gyi dmag bzlog pa ni bdag nyid lha'i rnal 'byor du byas te/
186b3 phyag rgya'i tshogs dang bcas par bsgoms nas/ mdun du 'chi bdag gnas par bsgoms te/ phyag rgya'i tshogs kyis de la bsnun pa'i sbyor ba bya ste/ tshur 'dus pas bdag ye shes kyi bdud rtsis lus la phan gdags par bsams te/ thams cad 'joms pa bzlas par bya'o/ /
186b4 ngag bzlog pa ni grog mkhar gyi sa dang / ba lang gi gci ba la bsgrub bya'i ming gzugs byas la/ de'i snying gar sngar gyi 'khrul 'khor bris pa'i mthar/ che ge mo mA ra ya ban+d+ha ya nan bya ba bcug ste bkod nas bcug nas/ gzugs kyi khar thams cad 'joms pa'i
186b5 sngags bzlas pa'i yungs kar dang phur bus btab ste/de nas mchod rten rnying pa'am/ lha khang gi them pa'am/ lam rgya gram mam sgrub bya'i yul gyi phyogs su tsha tsha'i 'og tu'am/ yang na rang gi mal 'og tu dong gru gsum pa byas pa'am/ 'og tu bzhag nas bye
186b6 mas bkang ste/g.yam pa la rdo rje rgya gram bris la mnan pa'i sbyor ba bya'o/ /de nas tshangs pa dang brgya byin dang legs ldan drag po la gtor ma byin la/ 'chi bdag gzhom pa'am/ che ge mo'i ngag bcings shing che ge mo'i srung ma bdag gi dbang du gyis shig ces bsgo bar
bya'o/