176b4 /de nas gang la dmigs pa de la de bzhin gshegs pa thams cad kyis byin gyis brlab par bsams la khrus bya'o/ /bsam rgyud dang bcas pas so// //[ ]@##/ /gtsug tor dri med kyi gzungs chog bzhugs/ @#/ /bla ma rnams
176b5 la phyag 'tshal lo//gal te cho ga bya bar 'dod na des khrus byas la gos gtsang ma bgos/ spos kyi dkyil 'khor gru bzhi pa bya'o/ /snying po'i rig sngags gro ga la bri bar bya'o/ /mchod rten lnga gdab par bya/ /rig sngags 'di yang mchod rten gyi nang du gzhug par bya/ mchod
176b6 rten ni grwa bzhir gzhag par bya/gcig ni dkyil 'khor gyi dbus su gzhag par bya/ shing bu btsugs te ba dan dmar po dpyang bar bya'o/ /me tog gis gtor bar bya/ bum pa gang ba bzhi bzhag /grwa bzhir pog phor bzhi dang / tu ru ska dang / a ka ru dang / gu gul gyi dud pas
176b7 bdug par bya'o//spos kyi mchod yon gyi snod bzhi gzhag par bya/ yid bzhin gyi nor bu rin po che'i sngags 'di gnyis kyang lan brgya rtsa brgyad bzlas brjod bya/ dkyil 'khor la bskor bar bya'o/ /nad kyis btab pa/ gnod pa/ nad tshabs che ba/ tshe zad pa/ dus ma yin par
177a1 'chi bas 'jigs pa/rgyal po dang / pha rol gyi dmag tshogs kyis 'jigs pa/ bu 'dod pa rnams dkyil 'khor la mngon par phyogs par gzhag go/ /rma bya'i sgro lngas byab par bya'o/ /mchod rten gyi dkyil 'khor la mchod par bya'o/ /cho ga 'di lan gcig
177a2 byas na bskal pa 'bum du byas pa'i las kyi sgrib pa med par 'gyur ro//kun nas sgor 'jug pa'i 'od zer gtsug tor dri ma med par snang ba de bzhin gshegs pa thams cad kyi snying po dang / dam tshig la rnam par blta ba'i gzungs sngags 'di bris la mchod rten gyi nang du gzhug go/ /
177a3 mchod rten gsar pa'am/ rnying pa bcos pa yang rung / de'i nang du gzhug /spos dang byug pa yang dbul lo/ /gzungs kyi sngags zlos shing brgya rtsa brgyad bskor bar bya/ nyin zhag re la nyin lan gsum mtshan lan gsum dran par bya'o/ /de nas nyi ma shar ba dang shar phyogs su
177a4 spos kyi dkyil 'khor bya/nyi ma la logs su me tog gis gtor ro/ /a ka ru dang / tu ruska'i du bas bdugs te/ de bzhin gshegs pa thams cad la phyag byas la lan brgya rtsa brgyad bzlas brjod bya'o/ /mchod rten brgya rtsa brgyad btab la rig sngags kyi snying po bris te mchod
177a5 rten gyi nang du bcug /dkyil 'khor gyi steng du bzhag na gang+gA'i klung bye ba khrag khrig 'bum phrag dgu'i bye ma snyed kyi de bzhin gshegs pa rnams kyi sku gdung ring bsrel mchod rten re re'i nang du bcug par 'gyur ro/ /snying po 'di bris la gzhug go/ /gtsug tor dri ma med
pa'i gzungs kyi cho ga rdzogs so/