CLOSE WINDOW

D3070
བོད་ཡིག

mchod rten lnga gdab pa'i cho ga mdo sde las btus pa/ slob dpon chen po bo d+hi satwas mdzad pa rdzogs so/ /[ ]@##/ /bcom ldan 'das thams cad mkhyen pa la phyag 'tshal lo/ /bi ma la uSh+NI Sha'i gzungs dang / rgyud dag las tsai t+ya dang /tsha tsha gdab pa la sogs pa'i cho ga /A tsAR+Ya d+harma kIrti dang / badzra kI rti dang / badzra bo d+hi la sogs pa las thos nas/ slob dpon de dag gis lung bstan te/ gtan la phab par byas pa'o/ /de la dang po tsi t+ya gdab pa'i sa gzhi ni/ khang pa'am/ yol bas bskor ba'am/ra ba la sogs pa gang 'byor pa'i nang bde bar dkyil 'khor du bya ba'i sa brtag pa ni/ /dkyil 'khor gyi zabs su khru gang brkos las rnag byung na bzang / rus pa dang gyo mo la sogs pa byung na yang / de dag ma lus par bsal te sa brkos pa de'i dbus su/ gser dang dngul dang zangs dang kham pa gang 'byor pa snod sbyar ma'i nang du rin po che dang /'bru nang sman sna lnga dang spos dag blugs nas/ kha bcad de bzhag las bzang pos bkang ste/ de'i steng du dkyil 'khor 'dom do gru bzhi 'phang du khru gang pa legs pa cig byas la/ dkyil 'khor de'i ngos gcig kyang khru gang gru bzhi pa'i dkyil 'khor chung ngu gnyis gnyis mgo snyoms te/dkyil 'khor chen po dang 'brel par byas te/ dkyil 'khor de'i steng du za 'og dang / ras la sogs pa gang 'byor pa'i bla re 'dom phyed dang gsum/ khru bzhi pa yan chad 'dom gang yang yan chad bre/'phan brgyad yan chad du 'byor pa gdags/ phyogs bzhir rgyal mtshan bzhi gzugs/ bla re de'i dbus su dar ram/ ras sam shog bu srid du mda' gang / zheng du khru gang lhag tsam grwa sbyar/ phyogs bzhir mchod rten dran pa nye bar gzhag pa bzhi dang / 'phang lo bdun dang ldan pa re res bres te/de'i bum pa'i dbus nas thad kar bi ma la uSh+NI Sha'i gzungs sngags 'di gur kum gyis bri/ de'i sngags la/ oM na ma s+t+re ya d+h+wi kA nAM/ sarba ta thA ga ta hr-i da ya gar+b+he/ dz+wa la dz+wa la d+harma d+hA tu gar+b+he/ che ge mo/ /saM b+ha ra A yuHsaM sho d+ha ya/ sarba pA paM/ sarba ta thA ga ta/ sa man+toSh+NI Sha bi ma le bi shud+d+he/ hUM hUM hUM hUM aM baM saM dzaHswA hA/ de nas mchod rten de'i 'phang lo'i steng du bi ma la uSh+NI Sha'i gzungs 'dis gdugs lta bur 'khyil par gur kum gyis bri/ de'i sngags la/ na maHsarba ta thA ga tA nAM/ ma hA tsin+tA ma Ni dz+wa la na sA ga ra/ gam+b+hI re A kaR+Sha ya A kaR+Sha ya/A yun+d+ha ra/ A yun+d+ha ra/ san+d+ha ra/ san+d+ha ra/ k+Sha Na k+Sha Na/ k+Shi Ni k+Shi Ni/ k+Shu Nu k+Shu Nu/ sarba ta thA ga ta ma hA sa ma ye/ tiSh+Tha tiSh+Tha/ ma hA b+hu ba na sA ga re/ saM sho d+ha ya mAM/ sarba satwAM sh+tsa/ b+ha ga ba tI/ sarba pA paM/ bi ma le/ dza ya dza ya/dza ya lab+d+he/ s+phu Ta s+phu Ta/ s+pho Ta ya s+pho Ta ya/ bi ga te/ A ba ra Ne/ b+ha ya ha ra Ne/ hUM hUM hUM/ mr-i t+yu daN+Da d+ha re/ a b+ha ya pra de/ uSh+NI Sha bya ba lo ki te/ sa man+ta mu khe/ sa man+ta bya ba lo ki te/ ma hA mA ye/ ma hA pA sha d+ha re/ a mo g+ha bi ma le/ A kaR+Sha ya/A kaR+Sha ya/ A kaD+D+h+ya ya A kaD+D+h+ya ya/ b+hA ra b+hA ra/ saM b+hA ra saM b+hA ra/ in+d+ri ya/ bi sho d+ha ni/ b+hU Shi ta b+hU dzi/ ma hA mu drA bi lo ki te/ dza ya dza ya/ sid+d+he sid+d+he/ bud+d+he bud+d+he/ bo d+ha ni bo d+ha ni/ saM bo d+ha ni saM bo d+ha ni/ sho d+ha ni sho d+ha ni/ saM sho d+ha ni saM sho d+ha ni/ bi sho d+ha ni bi sho d+ha ni ha ra ha ra/ma ma sarba pA pa/ sarba ta thA ga ta/ ku la b+hu dze/ sa ma ya tiSh+Tha/ pra sa ran+tu/ ma ma puN+yaM/ bi na sh+yaM tu pA paM/ sarba kilbi Shaha re ma Ni bi shud+d+he/ sho d+ha ya/ bi ma le/ bi ka si ta pad+me/ ka ba tsi ta b+hu dze/ ShaT+pA ra mi tA/ pa ri pU ra Ni/ sarba ta thA ga toSh+NI Sha bi ma le bi lo ki te swa hA/sarba ta thA ga ta gu h+ya/ a d+hiSh+ThA na a d+hiSh+ThI te swA hA/ oM A yurd de swA hA/ pu N+yad de swA hA/ puN+ya bi lo ki ti swa hA/ puN+ya a ba lo ki te swA hA/ mr-i t+yu daN+De swA hA/ ya ma daN+De swA hA/ ya ma dU ti swA hA/ saM ha ra Ni swA hA/ saM b+ha ra Ni swA hA/ san+d+hA ra Ni swA hA/ pra ti sa ra Ni swA hA/ o dzo ba ti swA hA/te dzo ba ti swA hA/ dza ya ba ti swA hA/ sarba ta thA ga te mu dra a d+hiSh+ThA Na a d+hiSh+Thi te swA hA/ mchod rten de dang / gdugs de las ye shes kyi 'od zer sna tshogs phyogs bcur 'phro zhing 'khrigs pa bre/ de'i gzhi'i dbus su dar ram shog shog gang 'byor pa las/ srid du mda' gang tsam zheng du khru gang lhag tsam la/gzungs gnyis ka rdzogs par bri zhing 'od zer 'phro ba dang ldan par byas te/ dbus kyi mchod rten ring bsrel can de la mi reg tu gdags/ de nas dkyil 'khor de'i steng lci ba gtsang ma dang / tsan+dan dang / gur kum la sogs pas bskus la/de'i steng du dkyil 'khor gru bzhi ngos gcig la re'u bcu bcu/ re'u gcig la yang chag gang dang / tshon do'i thad du brtsis te/ cha mnyam par byas la/ srad bu ring thung cha mnyam pa cig tshon sna gcig gis thig btab ste/ re'u brgya dang ngos gcig kyang re'u gnyis gnyis yod pa dang /spyir brgya rtsa brgyad du sbyar/ re'u re re'i steng du yang tsai t+ya gzhag pa'i bzhi tsan+dan dang spos chu gang 'byor pas dkyil 'khor zlum po re re bya/ de nas las kyi bye brag las shar phyogs la sogs par gong thabs gsum gdeng / 'phan gdugs ci rigs par bres la/steng dbus ma'i steng du tsai t+ya su 'degs pa 'dug /de'i g.yas kyi stan la bi ma la uSh+NI Sha'i gzungs sngags klog cing 'dug la/ de'i mdun du dkyil 'khor cig byas pa'i steng du mchod pa sna lnga dgram/ dbus su bum pa'am/ bya gang 'byor pa gcig spos chus bkang la/ de'i nang du sman dang 'bru dang rin po che sna lnga lnga bcug la kha bcings te/ de'i mgul nas srad bu gtsang ma gcig btags la sngags gnyis lan brgya rtsa brgyad bsam pa'i rgyud mnyam par bklag go/ /de la sman lnga ni siM ha dang / bya g+h+r-i dang / ki ri karni ka dang / sa ha dang sa ha de ba'o//'bru lnga ni til dang / bal sran dang / 'bras so ba dang / nas dang gro'o/ /rin po che sna lnga ni byu ru dang / gser sa le sbram dang dung dang / mu tig dang shel te/ ming gis smos pa 'di rnams las dngos su ma 'byor na/ gang 'byor pa de rnams las sna lngar sbyar ro/ /g.yon gyi stan la shes rab tshul brgya lnga bcu pa klog pa cig 'dug la/yo byad gzhan ni gong ma bzhin sbyar la d+harma lan cig yan chad tsai t+ya 'debs kyi bar du rdzogs par bklag /dkyil 'khor gyi steng du tsai t+ya la sogs pa 'god pa'i gos dang / 'bob gtsang mar gsol la/ khrus legs par byas pas 'god/tsai t+ya 'debs pas bdag nyid rang gi lha'i tshul du ting nge 'dzin mnyam par byas te bi ma la uSh+NI Sha'i snying po'am/ 'og nas tsai t+ya gdab pa'i sngags rim gyis 'byung ba gang yang rung ba des/ bsam pa'i rgyud dang ldan par byas te mchod cing tsai t+ya gdab bo/ tsai t+ya btab pa des thal byung du dkyil 'khor gyi steng du bzhag ste/dang por mchod rten lugs ma sha ri ram yod pa cig dkyil 'khor gyi dbus kyi thig rgya gram yod pa'i steng gzhag /gzhan gyi las kyi khyad par gyis 'god de/ zhi ba ni byang shar mtshams nas shar lho mtshams su phreng gcig rdzogs par bkod la shar nas nub tu bsgre'o//tsai t+ya gcig btab ste/ ri'u dbus su bzhag pa dang / dar dang shog shog gang 'byor pa'i rgyal mtshan chung ngu chu srin gyi mgo'am/ tog zlum po gang 'byor pa dang bcas pa dang / 'phan phran chung ngu re re gzugs mchod pa sna lnga yang rim bzhin du dbul zhing dgram/mchod pa rnam pa lnga ni bshos dang mar me dang / spos chu dang / bdug spos dang me tog go/ /de bzhin du tsai t+ya re re btab cing mchod pa tshang bar dbul/ dbus kyi 'khor lo'i steng mchod rten btab zin nas/ mtha'i tsai t+ya brgyad dang shar lhor bskor zhing byang gi bar du rim bzhin dgod/de nas tsai t+ya 'debs pa de bstan/ dbus ma'i steng du 'dug ste/ bsam pa'i rgyud dang ldan pa/ phyogs bcu dus gsum gyi de bzhin gshegs pa 'khor dang bcas pa rnams spyan drangs la/ dung phor la sogs pa gang 'byor pa'i nang du rin po che sna bdun dang /sman dang 'bru sna lnga dang / tsan+dan dang / ga pur dang / gur gum dang 'di rnams las ci 'byor pa bcug ste/ ar+g+ha'i chu lan gsum du sbreng zhing bsam pa'i rgyud dang ldan pas dbul/ de la rin po che sna bdun ni byu ru dang / gser dang dngul dang zangs dang lcags so//de nas kun du bzang po'i mchod pa'i sprin phung rnam par 'khrigs pa kun nas gang bar byin gyis brlab cing mchod do/ /de'i 'og tu tsai t+ya de dag thams cad shel sgong yongs su dag pa'i tshul du rang bzhin gyis rnam par dag cing gsal te/ de dag gi dbus su sngags mang nyung gnyis ka'am/yang na rigs so so'i snying po gang gcig po yang rung ste/ kha dog gser btso ma bzhin du dngas shing 'tsher ba de las 'od zer sna tshogs byung bas/ 'jig rten gyi khams nas nam mkha'i mthas klas pa kun du khyab par sems can gyi don mdzad cing / re ba skong bar byin gyis brlabs nas/slar 'dus pas bdag gi spyi bor zhugs par dmigs nas/ bdag gi las dang nyon mongs pa'i sgrib pa thams cad rnam par dag ste/ shel sgong yongs su dag pa'i tshul du bsam/ de bzhin du yon bdag gson gshin gang yang rung ba'i gzugs brnyan du dmigs nas/de'i spyi gtsug tu ye shes kyi 'od zer shin tu 'phro ba dag /tshul gong ma bzhin du zhugs shing de'i las dang / nyon mongs pa la sogs pa de dag thams cad rnam par dag ste/ shel sgong ltar rab tu gsal bar dmigs/ yon bdag ji lta ba bzhin du 'khor thams cad la yang dmigs shing byin gyis brlab/de bzhin du chos kyi dbyings kyis klas pa nas nam mkha'i mthas gtugs pa'i sems can thams cad la tshul gong ma ltar byin gyis brlab po/ /de nas bi ma la uSh+NI Sha'i sngags kyi snying po nyi shu rtsa gcig yan chad 'dzab ci ran cig bya/de'i 'og tu yon bdag dngos sam gzugs brnyan gang yang rung ba de tshul bzhin du lus bsrungs la/ bi ma la uSh+NI Sha dang tshul brgya lnga bcu pa bklags pa'i sngags chab cho ga bzhin du btab cing dbang bskur ba/ spyi bo nas blugs par bya'o/ /de dang dus gcig tu sngags mkhan cho ga shes pa cig yod na/phyogs bcu'i mgon po yang tshul bzhin du dgug cing ar+g+ha gsol te/ mchod pa sna lnga la sogs pa dang gtor ma bzang du sbyar la rim bzhin du phul te/ 'phags pa thugs dam can khyed kyis mchod pa 'di dag bsnams la/ sbyin bdag ming 'di zhes bya ba dgal khyed kyis bsrung zhing bskyab pa dang /don bsgrub cing byin gyis rlobs shig ces bsgo'o/ /de ltar sngags mkhan cho ga shes pa med na/ mchod rten bskor zin pa'i mjug la phyogs bcu'i gtor ma sbyin zhing bsngo'o/ /de nas rol mo sna tshogs kyis drangs la 'khor thams cad kyis mchod rten de dag la 'od zer sna tshogs phyogs bcur 'phro bar bsam zhing /lan brgya rtsa brgyad du bsam pa'i rgyud ma nyams par byas te bskor/ de lta zin nas yang tsai t+ya 'debs pa'i cho ga shes pa des/ mchod rten de dag las 'od zer byung ba de bdag gi spyi bor zhugs pa nas/phyogs bcu'i sems can gyi spyi bor zhugs pa'i bar du snga ma bzhin du byin gyis brlabs la/ bla na med pa'i mchod pa dang / yon ci 'byor pa yang skabs 'dir dbul lo/ /de nas ar+g+ha tshul bzhin du gsol te/ bsngo ba dang smon lam rgyas par byas la 'phags pa rnams dang /mgon po dag slar gshegs par gsol lo/ /tsai t+ya'i yo byad la sogs pa kha dog dbye ba ni/ las gang byed pa'i khyad par las kha dog dkar po la sogs pa bzhin du byas te/ de la zhi ba'i cho ga ni kha dog thams cad dkar por bsgyur ro/ / rgyas pa'i cho ga ni yo byad thams cad kha dog ser por bsgyur ro/ /dbang gi cho ga ni yo byad thams cad kha dog dmar por bsgyur ro/ /mngon spyod kyi cho ga ni yo byad thams cad nag por bsgyur zhes so/ /tsai t+ya 'debs pa dang / yon bdag dang / tsai t+ya 'debs pa'i las mi thams cad skra bkru zhing khrus bya ba dang /gos sar pa la sogs pa ci 'byor gyis zung du bsgo bar bya'o/ /tsai t+ya 'debs pa dang / bskor ba'i mi rnams la thog ma nas tha ma'i bar du gzhan gyis ma rig par gyis shig /mchod rten brgya rtsa brgyad bya ba rdzogs so// //