CLOSE WINDOW

D3067
བོད་ཡིག

@##/ /rgya gar skad du/ ka l+yA Na kA ma d+he nu/ bod skad du/ dge ba'i 'dod 'jo / /bdud kyi stobs bcom pa la phyag 'tshal lo/ /ngan 'gro'i lam ni bzlog mdzad pa/ /sangs rgyas mchog la phyag 'tshal lo/ /yid ches lung ni ji bzhin du/ /dge ba'i 'dod 'jo rnam par dbye//rin chen byi ru'i mdzod gyur pa/ /dpa' bo gcig sgrub sngags yan lag /spros pa rin chen myu gu can/ /dge ba'i 'dod 'jo bstan par bya/ /zhes bya ba la/ mngon du bya bas rin chen de dngos grub bo/ /de nyid byi ru ste nor bu'i khyad par ro/ /mdzod ni de'i gnas su gyur pa'i mdzod do//dpa' bo gcig sgrub sngags yan lag /ces bya ba la/ dpa' bo gcig ces bya ba ni dkyil 'khor dang phyag rgya la sogs pa la ltos pa med pa ste sngags so/ /sngags de'i sbyor ba las yon tan rnams 'jo bas na/ yan lag ste nu sor lta bu'o/ /spros pa ni dngos grub kyi sgrub thabs kyi bye brag go//de nyid 'dod pa'i don rdzogs par byed pas na rin po che'o/ /de'i myu gu ba'i yang myu gu dang 'dra ba'i rwa yod pa ste bstan bcos so/ /de nyid gang zhe na/ dge ba'i 'dod 'jo zhes bya ba smos te/ de dge ba'i chos kyi rjes su 'gro ba'i ye shes so/ / 'dod pa ni der 'dun pa'o/ /'dod pa de yongs su rdzogs par 'jo bas na bzho ba ste/ bstan bcos kyi ba las bzhi'i rkang lag bzhi dang ldan pa'o/ /sngags kun mang du phyag 'tshal dang / /swA hA sbyar ba'i rang bzhin can/ /de bas lung du ma bstan yang / /thog ma tha mar sbyar bar bya //sngags kun zhes bya ba ni sbyar bar bya zhes bya ba dang 'brel to/ /phyag 'tshal dang swA hA sbyar zhes bya ba ni dang por oM dang tha mar swA hA ldan par bya'o/ /lung du ma bstan kyang zhes bya ba ni dngos su bstan pa med kyang ngo / /thog ma tha ma zhes bya ba la sogs pas ni gzhan 'di yang ston te/sngags kyi de kho na nyid rig pa'i bla ma'i man ngag las sngags spel ba dang / sngags spar ba dang / sngags gzi byin bskyed pa dang / sngags tshim par bya ba dang / sngags nye bar bya ba shes pa dag go/ /de la sngags spel ba ni/ oM satwa che ge mo'i u pa sarba a d+hi rak+Sha zhes bya ba ni bsrung ba la'o//zhi ba la ni oM a mu ka s+ya shAn+tiM ku ru swA hA zhes so/ /nye bar bya ba ni/ oM sa d+ha sin+d+ha rda ba na me ku ru swA hA zhes so/ /sngags sgrub pa la ni/ oM swA hA man+t+ra sid+d+hiM me ku ru swA hA/ nad bsal ba la ni/ oM na mo na maHbyA d+hi me a pa na ya swA hA zhes so/ /rgyas pa la ni/bauSha Ta puSh+TiM me ku ru swA hA zhes so/ /bsad pa la ni/ oM phaT a mu kaM ha na ha na hU~M phaT ces so/ /bskrad pa la ni/ hU~M a mu ka muts+tsa/ tarka ya hU~M zhes so/ /nyer gzhug pa ni/ oM a mu ka s+ya a mu gan+d+ha pa ya swA hA/ zhi ba chen po la ni oM swA hA a mu ka s+ya a mu kaM u pa dra ba k+Sha ye swA hA zhes so//phur bu gdab pa la ni/ oM kI li kI la ya sarba hU~M zhes so/ /de dag la sogs pa shes par bya'o/ /sbar ba la ni sngags thams cad la spyi bor thig le sbyin no/ /gzi byin bskyed pa la ni nA da sbyin no/ /tshim par bya ba la ni khaM ngo nye bar bya ba la ni dkyil 'khor gyis te/ sa dang chu dang me dang rlung gi dkyil 'khor rnams la go rims bzhin du shes par bya'o//nang stong gzi la dbyig goms pas/ /mngon par mtho 'gyur the tshom med/ /rmugs 'dzin chu dbang gis kyang ni/ /skyes bu gang yin de 'drar 'gyur/ /zhes bya ba la / nang zhes bya ba'i sgras ni lus kyi nang gzung ngo //stong zhes bya ba ni bdag med pa'i stong pa'o/ /gzi zhes bya ba ni gzi brjid de me'i dkyil 'khor ro/ /dbyig ces bya ba ni nor rgyun ma ste goms pa ni goms par bslabs pa'o/ /mngon par mtho ba ni mngon par mtho ba'i dpal lo/ /'gyur ba ni 'thob pa'o/ /de bzhin du rmugs 'dzin chu dbang goms pas kyang /mtho can mtho ba 'thob 'gyur ro/ /'dir sbyor ba ni 'di yin te/ snying gar dkyil 'khor gru gsum me'i mdog can bsams la de'i steng du pad+ma dkar po 'dab ma brgyad pa/ de'i 'dab ma rnams la oM ba su d+ha ri ni swA hA zhes bya ba nor rgyun ma'i yi ge brgyad dgod do//lte ba la ni yi ge b+h+rUM gsum bkod la yi ge re re zhing yaM raM gnyis dang spel lo/ /phyogs brgyad du ni gnod sbyin chen po brgyad kyi sa bon bris te/ ma Ni b+ha dra dang / pUr+Na b+ha dra dang / d+ha na da ya dang / bai shra ba Na rnams ni phyogs bzhir ro/ /ka li mA li dang /pi tsi kuN+Da li dang / mu khan+d+rA ya dang / tsa ren+d+rA ya rnams ni mtshams rnams su ste/ thams cad kyang swA hA'i mtha' can no/ /oM dzaM b+ha la dza len+d+rA ya zhes bya ba'i dzaM b+ha la'i yi ge brgyad ni yang pad+ma 'dab ma brgyad pa la dgod do/ /yang dbus kyi lte ba la dzaM mo/ /gal te bsam gtan bya bar mi nus na ni gser la sogs pa'i byang bu la 'khor lo gnyis ni ji lta ba bzhin du bris la kha sbyar te mar dang sbrang rtsi'i nang du bzhag la mchod pa byas nas ye shes kyi 'khor lo spyan drangs te/der bstims nas nyin re zhing dri zhim pa'i me tog la sogs pas mchod par bya'o/ /yang na gur gum gyi chu'i nang du bzhag ste mchod na mtho ris kyi dpal 'thob par 'gyur ro//o tshin+da tshin+da zhes bya bar bstan pa dang / hU~M phaT ces bya ba'i sngags gang yin 'bru tshugs su na ma na ni/ /shes goms khrag dang sha 'gugs 'gyur/ /zhes bya ba la/ sngags ni/ oM tshin+d+ha tshin+d+ha ba sa a mu kaM s+ya rak+ta mAM sany+tsa tshin+d+ha tshin+d+ha/A kaR+Sha ya hU~M phaT/ ces pa'i sngags 'bru tshugs zhes pa ni/ mig 'bru tshugs su blta bas 'bru tshugs su lta ba'o/ /su su ma zhes bya ba ni rtsa'o/ /shes pa ni de'i sbyor ba shes pa ste/ khro bo'i rgyal po gang yang rung ba'i ting nge 'dzin la gnas nas [##]snying gar hUM phaT dmar zhing sngo ba 'bar ba dang bcas pa bsams la srog gnyis gcig tu byas te/sna gung g.yas pa nas skud pa dang 'dra bar phyung nas bsgrub bya mdun du bsams la/ srog rtse mo lngar gyur pa des bsgrub bya'i dpral ba dang / kha dang snying ga dang / dpung mgo gnyis kyi rtsa rnams phug ste/bar bar du sngags bzlas nas dbugs rngub pas slar drangs te kha'am snod kyi nang du khrag dgug par bya'o/ /goms pa ni goms par bslabs pa ste/ dang por shing thog gang yang rung ba rang gi lag tu bzhag la/ sngar bstan pa'i rtsa sngags kyi sbyor bas dgug par bya'o//de nas slar yang shugs kyis dgug par bya ste/ de ltar ji srid du 'bras bu ro khar myong gi bar du bslab bo/ /de nas nim pa'i shing la sogs pa thag ring po na gnas pa rnams kyang bsgrubs la/ de'i 'og tu khrag dgug par bya'o/ /nan+da ni ba ra da/ ki ni khi ni/ ki ni khi ni/ ma he zhon pa'i snying po 'bum/ /gu gul ri lu sbyin sreg bya/ /sdig can yin yang dpal 'phel 'gyur/ /zhes bya ba la/ ma he la zhon pa'i snying po'i sngags ni/ oM nan+da na ba ra ti de ki ni ki ni/ khi ni khi ni/ shri yaM me da da bau ShaT swA hA/ zhes bya ba yin no//'di'i sbyor ba ni 'di yin te / rdo rje hUM mdzad kyi rnal 'byor la gnas nas Tak+ki rA dza thugs ka nas spros te/ phyag mtshan gyi mchog lcags kyu dang zhags pa phyag na bsnams pa ma he la zhon pa'i bgrod dka' lha mo zhal brgyad pa/ kha dog ma ra ka ta ltar sngo bsangs ma mdun du bkug la ar+g+haM byin te sngags 'di nyid ni bzlas brjod bya'o//bzlas brjod rdzogs nas mchod pa phul te gshegs su gsol lo/ /de ltar dus gsum du ji srid 'bum phrag gcig yongs su rdzogs kyi bar du bzlas pa sngon du bsnyen pa byas pa la/ de nas gu gul gyi ri lu rus sbal gyi rus pa'i tshad tsam byas la mar dang /sbrang rtsi dang sha kha ra dang bcas pas thab khung gru bzhi par pa la sha'i me sbar la/ sbyin sreg 'bum phrag gcig byas na de'i 'og tu bdag nyid chen po'i dpal 'thob par 'gyur ro/ /dUr ba ltar ljang gnod sbyin ma/ /rjes mthun mtshan mo bri bar bya//yan lag cha yi phra bkod cing / /nor bu'i rgyan gyis 'od 'phro ba'o/ /zhes bya ba la/ dUr ba ltar ljang zhes bya ba dUr ba'i 'dab ma ljang sngon gyi kha dog can no/ /mtshan mo bri bar bya ba ni mna' ma'i rang bzhin pas ngo tsha ba dang bcas pa'i phyir mtshan mo bri'i nyin mo ni ma yin no/ / rjes mthun zhes bya ba ni yan lag thams cad dang ldan zhing ba'i bzhin can yin gyi/ khro bar ni ma yin no/ /yan lag cha shas zhes bya ba la kha dang / rna ba dang sna dang mig dang so dang mchu la sogs pa'i tshogs te phra bkod pa ni de rnams kyis brgyan pa'o/ /ci 'dra zhe na/ nor bu zhes bya ba la sogs pa smos te/yan lag gi rgyan de dag ni nor bu dang 'dra bas nor bu ste/ nor bu'i rgyan las 'od zer 'phro ba ltar yan lag de dag gis brgyan pas nye bar 'bar zhing mdzes pa'o/ /gnod sbyin ma zhes bya ba ni mna' ma zhes bya bar grags pa'i gnod sbyin ma'o/ /'di'i sngags ni/ grus dz+ye b+ha ra b+ha ra grus dz+ye sid+d+ha dz+ye zhes bya ba'i sngags stong phrag gcig bzlas/phyag 'tshal bsal zhing me dang sbyar/ /spyos kyang mna' ma mdzes ma 'grub/ /ces pa'i sngags ni/ a grus dz+ye b+ha ra b+ha ra grus dz+ye si d+d+ha si ma dza h+ya zhes bya ba'o / /phyag 'tshal bsal zhing me dang sbyar/ /zhes bya ba ni oM gyi gnas su a gdon pa ste/des bsten na dbang du 'gyur ba de bzhin du 'grub pa'o/ /spyos kyang zhes bya ba ni brgyad bkag kyang ngo / /ji ltar bsgrub par bya zhe na/ mi smra bla gab med par nyal/ /zla phyed khru gsum gos gsum brje/ /dzA ti'i me tog brgya rtsa brgyad/ /bsregs na yid 'ong mchog rnyed 'gyur//zhes bya ba la/ mi smra zhes bya ba ni sgrub pa'i g.yog 'ba' zhig dang smra bar bya'i/ gzhan dam tshig med pa dag dang lhan cig mi smra'o/ /bla gab med par nyal zhes bya ba ni steng sgrib g.yogs med pa'i gnas su ba lang gi lci bas byugs nas rtswa ku sha bting ba'i steng du nyal bar bya'o//ji srid du zhe na/ zla ba phyed du mar ngo'i zhag bco lnga'i bar du'o/ /gos gsum brje zhes bya ba ni nyin re gos dkar po gtsang ma gsum gsum brje ba'o/ /'dir yang snga ma bzhin du mdun du bkram pa la bkug la/ dri dang me tog la sogs pas mchod la/ji srid 'bum phrag gcig gi bar du bzlas brjod byas la/ de'i 'og tu dzA ti'i me tog brgya rtsa brgyad la sngags so sor bzlas nas brdeg par bya'o/ /chung mar sgrub na ni b+ha ga la'o/ /sring mor sgrub pa la ni nu ma la'o/ /mar sgrub pa la ni rkang pa la'o/ /bran mor sgrub pa la ni mgo la'o//arka dkar las mtheb tshad kyis/ /tshogs bdag gzugs byas spyir bkan la/ /mtha' yig bzlas te rgyan bkye na/ /nam yang 'pham par mi 'gyur ro/ /zhes bya ba/ skar ma rgyal gyi nyin par arka dkar po'i rtsa ba blangs te/ tshogs kyi bdag po'i gzugs phyag bzhi pa gsus pa 'phyang ba/klu'i mchod phyir thogs can dang / phyag bzhi na mche ba dang / dgra sta dang / zhags pa dang / bgrang phreng bsnams pa/ mthe bo'i tshad tsam byas la/ de lag pas bzung ste de nyid kyi sbyor ba'am/ rang gi lha'i sbyor bas sngags 'bum phrag gcig tu bzlas te/de nas de'i sbyor bas bcings la cho lo la sogs pa'i rgyan bkye na pham par mi 'gyur te rgyal bar 'gyur ro/ /mtha'i yi ge zhes bya ba ni tshigs su bcad pa 'di'i mthar gnas pa'i yi ge ste/ oM ga swA hA zhes bya ba'o/ /a ma ra Ni dzI ban tI ye/ phyag 'tshal swA hA kha sbyar bya//rma bya chen mo'i snying po 'di/ /bzlas na las kun byed par 'gyur/ /zhes bya ba la/ sngags ni/ a ma ra Ni dzI ban tI ye swA hA/ sngags kyi rgyal po 'di shin tu bzlas na las thams cad byed par 'gyur te/ de la nir kun ti dang po tsu ma rta'i rtsa ba dang cod pan khyim bya kham pa can gyi mjug sgro gcig tu sbyar la sngags 'di brgya rtsa brgyad bzlas te/rims nad kyis zin pa la bdug na/ rims nad thams cad sel bar byed do/ /klad gzer la ni mar nag la mngon par bzlas te bskus na/ mgo bo'i zug gzer 'joms so/ /'bras dang 'bru phran tshegs la ni bzlas shing byabs pas zhi bar 'gyur ro//phol mig dang / 'brum bu la sogs pa ni tsan+dan gyi chu la lan bdun bzlas te blud na zhi bar 'gyur ro/ /sbyin sreg gi las byas na gdon thams cad kyis 'tshe ba zhi bar 'gyur ro/ /gang su yang rung ba'i skra bzung la gcer bu skra grol ba dang ldan pas kha lhor bltas te/ sgo'i them pa la 'dug nas sgrub pa po khros bzhin du sngags zlos shing lag pa gnyis kyis bsku mnye'o/ /de ltar dus gsum du byas na/ zhag gsum gyis dpa' bo nyid kyang 'chi bar 'gyur ro/ /arkA rkI ma rkA rkI hi na ga ma ni phaT/ kr-iSh+Na sa ba ra NaM/ lo ma can gyi bsgrub pa la/ /klu nor zhes bya'i sngags 'bum bzlas//btsun mo'i skye gnas phyogs su ni/ /seng ldeng las byas phur pa la/ /brgya bzlas dmar po byugs nas ni/ /sbyar na de mod 'gugs par 'gyur/ /zhes bya ba la/ sngags ni/ oM na ma skr-iSh+Na sa ba ra NaM / ArkA rkI ma rkA rkI hi nA ga ma ni phaT/ sngags 'di'i sbyor ba ni 'di yin te/dang por gcer bus rtsa ba dang 'bras bu dag za zhing 'bum phrag gcig bzlas pas bsnyen par bya'o/ /de nas spra tshil las mtho gang tsam gyi bud med kyi gzugs brnyan yan lag thams cad yongs su rdzogs pa byas la/ /de'i dpral bar ni de nyid kyi dang po'i ming bri'o/ / snying gar ni sngags bri ste/ de yang go ro tsa na dang / rang gi srin lag gi khrag dang bsres la gro ga la ming spel ba dang bcas par bri ste de'i snying gar gzhug go/ /de nas bdag nyid lo ma can gyi gzugs mig dmar ba rma bya'i cod pan gyi bam po mgo la bcings pa/ glang po che phru gu'i mche ba'i rtse mo'i rna rgyan can/shing a sho ka'i lo ma'i phreng bas rked pa dkris pa/ lcags kyu dang zhags pa lag na thogs par bsgoms la/ bsgrub bya la kha bltas te za bzhin bsams nas/ bsgrub bya'i phyogs su gzugs brnyan gyi mgo bstan te/ gan rkyal du bzhag la seng ldeng gi phur bu mtheb sor gyi tshad tsam la sngags lan brgya bzlas te gdab par bya'o//phur bu de yang gru gsum pa rgya skyegs kyi khu bas byug par bya'o/ /brgya zhes bya ba ni brgya rtsa brgyad de/ phur bu des skye gnas zhes bya ba mo mtshan du btab pa la 'od 'bar ba bsgom par bya'o/ /de nas mchod pa'i yo byad dmar po rnams kyis de la mchod la/dus gsum du sngags brgya rtsa brgyad bzlas na/ zhag bdun gyis brgya byin gyi chung ma yin yang 'ong bar 'gyur na bud med gzhan lta smos kyang ci dgos/ tsha bi ra li hU~M phaT bzlas/ /gro ga gdong gi sgo ru gzhug /ri bong khrag gi mtshan mas mtshan/ mkhar gnas btsun mo 'gugs par 'gyur/ /gzhan yang rgyu zhabs dag tu bzhag /ces bya ba la/ oM tsha bi ra li hUM phaT bya'o/ /sngags 'di'i sbyor ba ni 'di yin te/ dang por mdun du yaM las rlung gi dkyil 'khor mdun gyi nam mkha' la bskyed de bsams la/ der bsgrub bya gzhug ste/bdag nyid rig pa mdog dmar zhing sngo ba phyag gnyis na lcags kyu dang zhags pa thogs par bsams te/ lcags kyus bsgrub bya'i snying gar phug cing / mgrin pa zhags pas bcings pa gsal por gyur gyi bar du bsgom mo/ /de nas gnas dben par sngags 'bum phrag gcig gi bar bzlas la sgrub po//ji ltar bsgrub ce na/ gro ga la ri bong gi khrag gis yan lag thams cad dang ldan pa'i gzugs bris la/ de'i dpral bar de nyid kyi dang po'i ming bri ste/ spra tshil gyi nang du gtums la/ spra tshil gyi ri lu khar bcug nas sngags bzlas na de 'gugs par 'gyur ro//sbyor ba gzhan gnyis pa yang gro ga la ri bong gi khrag gis bsgrub bya dang / sgrub pa po'i gzugs gnyis so sor bris la/ bsgrub bya'i ming ni sgrub pa po'i dpral bar bri'o/ /sgrub pa po'i ming ni bsgrub bya'i dpral bar bri ste/ 'khrul 'khor de gnyis ji ltar dpral ba dang dpral ba/kha dang kha/ gsang ba dang gsang ba phrad par 'gyur ba de ltar kha sbyar te dril nas rang gi rgyu zhabs su bzhag ste/ khro bo'i rdul gyis gdung zhing dben pa'i gnas su sngags bzlas na zhag gsum gyis 'gugs par 'gyur ro/ he tiSh+Tha ban+d+ha d+ha ra ya ni run+d+ha/dang por slar yang sbyar bar bya/ /ur+Na ma Ni swA hA mtha'/ /mchog 'dis mgrin par cho ga bri/ /zhes bya ba'i sngags ni/ oM he tiSh+Tha tiSh+Tha ban+d+ha ban+d+ha d+ha ra ya d+ha ra ya ni run+d+ha ni run+d+ha ur+Na ma Ni swA hA/ 'di'i sbyor ba ni 'di yin te/ sngags 'di thal ba la mngon par bzlas la mdzub mos thal ba de'i ri mo gang gi mgul bar bris na/de'i skyug pa'i nad zhi bar byed do/ /yang tA la'i 'dab ma la dgra bo'i ming dang spel ba'i ming bris nas/ karta'i tshad du bcug na kha 'ching bar 'gyur ro/ /de bzhin du grong khyer gzhan la ster ba la sogs pa dag kyang 'ching bar 'gyur ro/ /dan di li mtha' mo ha dbus//mu tsa li ni thog mar bstan/ /kun mthar swA hA sbyar sngags 'dis / /rmi lam bram ze phru gu ston/ /zhes bya ba la sngags ni/ oM mu tsi li swA hA/ mo ha ni swA hA/ dan ti li swA hA/ zhes bya ba'o/ /'dir cho ga ni 'di yin te/ 'phags pa spyan ras gzigs dbang phyug bla ma'i spyan lam du ba'i lci ba sa la ma lhung bas maN+Dal byas la/me tog la sogs pas mchod do/ /sngags 'di nyid kyis lan bdun du bzlas pa'i lag pas gdong byugs la/ de nyid snam bu gtsang ma gdan du bting ste don la dmigs nas nyal na/ rmi lam du bden pa ston par 'gyur ro//de bzhin du chu la mngon par bzlas te 'thungs nas mar nag la mngon par bzlas pas gdong byugs te nyal na yang / yang dag pa'i rmi lam mthong bar 'gyur ro/ /oM tsun de tsu le tsa le zhes bya ba/ bzlog pa lugs bzhin bzung byas na/ /dus gsum gyi ni dngos po rnams//me long gnas nas ston par byed/ /ces bya ba la sngags ni/ oM tsa le tsun de daR+sha ya sarba swA hA zhes bya ba yin no/ /sbyor ba ni 'di yin te/ cho ga bzhin du sngon du bsnyen pa stong phrag bcur bzlas pa'o/ /de nas khye'u dang bu mo grong gi chos kyis ma nyams pa bzung la khrus byas shing gos gtsang ma bskon nas/thig le la sogs pa'i rgyan gyi chas su gsal la/ 'phags pa mi g.yo ba'i sngags dang phyag rgyas bsrung ngo / /yang dag par mchod do/ /oM tsaN+Da ma hA ro Sha Na hU~M phaT/ ces bya ba ni sngags so/ /rdo rje bsdams pa nang du byas la mdzub mo bsgreng ste lto sbyar la mthe bong gnyis so sor bsgreng ba ni phyag rgya'o//sngags dang phyag rgya 'dis phyogs dang mtshams dang / steng 'og kyang bcing bar bya'o/ /de nas maN+Dal gyi dbus su bum pa gos sar pa dkar pos mgul pa bcings la dri zhim po'i chus bkang ba shing lo yid du 'ong bas kha rgyan byas te/me tog dang bdug pa la sogs pas mchod nas/ sngar bstan pa'i khye'u dang bu mo kha shar du bstan te bzhag la/ mig gnyis su yi ge oM bkod do/ /snying gar yi ge hU~M bkod/ oM gnyis kyi dbus su yaM daM 'od 'bar ba bsam mo / /de nam mkha'i phyogs su yang tsuM las bskyed pa'i lha mo skul byed ma zla ba'i dkyil 'khor la bzhugs pa/phyag dang po gnyis na lhung bzed bsnams shing gzhan gnyis kyis pad+ma dang ral gri bsnams pa'i phyag bzhi pa/ sku mdog zla ba ltar dkar zhing 'tsher ba bsams la/ de nyid la ar+g+ha dbul te/ mchod pa rnams kyis yang dag par mchod la/ bdag nyid kyi sngags kyis sam rtsa ba'i sngags kyis bstod la/ sngags 'di khye'u dang bu mo'i snying gar gzhug par bya'o/ /oM tsa le tsu le pe sha a tra ku ma dra ku ma dra ku ma ri ka yo sha ri rai pra bi sh+ya d+ha ra sha ya/ sarba ya thA b+hu haM ya thA da t+yaM/ bud+d+ha d+harma saM g+ha sa t+ye na ba ti ma bi laM ba ma ma a sha pra bu ra ya swA hA/de nas me long ngam/ ral gri'am/ dri ma med pa'i mthe bonga'am / mar me'am/ chu'i snod dag la sngags yongs su bzlas te/ khye'u'am bu mo la bstan la bde ba ji lta ba bzhin ston par 'gyur ro/ /de nas gshegs su gsol te ldang bar bya'o//ba ra da ka swA hA drug /phyag 'tshal dang ldan tshogs bdag dgyes/ /gzugs brnyan maN+Dal gru bzhir bzhag /zla ba drug tu mchod pa bya/ /zhes bya ba sngags ni/ oM ba ra da ga swA hA/ zhes bya ba'o/ /sbyor ba ni 'di yin te/ gnas dben par ba'i lci ba'i maN+Dal gru bzhi byas la/de'i dbus su tshogs bdag gi gzugs sam/ bris sku bzhag nas bdag nyid kyis log 'dren gyi gzugs kyis yang dag par mchod de gcer bur gyur pas zla ba drug gi bar du nyin dus gsum du sngags brgya rtsa brgyad bzlas na/ yid la re ba thams cad yongs su rdzogs par 'gyur ro//b+h+ra ma ke she b+h+ra ma ma te/ b+h+ra ma bi b+h+ra mus dz+ye mo h+ye swA hA/ dang por b+h+ra ma gnyis dang ldan/ /de nas rim brjod ur ner bcas/ /zhes bya ba ni sngags te/ dang por b+h+ra ma gnyis dang ldan/ /zhes bya ba ni/ b+h+ra ma b+h+ra ma zhes lan gnyis brjod pa'o/ /rim brjod ces bya ba ni lhag ma phreng ba'i rim pa bzhin du brjod pa'o//ur ner bcas zhes bya ba ni mthar ur ne brjod pa ste/ oM b+h+ra ma b+h+ra ma ke shi b+h+ra ma te b+h+ra ma bi b+h+ra ma mus dz+ye mo he ya urne swA hA/ zhes bya ba ste/ ma bsgrubs par yang las thams cad byed pa'o/ /'dir sbyor ba ni 'di yin te/ yungs kar khyor gang tsam sa la ma reg pa'i bar snang la bzhag la/sngags 'bum phrag gcig bzlas so/ /de nas de la cung zad cig blangs la/ gcer bu skra lhug pas khyim gyi them pa'i phyi nas yungs kar gtor na/ yungs kar la 'goms pa tsam gyis ji srid nyi ma shar gyi bar du dus ma yin pa'i gnyid mthug pos non par 'gyur ro//gnyid bskyed pa'i sbyor ba'o/ /kin+ni kan+ni g+haN+Da ka ra Na na med sha ya swA hA/ sngags bzlas pa yi chu 'thungs na/ /rmi lam bden pa ston par 'gyur/ /zhes bya ba las/ sbyor ba ni 'di yin te/ rang lha'i sbyor ba'am/ rdo rje hU~M mdzad kyi ting nge 'dzin la gnas nas//rdo rje'i mtshon chas dri'i tshogs dgug par bya'o/ /de yang sku mdog dkar po phyag bzhi pa/ phyag na mdung rtse gsum dang / dgra sta dang / zhags pa dang / tho ba bsnams pa rna ba gnyis dril bu'i sgra dang ldan pa bltas la lag pa g.yon pa mdung rtse gsum par byas pa'i dam tshig gi phyag rgya de la sngags stong phrag bcur bzlas te mchod pa bya'o//de nas chu la mngon par bzlas te 'thungs na gdon mi za bar rmi lam du bden pa mthong bar 'gyur ro/ /rgya mtshor 'bab pa'i chu bo la/ /dzA ti'i me tog 'bum bskur bya/ /oM wA kye daM na maHid do da b+ha ra dang /'jam dpal gyi snying po 'di zhes bya ba la sbyor ba ni 'di yin te/ dzA ti'i me tog kha bye ba 'bum bzung la rgya mtsho chen por 'bab pa'i chu bor ske man chad chu'i nang du zhugs la/ me tog re re zhing sngags zlos shing chu la bskyur ro/ /de ji ste me tog chu dang bcas pa gyen du rgyun las bzlog ste 'bab pa na/me tog chu dang bcas par blangs te sos ma reg par 'thungs na/ thos pa 'dzin pa'i dngos grub 'thob par 'gyur ro/ /oM ku ru kul+le swA hA/ khams gsum 'gugs par byed pa bstan/ /sgrol ma yi ni snying po 'di/ /mgul nor bcings pa'i cho gar gsungs/ /zhes bya ba la bcom ldan 'das ha la ha la'i ting nge 'dzin la gnas la/sgrol ma'i sngags 'di bsnyen pa bya'o/ /de nas tshes dang skar ma dang nyi ma bzang po la mchod pa byas nas/ gro ga la ut+pa la'i 'dab ma lta bu'i 'khor lo rtsibs bcu drug pa bris la/ rtsibs bcu drug la a bri'o/ /lte ba la ni bsgrub bya'i ming ku ru kul+le zhes bya ba'i yi ge bzhis bskor ba bri'o//de'i phyi rol du oM las byung ba'i ri mo gsum gyis bskor ro/ /de nas 'khor lo gnyis pa de dang 'dra ba las bsgrub bya'i ming ma gtogs pa bris la/ /des 'khor lo snga ma'i steng du bkab ste/ bcom ldan 'das ma spyan drangs te yang dag par mchod nas 'khor lo der bstims la/ yi ge las byung ba'i 'od zer gyis bsgrub bya bkug ste/ shing rtsa ba nas bcad pa ltar bcom ldan 'das ma'i zhabs drung du 'gyel nas 'dug par bsams la/ /nyi ma bdun du dus gsum du sngags brgya stong du bzlas na brgya byin nyid kyang dbang du 'gyur ro//sngags ni/ oM ku ru kul+le hrIH che ge mo a naM swA hA/ d+ha na pa ri ba re tsa sa man+ta swA hA/ zhes bya ba yin no/ /nyi ma bdun bzlas nas 'khor lo zho dang / mar dang sbrang rtsi'i nang du gzhag go/ /dga' bde ma myong bu mo'i yi ge dang po ni/gsum drug 'bum gcig bzlas na der ni rnyed par 'gyur ro nyi ma dkar po'i me tog sbyin sreg bya ba'am/ yang na pri yad+ku yi me tog sbyin sreg bya/ /zhes bya ba la/ sngar dga' ba dang bde ba ma myong ba'i bu mo gang yin pa de'i yi ge ni dga' bde ma myong ba'i yi ge ste/ yi ge'i tshogs de las dang por a dang /gsum par di dang / drug par po ti rnams gzung bar bya'o/ /de yang bsnyen pa'i dus su chang dang sha la sogs pa bcad do/ /dkar gsum la sogs pa'i zas za zhing / gos dang bcas par chu'i nang du zhugs te/ mi smra bar 'bum phrag gcig bzlas brjod bya'o//sngags ni/ oM a di ti a mu ka kan naM me de hi d+he d+ha ba ya swA hA/ zhes bya ba'o / /bsnyen pa thon nas arka dkar po me tog gam/ pri yad+ku'i me tog la sngags re re zhing sbyin sreg 'bum phrag gcig bya'o/ /de yang gro ga la bu mo'i ming dang rang gi ming du kha sbyar ba bris la/ rang gi rgyu zhabs su bzhag ste/ de ltar sbyin sreg byas na/ bu mo de bdag gir 'gyur te/ su la yang ster bar mi 'gyur ro/ /bi tsi mo hi swA hA/ oM dang bcas la grangs bdun yin/ /gnod sbyin yugs sa mo yi sngags/ /ro la g.yogs pa'i ras la ni/ /de yi sen rtsis rgyan med bri//de yi gzugs la me tog ni/ /ser pos mchod na de 'grub 'gyur/ /'jig rten gsum gyi yugs sa mo/ /thams cad bka' nyan du ni 'gyur/ /mon sran gre'u kha zas kyis/ /yugs sa mo yi sngags bzlas 'grub/ /sngags ni/ oM bi tsi ma he swA hA zhes bya ba ste/ sngon du bsnyen pa 'bum phrag bdun bzlas so/ /de nas bram ze mo la g.yogs pa'i ras ma'i dum bu khru gang gru bzhi pa la ro de nyid kyi sen rtsis bram ze mo de nyid kyi gzugs med par bris la gnas dben par bris sku bkram ste/ bdag nyid gcig pus shing sA la ser po'i me tog gis mchod nas zla ba drug gi bar du mtshan mo mun pa la brgyad brgya brgyad bzlas na zla drug gi mthar 'ong bar 'gyur ro//'ongs nas mi smra bar 'dod pa spyad na brgya stong ri ba'i mu tig gi phreng ba bkral nas 'jog par 'gyur ro/ /de ltar zla ba drug gi bar du nyin re zhing bzhag nas 'gro bar 'gyur ro//zla ba drug yongs su rdzogs nas ci blangs pa'i dngos grub ster bar 'gyur ro/ /oM g+ho g+ho ri ru tra di tsi de yo gI shwa ri mu kha hUM phaT swA hA/ g+ho g+ho ri dang mu kha yang / /ri dbang bu mo'i snying po yin/ /brla g.yon la ni ming bris te/ /lag pa g.yon pas bkab nas su/ /bzlas na bu mo mod la 'gugs//skyes pa la ni g.yas pa sbyar/ /zhes bya ba la ni/ oM ru tri di bi de yo gI shwa ri mu kha hU~M phaT swA hA zhes pa'o / /'dir gser btsag dang go ro tsa na dang / ldong ros gang yang rung ba la bsgrubs te/ de yang zla ba gzas zin pa'i dus su lha mo g+ho g+ho ri la mchod pa byas la/a shwat+tha'i lo ma bdun gyi steng du gser btsag la sogs pa bzhag ste/ yang lo ma bdun gyi steng nas bkab nas/ de'i steng du lag pa g.yon pas mnan nas ji srid zla ba gzas bzung ba ma grol gyi bar du bzlas so/ /des brla g.yon pa'i dbus su bu mo'i ming bris la/ lag pa g.yon pas bkab ste bzlas na/ 'ching bas bcings pa ma gtogs pa rnams 'ong bar 'gyur ro/ /skyes pa 'gugs pa la ni brla g.yas pa'i dbus su de nyid kyis de'i ming bris la lag pa g.yas pas bkab ste/ ji srid 'ong gi bar du bzlas so/ /rkang pas dgug pa'o/ / dang por phyag 'tshal ldan pa'i sngags/ /bi da ri ku ru hU~M phaT/ yid ches pa yi phrin yig las/ /gdon ni tshar gcod byed pa ste/ /yongs bzlas phyag rgyas btab ste spring / /zhes bya ba la/ sngags ni/ oM bi da ri ku ru hU~M phaT/ ces bya'o/ /'dir 'phags pa mi g.yo ba yi'am/khro bo gang yang rung ba'i ting nge 'dzin la gnas nas/ sngags phrin yig dang bcas pa byang bu la bris te/ dril nas phyag rgyas btab ste gdon gyis zin pa la bskur te/ de'i lag par btags na ngu bzhin du 'bros par 'gyur ro/ /oM ba tra bi da ra bi da ri swA hA/ zhes bya ba'i yi ge bcu pa'i rig pa ste/ mi dbang gi ni btsun mo yang / /bzlas pa tsam gyis dbang du byed/ /oM ma li ni kin+ni kin+na / dang por arka swA hA ldan/ /de nas dbyangs can skyes bu ni/ /dbyangs can dag ni 'thob par 'gyur/ /zhes bya ba la sngags ni/ oM arka ma li ni ki ni ki ni swA hA/zhes bya ba ste/ dbyangs can ma'i mdun du 'bum phrag gcig bzlas pas bsnyen pa bya'o/ /de nas zla ba gcig gi bar du dbyangs can ma'i sman mar khyor ba re la sngags lan bdun bdun bzlas te 'thungs na ngag gi dngos grub ster bar 'gyur ro/ /de bzhin du zla ba gcig tu chu la bzlas te btung ba'am/mar 'ba' zhig la bzlas te/ zla ba drug tu 'thungs na ngag gi dngos grub 'thob bo/ /mun de shrI ba na pi shA tsi zhes bya ba la/ 'bar dang bcas sngags sgrogs pa ste/ /rna ba g.yon par sgrogs byed pa/ /'breng ba 'di ni bzlog par bya/ /oM shrI ba na pi shA ci ni mun+de swA hA/sngags 'di ru rta la lan bdun bzlas te/ rkang pa dang gdong la byugs te nyal na rmi lam du dge ba dang mi dge ba sgrogs par gdon mi za'o/ /zla phyed 'bab pa za byed cing / /ri yi bu mo'i cho ga yis/ /mar la bsgres pa'i bil ba bsreg /rgyal srid ster 'gyur gdon mi za'o//sngags ni/ oM gi ri ku ma re ga ma he ra dz+ye satwA ya swA hA zhes bya ba yin no/ /dur+g+ge bi dur+g+ge zhes bya ba 'o ma can yam shing bsreg cing / skyes bu'i mtshan ma lan brgyar bsreg /sngon du bsnyen pa med par yang / /grong khyer ster 'gyur gdon mi za/ /sngags ni/ oM dur+g+ge bi dur+g+ge ni swA hA/sngags n+ya gro d+ha dang / a shwat+tha la sogs pa'i yam shing la be'u dang kha dog 'dra ba'i 'o mas grong khyer gyi ming nas bzung ste sbyin sreg byas na grong khyer rnyed par 'gyur ro/ /oM g+ho ul ka swA hA oM dang bcas/ /'od phreng can gyi snying po yin/ /pa la sha shing gis bsregs na//gser srang 'bum ni ster bar 'gyur/ /sngags ni/ oM me g+ho u ka ya swA hA/ tshogs kyi bdag po'o/ /oM ga sho ul ka ya swA hA zhes bya ba yang 'od phreng can gyi ste/ 'bras bu ni snga ma bzhin no/ /kar na mo ti bzlas par bya/ /hU~M phaT ldan pa 'bum phrag bzhis//skye tshe bsreg pas sa gsum yang / /nyi ma gcig gis 'gugs par 'gyur/ /rak+te karti ni bzlas par bya/ /pad+ma'i sdong bur du ba btang / /mi yi thod par mi bzhag ste/ /bskyed pa'i du bas skal bzang 'gyur/ /sngags ni/ oM rak+te rak+te ni swA hA/ zhes bya ba yin te/yo byad thams cad dmar por bsgrub bo/ /tsan+d+ra mu khi ki li bzlas/ /dang por thams cad 'bar ldan bya/ /u ra bcas pas nges par ni/ /sa gsum dkyil 'khor bka' nyan 'gyur/ /sngags ni/ oM tsan+d+ra mu khi ka li ur ni swA hA/ zhes bya ba ste/ rtag tu bzlas na dbang du 'gyur ro//kan ta t+ya ya swA hA zhes bya bas/ /mig sman bsregs te mig sman bya/ /glang chen rdul dang shing tsha dang / /ut+pal sngo bsregs skal bzang 'gyur/ /zhes bya ba la/ sngags ni/ oM k+Sha pya ya swA hA zhes bya ba'o/ /'dir sbyor ba 'di yin te/ /lus tsan+dan dmar pos bskus la gos dmar po gyon te/me tog dang phreng bas brgyan la/ /yun ring du bzlas pa'i sngags gang rung bas bsrung ba byas nas/ zla ba mar gyi ngo'i tshes gnyis po gang yang rung ba la ma mo'i gnas dang lam gyi bzhi mdo'am dur khrod du bsrung ba la sogs pa bya ste/ mig sman sngon po btags pa'i phye ma dang /glang po che'i rdul du bcas pa zangs kyi snod du bzhag ste/ kha legs par bcad nas skal bzang ma'i ro'i mngal du bcug ste bsreg par bya'o/ /bsregs nas blangs te ka ma la de ba maN+Dal byas te mchod la/ shing tsha dang ut+pa la sngon por bcas pa gser dngul gyi snod du sbyor te/maN+Dal gyi dbus su bzhag nas/ sngags brgyad brgya'am stong du bzlas so/ /des mig sman byas na bud med kyi 'dod pa'i dbang phyug tu 'gyur ro/ /skyes pa dbang du bya ba ni skyes pa'i snying gar bsreg go/ /na ya na ma no ha ras bsgrub/ /dri zhim rtsa ba ras dkris spar//dmar ser ba dmar du ba yis/ /rtag tu mtshungs med chags par 'gyur / /zhes bya ba la sngags ni/ /oM ka ma swA he swA hA/ lhag ma ni go sla'o/ /ka ma sa ra swA hA/ sbrul gyi khar bsregs mig sman ni/ /ru rta rgya spos a kar gnag /glang chen seng btags dbang du sdud//ces bya ba la/ sngags ni/ oM ka ma swA he swA hA/ zhes bya bas te/ sngon du bsnyen pa khri phrag gcig bzlas par bya'o/ /'dir yang glang po che'i sen mo dang mig sman sngon po kun dar+ya'i sngags kyi cho ga bzhin du bsregs nas/ de'i 'og tu rgya spos dang / ru rta dang / a ka ru nag po dang bcas pa phye mar byas la/snga ma bzhin bkab ste/ lan stong phrag tu bzlas la mig sman byas na 'gro ba ma lus pa dbang du sdud par 'gyur ro/ /oM Sh+TaM ban+d+he zhes bya ba'i mig sman gyi ni du bas nges par dbang du byed/ 'od zer can gyi man ngag gis/ /rta rmig bkang ste bskyod par bya/ / zhes bya ba la/ sngags ni/ oM Sh+T+waM ban+d+ha swA hA/ 'di 'od zer can gyi mar gyis rta'i rmig pa'i snod bkang la/ rta'i rmig pa gzhan gyis steng nas bkab pa la du ba btang ste du ba de bzung nas bcom ldan 'das gtsug tor 'khor los sgyur ba'i mdun du mchod pa byas te/ sngags bzlas par bya'o//man+da ba re zhes bya ba'i/ /yi ge thog mar yang dag ldan/ /nyin mtshan bzlas pa'i yang dag gnas/ /'jig rten gsum yang bran du 'gyur/ /zhes bya ba la/ sngags ni/ oM man+t+ra ba re a mu kaM me swA hA/ da ne na sa ba ri ba ba ma na ya swA hA/ zhes bya ba gang dbang du bya bar 'dod pa de mdun du bsams nas bzlas na bran du 'gyur ro//mi mgor skyes gnyis skud pa gnyis/ /gtum dbang rkang pa skrar bcas sdud/ /d+hu nAn tsan+da sgrar ni bcas/ /nyin mtshan tsha bas thebs par 'gyur/ /zhes bya ba la/ sngags ni/ oM d+hu nAn tsan da a mu kan dz+wa re na mA ra ya hUM phaT/ces so/ /mi'i mgo ni mi'i thod pa'o/ /skyes gnyis skud pa ni bram ze'i skra'i skud pa'o/ /gtum dbang ni lha chen po ste/ de la phul ba'i me tog bzung ngo / /rkang pa ni bsgrub bya'i rkang rjes kyi rdul lo/ /de dag mi'i thod par bzhag la/ mi'i rje ngar gyi rus pa'i bsrub shing bram ze'i skra'i skud pas btags la/sngags zlos bzhin du der sgra dang bcas par bsrubs na/ nyi ma bdun gyis skyes bu chen po yang rims tsha bas thebs par 'gyur ro/ /dang po tha mar yang dag ldan/ /gnod sbyin ma yi yig bdun brjod/ /b+hak+ke b+huk+ke zhes bzlas bya/ /'bum phrag bzhi yis skal bzang 'gyur//zhes bya ba la/ sngags ni/ oM b+hak+ke b+huk+ke swA hA zhes bya ba ste/ sngags 'di sran ma ma sha'i kha zas za zhing / 'bum phrag bzhir bzlas brjod byas na/ 'jig rten gsum na gnas pa'i yugs sa mo rnams dbang du 'gyur ro/ /chu skyor drug bzlas gnod sbyin dang //gnod sbyin mo yang mngon sum mthong / /grong gi byang du n+ya gro d+ha'i/ /yam shing mngar gsum spags pa bsreg /ces bya ba la/ dang por snga dro'i dus su nang du byung pa'i nyi ma'i gzugs brnyan chu skyor drug bzlas pa dang bcas pa byin la/ grong khyer gyi byang du n+ya gro d+ha'i yam shing mngar gsum la spags pas sbyin sreg byas na gnod sbyin dang gnod sbyin mo mngon sum du mthong bar 'gyur ro//sngags ni/ oM b+hak+ke b+huk+ke swA hA zhes sngar bstan pa yin no/ /grub nas ji ltar 'dod pa'i dngos grub ster bar 'gyur ro/ /nags tshal chu 'gram ri ljongs su/ /sngo tshod 'thung zhing gnas par bya//dpa' bos rgyal bar byed pa dang / /mkhar gnas 'khor los sgyur bar 'gyur/ /zhes bya ba la/ dpa' bo ni/ A khaM bI ra'i sngags te/ nags tshal la sogs pa'i gnas su sngo tshod 'thung zhing dpa' bo'i sngags kyi rgyal po 'di bzlas na/ g.yul las rgyal bar byed pa dang /nam mkha' la rgyu ba'i rgyal srid ster bar 'gyur ro/ /oM ru tri ni swA hA zhes bya ba/ u ma'i snying po'i yig 'bru bzlas / /pri yang ku'i me tog bsreg /yid kyi re ba skong bar 'gyur/ /ga Na dza ya tshogs bdag snying / /phyag 'tshal ga Na gsal bar bcas/ /yi ge 'bum phrag bzlas nas su//sngags pas rtag tu gu gul bsreg /ces bya ba la/ tshogs thams cad kyi nang nas rgyal bar byed pas na ga Na dza'o/ /de ci'i phyir zhe na/ tshogs bdag snying po'o/ /ji ltar rgyal bar byed ce na/ /gu gul zhes bya ba smos te/ gu gul gyis sbyin sreg byas na'o/ /sngags ni/ oM ga Na ma ga Na dza ya swA hA zhes bya ba'o/ /dge ba'i 'dod 'jo'i rnam par bshad pa'o/ /slob dpon chen po klu sgrub kyis mdzad pa rdzogs so// //rgya gar gyi mkhan po nag po'i zhal snga nas dang / bod kyi lo tsA ba 'gos lhas btsas kyis bsgyur cing zhus te gtan la phab pa'o/