CLOSE WINDOW

D3062
བོད་ཡིག

@##/ /rgya gar skad du/ tsaN+Da ma hA ro Sha Na sA d+ha naM/ /bod skad du/ khro chen gtum po'i sgrub thabs/ /khro chen gtum po la phyag 'tshal lo/ /yi dang rjes su mthun pa'i gnas gang yang rung bar bde ba'i stan la 'dug cing / rang gi snying gar pad+ma 'dab ma brgyad kyi steng du nyi ma'i dkyil 'khor la hU~M nag po rnam par bsams te/de'i 'od zer gyis nam mkha'i phyogs su bla ma dang sangs rgyas dang / byang chub sems dpa' rnams dang 'chad par 'gyur ba'i khro chen gtum po 'gugs shing yang dag par mchod cing /sdig pa bshags pa dang / phyis mi byed par sdom pa dang / gsum la skyabs su 'gro ba dang / bsod nams la rjes su yi rang ba dang / bdag dbul ba dang / byang chub tu sems bskyed pa la sogs pa dang / byams pa dang / snying rje dang / dga' ba dang / btang snyoms dang / tshangs pa'i gnas bzhi bsgoms la/ 'gro ba dngos med kyi rang bzhin gzung ba dang / 'dzin pa rnam par grol ba/ sgyu ma dang / rmi lam lta bur rtogs shing stong pa nyid bsgom par bya'o/ /oM shU n+ya tA dz+nyA na badzra swa b+hA ba At+ma kou0f85haM zhes so/ /de'i rjes la nam mkha' dri ma med pa'i phyogs su pad+ma 'dab ma brgyad kyi steng du nyi ma'i dkyil 'khor la hU~M nag po las skyes shing //yu ba la hUM gis mtshan pa'i ral gri de'i 'od zer rnams kyis de bzhin gshegs pa'i tshogs ma lus pa bkug cing rab tu zhugs so/ /de nas hAM las byung ba bskal pa dpag tu med pa'i me 'bar ba'i phreng ba can//bdud gdul bar dka' ba rnam par 'dul bar byed pa sprin sngon po chen po lta bu'i lus can rin po che sna tshogs kyi rgyan gyis brgyan pa/ rin po ches spras pa'i cod pan gyi gtsug phud lngas gsal bar byas la/ gzhon nu ma bsdigs pa rol par gyur pa'i me tog kun da lta bu'i ya sos ma mchu mnan pas gdug pa la bsdigs pa dang /'jigs su rung ba'i gzugs kyi dpal dang ldan pa/ khro gnyer dang so che bar mthong ba lta bu/ spyan gnyis kyis cig car sa bla dang / sa 'og 'jigs par byed pa'i sa'i dkyil 'khor la g.yas pa'i pus mos mnan pa/ sna tshogs pad+ma la gnas pa'i nyi ma'i gdan la 'dug pa'i zhabs g.yon pas bzhengs par 'dod pa/ phyag g.yas pa'i dkyil du hUM gis mtshan pa'i ral gri sngon po 'bar ba bsnams pa/ g.yon pas sdigs mdzub kyis bsdigs par byas pa'i khyab 'jug dang / 'phrog byed dang / gser gyi snying po la sogs pa dang / nyon mongs kyi tshogs kyi dgra dpag tu med pa 'khrugs pa bcings pa la rdo rjes mtshan pa'i gser gyi zhags pa bsnams pa/ 'gro ba'i 'dod pa mtha' yas pa phun sum tshogs pa sbyin pa la ro gcig pa dpal ldan khro chen gtum po bsgom par bya'o/ / bcom ldan 'das khro chen rgyal po mi g.yo ba'i snying gar pad+ma dang nyi ma la gnas pa'i hU~M las byung zhing dkyil du hU~M gis mtshan pa'i ral gri yongs su gyur pas khro chen gtum po gnyis pa snying gi nang na gnas pa bsam par bya'o/ /yang de'i snying gar pad+ma dang nyi ma la gnas shing hU~M las skyes pa'i ral gri nag po dkrongs pa dkyil du hU~M gis mtshan pa bsgom mo//de'i 'od kyis ye shes sems dpa' bkug cing dam tshig sems dpa' bzhin du bltas la/ dzaHyig gis dgug cing / zhal bsil ba dang / bsang gtor la sogs pa phul nas/ hUM yig gis de kho nar rab tu bzhugs te/baM yig gis bcings la/ hoHyig gis dgyes par bya'o/ /chu la chu bzhin du gcig tu gyur pa'i 'dren pa po bsgom par bya'o/ /bcom ldan 'das kyi spyan gnyis dang / snyan gnyis dang / shangs gnyis dang / zhal dang / dbu dang / thugs rnams la go rims ji lta bar rnam par snang mdzad dang /mi bskyod pa dang / rin chen 'byung ldan dang / snang ba mtha' yas dang / don yod grub pa dang / bdag med ma rnams yan lag drug la bskyed par bya'o/ /snying la gnas pa'i hUM~M las spros pa'i 'od zer gyis de bzhin gshegs pa dang lha mo'i tshogs bkug cing /bdud rtsi lngas gang ba'i bum pa rnams kyis khrus bya ste/ spyi bor mi bskyod pa bsgoms la/ lha mo rnams kyis gar dang rol mo la sogs pa rnam pa sna tshogs dang / mchod pa la sogs pa sna tshogs kyis dgyes par bya'o/ /de nas bcom ldan 'das gzhan don la brtson pa po sems can thams cad chags sdang dang /gti mug la sogs pa dang / khyab 'jug dang / 'phrog byed dang / gser gyi snying po dang / 'dod lha la sogs pa dang / gti mug chen po dang / chags pa'i dra bas kyang ma rig pa'i mun pas srid pa'i 'khor lo la 'khor du 'jug pa de dag blta bar bya'o//de nas snying la gnas pa'i sngags las spros pa'i khro chen rgyal po rnams kyis bdud kyi tshogs dpag tu med pa 'khor dang bcas pa/ gcer bu skra grol ba/ ngu bar gyur pa/ skyabs med pa/ rdo rje'i zhags pas bcings shing bkug ste bsdus nas phye mar byas la/ral gri rnon pos dum bur bcad la/ byams pa'i sems kyis yang sprul nas chos la dgod pa'i ched du rang gi rkang pa'i phyogs su bzhag la/ bsgo ba las ngal bar gyur na smin mtshams kyi bar du sems bzhag la sngags bzlas par bya'o//sna tshogs gcig tu gyur pa'i sku can khro chen gtum po sngon po'i sngags bzlas pa tsam gyis/ gdul dka' 'dul ba dang / 'gro ba dbang du 'gyur ba dang / zhi ba dang / bsrung ba dang / 'phel ba dang / dgyes pa dang / rgyas pa dang / de bzhin du bskrad pa dang / 'gugs pa dang /gsod pa dang / bsdigs pa'i las thams cad byed par 'gyur ro/ /khro chen gtum po'i sgrub thabs/ slob dpon pra b+hA ka ra kI rtis mdzad pa rdzogs so// //thugs rje chen po'i rgyud gsum pa/ /mkhas rtogs 'dzom zhing yi dam mthong / /spobs pa rtsod pa snyan dngags mkhas/