| བོད་ཡིག |
116b6 /khro bo'i rgyal po mi g.yo ba la bstod pa/ paN+Di ta dI paM ka ra shrI dz+nyA nas mdzad pa rdzogs so// //paN+Di de nyid dang / lo tsA ba dge slong tshul khrims rgyal bas bsgyur cing zhus te gtan la phab pa'o//[ ]@##/ /rgya gar skad du/ Ar+ya a tsa la kro d+ha rA dza sto tra /
116b7 bod skad du/ khro bo'i rgyal po 'phags pa mi g.yo ba la bstod pa/ bcom ldan 'das mi bskyod pa la phyag 'tshal lo/ /thugs rje'i bdag nyid khro rgyal brtan pa'i sku/ /brkyang bskum thabs las byung ba'i khro rgyal dang / /bcas te nam mkha'i 'od kyi dkyil na bzhugs/ /tshangs pa
117a1 la sogs 'bum ni skrag byed pa//nyon mongs nye ba'i nyon mongs rnams dang ni/ /klu dang gnod sbyin sha za yi dags sogs/ /'byung po'i tshogs rnams ma lus skrag mdzad pa/ /khro rgyal khyod la bdag ni skyabs su mchi/ /sna tshogs pad+ma nyi zla'i gdan la bzhugs/ /
117a2 phyag g.yas ral gri 'phyar bas ma rungs 'dul/ /rnam rtog 'joms shing rab tu grims pa'i sku/ /sku mdog mthing nag char sprin nag po 'dra/ /dbu skra ardza ka yi 'bras bu 'dra/ /sku ni shing mchog yongs 'du sa brtol 'dra/ /zhabs gnyis brkyang bskum gyad kyis khros khros 'dra/ /lha
117a3 mchog khyod la bdag ni skyabs su mchi//spyan mig pa la sha yi me tog 'dra/ /mche ba gtsigs pa zla ba tshes pa 'dra/ /ljags 'gyur ba ni nam mkha'i glog dang 'dra/ /smin ma'i khro gnyer brig sha'i lo ma 'dra/ /ral gri zla tshes mtshor lhung 'od dang 'dra/ /sbrul gyi zhags pa rgya mtsho'i
117a4 dba' rlabs 'dra//sku yis phyogs skyong dbang sdud ma rungs 'dul/ /khro rgyal mi g.yo mgon la phyag 'tshal lo/ /bgegs dang log 'dren ma lus zhi mdzad cing / /'byung po'i 'khrugs sogs nad rnams zhi mdzad pa/ /mi dang mi min mtshon chas 'joms mdzad pa/ /dus min 'chi
117a5 dang sdig pa rnams las grol//dbus dang phyogs bzhi'i rigs lnga'i mi g.yo ste/ /mtshams bzhi nas ni khro bo bzhi po dang / /gru chad phyogs mtshams lha mo brgyad ldan pa'i/ /bcom ldan mi g.yo mgon la phyag 'tshal lo/ /sku las sprul pa'i khro bo bcu po ni/ /rdo rje shugs can
117a6 sku mdog mthing nag ste//nga dang ngar 'dzin gnam lcags 'khor lo bsnams/ /bgegs tshogs skrag par mdzad la phyag 'tshal lo/ /sprul ba'i khro rgyal rdo rje chags chen ni/ /gdul bya'i don du sku mdog dmar po ste/ /chags dang chags ba'i don du mda' gzhu bsnams/ /ma rungs
117a7 'dul bar mdzad la phyag 'tshal lo//sprul pa'i khro bo rdo rje rnon po ni/ /gdul bya'i don du sku mdog ljang gu ste/ /'dzin cing 'dzin pa'i bdag nyid lcags kyu bsnams/ /'gro ba 'dren pa khyod la phyag 'tshal lo/ /sprul ba'i khro bo rdo rje 'bar ba ni/ /sku mdog gangs ri'i rtse la nyi shar
117b1 'dra//mi shes mi shes 'joms pa'i brag 'dzin pa/ /ma rungs 'dul bar mdzad la phyag 'tshal lo/ /rdo rje khro bo sku mdog ser po ste/ /khro dang khro ba'i bdag nyid ral gri bsnams/ /rnal 'byor bar chad rab tu zhi mdzad pa/ /khro rgyal stobs ldan khyod la phyag 'tshal lo / /rdo rje gtum
117b2 chen sku mdog ljang nag ste//btang snyoms btang snyoms 'gyur ba'i bdag nyid kyi/ /phyag mtshan phyag na sprin gyi zhags pa bsnams/ /'gro ba 'dren pa khyod la phyag 'tshal lo/ /sprul pa'i khro bo rdo rje thabs bdag ni/ /sku mdog ser nag du ba'i mdog 'dra ba/ /bya dang byed pa'i
117b3 bdag nyid rdza rnga bsnams//sgra chen sgrogs pa khyod la phyag 'tshal lo/ /sprul pa'i khro bo rdo rje gtum chen ni/ /sku mdog mthing ga sku gsum rang bzhin can/ /sman pa'i rang bzhin gnam lcags 'khor lo bsnams/ /nyon mongs sel ba khyod la phyag 'tshal lo/ /rdo rje rgyu yi stobs
117b4 ni dmar nag ste//rten 'brel rten cing 'brel pa'i bdag nyid ni/ /ma rungs gdul phyir phyag na be con bsnams/ /bdud rnams skrag par mdzad la phyag 'tshal lo/ /rdo rje rab byed sna tshogs phrin las kyis/ /'dod chags thams cad thabs las grol ba yi/ /bdag nyid can gyi rdo
117b5 rje rtse gcig bsnams//rdo rje rab byed khyod la phyag 'tshal lo/ /gang zhig bstod pa 'di yis stod byed na/ /bcom ldan mi g.yo mgon po 'khor bcas kyis/ /'jig rten 'jig rten 'das pa'i dngos grub kun/ /bstod dang bsgrub pa rnams la stsol bar 'gyur/ /'di bstod
117b6 'di ni mchod byed na//dngos grub myur du thob par 'gyur/ /'phags pa khro bo'i rgyal po mi g.yo ba la bstod pa/ slob dpon chen po dpal mar me mdzad ye shes kyis mdzad pa rdzogs so// //rgya gar gyi mkhan po de nyid dang / lo tsA ba dge slong tshul khrims rgyal bas bsgyur cing zhus te gtan la phab pa'o// //