108a2 rtog pa bdun brgya pa nas gsungs pa'i rta mgrin gyi sgrub thabs rdzogs so// //rgya gar bA rA Na sI'i paN+Di bu ru Shot+ta ma'i zhal snga nas mnyan te/ lo tsA ba shAkya'i dge slong nyi ma rgyal mtshan bzang pos nyang ro 'khris kyi gtsug lag khang du bsgyur ba'o/ /[ ]@##/ /rgya gar skad du/
108a3 ha ya grI ba sA d+ha naM nA ma/ bod skad du/ rta mgrin gyi sgrub thabs zhes bya ba/ rta mgrin la phyag 'tshal lo/ /sngar gsungs pa'i cho gas sna tshogs pad+ma dang nyi ma la ye shes haM yig dmar po las skyes pa'i 'phags pa rta mgrin sku mdog dmar po zhal gsum pa/ phyag brgyad pa/ spyan
108a4 gsum pa/g.yas pa dang cig shos kyi zhal ni sngon po dang dkar po'o/ /sbrul kyis brgyan cing 'gying bas bzhugs pa/ zhal dang po khro bo'i mig gis blta ba/ g.yas kyi zhal ni ljags 'dril ba/ g.yon gyi zhal ni tshems kyis ma mchu mnan pa/ stag gi pags pa'i sham
108a5 thabs can no//g.yas kyi phyag bzhi na rdo rje dang / dbyig pa dang / phyag rgya dang mda'o/ /g.yon gyi phyag bzhi yis sdigs mdzub dang / rang gi nu ma la reg pa dang / pad+ma dang gzhu'o/ /cod pan la mi bskyod pa bsam mo/ /'di ni rta mchog ye shes zhes bya ba'i ting nge 'dzin no/ /oM haM h+ya
108a6 grI ba swA hA/zhes pa ni bzlas pa'i sngags so/ /rta mgrin gyi sgrub thabs slob dpon tsan+d+ra go mis mdzad pa rdzogs so// //rgya gar yul bA rA Na sI'i paN+Di ta pu ru Shot+ta ma'i zhal snga nas mnyan te/ lo tsA ba shAkya'i dge slong nyi ma rgyal mtshan dpal bzang pos bla ma dam pa'i bkas gtsug lag
khang chen po dpal thar pa gling du legs par bsgyur pa'o/