| བོད་ཡིག |
86a2 @##/ /dpal rdo rje rnam par 'joms pa la phyag 'tshal lo/ /tshe 'phel bar 'dod pa'i sgrub pa po dam tshig dang ldan pas/ gnas khang yid dang mthun par dpa' bo gcig pa'i dkyil 'khor bzhengs te/ bum pa mtshan nyid dang ldan pa'i nang du chang la sogs pa'i chang
86a3 rigs sna tshogs blugs la de'i nang du zas dpag tu med pa dang /bum pa'i snying po rnams blugs la lha'i mtshan ma gdab/ tshe bshos zla gam la bu ram la sogs pa'i ro mchog sna tshogs pas brgyan la/ tshon sna lnga'i skud pas gzungs thag gdags/ mda' bya rgod ma la
86a4 dar le brgan gyi 'phur lce btags la skabs su g.yab/dkyil 'khor gyi mtha' mar rtswa dUr pa'i gcal dgram/ bkra shis tshe 'phel gyi rdzas zho dang / bil ba dang / li khri la sogs pa rnams kyang bzhag /de nas mchod pa'i bye brag ji ltar 'byor pa dang / bar chad bsal ba'i
86a5 don du gtor ma bzang po yang gzhag go//de nas rdo rje rnam 'joms sku mdog dkar por bsgyur te spyan drang ba dang / ye shes sems dpa' bstim pa dang / mchod pa dang bstod pa bya/ de nas bum pa dang pad+ma'i snying po 'dab ma brgyad pa'i steng du lha mo brgyad sku mdog dang / phyag
86a6 mtshan gsal bar bskyed la/tshe'i bdag po brgyad po'i sngags brgya phrag re bzlas la/ de nas bstod pa ni/ shar gyi phyogs nas rdo rje tshe 'phel chen mo ni/ /lha mo chen mo dkar sham ma/ /sku mdog mthing ga rin chen 'od/ /tshe skyob chen mo gdugs 'dzin ma/ /tshe dang dpal gyi
86a7 las mdzad ma//shar gyi phyogs kyi tshe khug la/ /rnal 'byor bdag gi tshe spel cig /lho phyogs tshe 'phel mnga' bdag ni/ /lha mo chen mo mdangs can ma/ /sku mdog mthing ser 'od 'bar ma/ /rin chen tshe spyod chen mo ste/ /phyag na pad+ma 'dab brgyad bsnams/ /tshe dang
86b1 dpal gyi las mdzad ma//lho yi phyogs kyi tshe khugs la/ /rnal 'byor bdag gi tshe spel cig /nub phyogs tshe 'phel mnga' bdag ni/ /lha mo chen mo skyes chen ma/ /pad+ma'i tshe spyod chen mo ste/ /sku mdog dmar la 'od zer 'bar/ /phyag na tshe yi bum pa bsnams/ /tshe dang dpal
86b2 gyi las mdzad ma//nub kyi phyogs kyi tshe khugs la/ /rnal 'byor bdag gi tshe spel cig /byang phyogs tshe 'phel mnga' bdag ni/ /lha mo chen mo yid bzangs ma/ /las grub tshe yi las mdzad ma/ /sku mdog ljang gu rin chen 'bar/ /phyag na tshe spyod dung phor 'dzin/ /tshe dang dpal
86b3 gyi las mdzad ma//byang gi phyogs kyi tshe khugs la/ /rnal 'byor bdag gi tshe spel cig /shar lho tshe yi mnga' bdag mo/ /lha mo chen mo dbyangs mkhan mo/ /sna tshogs tshe spyod chen mo ste/ /sku mdog dkar mo rin chen 'bar/ /phyag na tshe yi 'khor lo bsnams/ /tshe dang dpal
86b4 gyi las mdzad ma//shar lho'i phyogs kyi tshe khugs la/ /rnal 'byor bdag gi tshe spel cig /lho nub tshe yi mnga' bdag mo/ /lha mo chen mo 'od ldan ma/ /sna tshogs tshe spyod chen mo ni/ /sku mdog mthing ga 'od zer 'bar/ /phyag na tshe yi rgyal mtshan bsnams/ /tshe dang dpal gyi
86b5 las mdzad ma//lho nub phyogs kyi tshe khugs la/ /rnal 'byor bdag gi tshe spel cig /nub byang tshe yi mnga' bdag mo/ /lha mo chen mo dri med ni/ /sna tshogs tshe spyod chen mo ste/ /sku mdog dmar po rin chen 'bar/ /phyag na yid bzhin nor bu bsnams/ /tshe dang dpal gyi las
86b6 mdzad ma//nub byang phyogs kyi tshe khugs la/ /rnal 'byor bdag gi tshe spel cig /byang shar tshe yi mnga' bdag mo/ /lha mo chen mo yid gzhungs ma/ /sna tshogs tshe spyod chen mo ste/ /sku mdog ljang gu rin chen 'bar/ /phyag na tshe 'phel ro hi ta/ /tshe dang dpal gyi las mdzad ma/
86b7 byang shar phyogs kyi tshe khugs la/ /rnal 'byor bdag gi tshe spel cig /oM bud+d+ha oM b+h+rUM/ hUM badzra hUM b+h+rUM/ swA rat+na swA b+h+rUM/ AHpad+ma AHb+h+rUM/ hA karma hA b+h+rUM zhes ye shes tshe rgyun bdag dang sems can thams cad la rgyas par dmigs la/ snying po bsdus pa la bzlas pa bya/ rgyud stong phrag lnga
87a1 bzlas/gos dkar po dri ma med pa gon la/ gzhan la byed na dbang / rang la byed na lus thams cad rang bzhin gyi rdo rje chen po gcig tu byin gyis brlabs la/ kha zas rtag tu ra mnye ba dang / 'o ma bsten/ 'bras bu gsum la sman mar rtag par gtong ngo / /kha zas
87a2 lhag ma tshe bshos 'ba' zhig dang /tshe skyems la zas skom bya'o/ /nyin mtshan du rgyud rdzogs par kha ton bya'o/ /rtag tu rdo rje rnam par 'joms pa yid la bya/ tshe 'phel ba'i don du dge 'dun la ston mo bya zhing bram ze rnams la yon dbul/ rtag tu tshe'i dkyil 'khor bzhengs/
87a3 mchod pa dang bstod pa dang / sems bskyed pa dang / sdig pa bshags pa dang / 'dod pa'i don la gsol ba gdab pa dang / rjes su yi rang ba dang / smon lam gdab pa rnams bya'o/ /dkon mchog la skyabs su 'gro ba la brtson par bya'o/ /rtag tu khrus bya zhing gos gtsang ma
87a4 bgo bar bya'o//de ltar rgyun du byas na rnal 'byor pa de'i lus kyi skogs pa rim pa bdun brje ba dang / skra dkar dang gnyer ma med pa dang / so dang sen mo brje ba la sogs pa'i rtags dang yon tan mang po 'byung ba yin no/ /lus gzhon zhing snum bag dang ldan par 'gyur ba yin no/ /
87a5 de'i tshe yang sgrub pa po rab kyis nyi zla ji srid gnas kyi ring la thub po/ /'bring gis 'bum phrag rtsa gnyis su thub par nges so/ /tha mas stong phrag bco brgyad thub par nges so/ /skabs su yi ge brgya pa 'bum phrag re bzlas shing gshegs so/ /bla ma la yon dbul/ dgos pa'i bya ba
ma yin pa gang yang mi bya/