84b4 mi shigs pa lus thams cad rdo rjer byin kyis brlabs la gzhag go/ /klu'i gdon las grol bar byed pa sbrul 'dzin bsang ba zhes bya ba/ dpal mar me mdzad bzang pos mdzad pa rdzogs so//[ ]@##/ /'phags pa rdo rje rnam par 'joms pa la phyag 'tshal lo/ /klu'i gdon
84b5 bsrung bar 'dod pa'i sgrub pa po dam tshig dang ldan pas/bcom ldan 'das rdo rje rnam par 'joms pa'i nga rgyal dang dus thams cad du mi 'bral bar byas te/ rgyal po'i rigs kyi gdon gyis zin pa la rgyud rdzogs pa la 'bad par bya zhing rtag tu khrus bya'o/ /rje'u'i rigs la snying po bsdus pa
84b6 la 'bad par bya zhing /rtag tu dbang bskur bar bya'o/ /bram ze'i rigs kyis zin pa la snying po bsdus pa la 'bad par bya zhing rtag tu sbyin sreg bya'o/ /dmangs rigs kyi gdon gyis zin pa la/ rgyud 'khrug pa bzlas shing 'jig rten gyi dkyil 'khor du gzhug cing dbang bskur
84b7 ba'o//gdol pa'i nad kyis zin pa rnams la ni rgyud dum bur bzlas shing gdon dgol kyi cho ga rtag tu bya'o/ /sha ro dang rma dang shu ba gtso che ba rnams la ni gu gul dang / sbrang rtsi dang tshil chen rnams la sngags btab la byug go/ /bems dang sbrid dang rab tu tsha ba rnams la ni/ tsan+dan
85a1 dkar po dang /ga bur dang / ka ra rnams la sngags btab la btung ngo / /sha'i nad rnams la ba bla dang / snying zho sha dang / tsi ta dang / ldong ros rnams la sngags btab la byug go/ /rus pa'i nad rnams la ni 'brug rus dang dngul chu la bsngags la byug go/ /
85a2 smin ma byi ba la sogs pa ba sru'i nad rnams la ni/ /'bras bu gsum bsregs pa'i thal ba la bsngags byug go/ /mdor na tsha ba'i nad rnams kyis zin pa la ni/ bsil ba'i sman rnams la bsngags la byug go/ /grang ba'i gdon gyis zin pa la ni tsha ba'i sman rnams la bsngags
85a3 rul chang dang sbyar la ltor gtong /sngags zlos pa'i tshe rang gi snying gi dkyil du yig 'bru rnams las 'od zer zhi rgyas kyi kha dog ltar dmigs la/ spros pas klu'i dug rnams phyir 'thon te/ de'i rjes la lus mgo mjug rdo rje rtse gsum pas gtams par dmigs la bzlas so/ /
85a4 rdo rje de dag las kyang bskal pa'i me sna tshogs la dmigs te/ me de dag la sngags kyi rang sgra thogs pa med par grag la dmigs te bzlas so/ /sngags bzlas pa'i mchil ma rnams kyang khro chu khol mar dmigs so/ /skabs su gdug pa can rnams tshar gcad pa'i phyir/ ye
85a5 shes 'dus pa'i khro chung yungs 'bru tsam rdo rje'i kha nas 'thon te/grangs med par 'phros te kha dog sngon po g.yas rdo rje g.yon bum pa bzung bas me stag 'phros pas gdug rtsub rnams tshar bcad/ bskal pa'i me sna tshogs 'phros pas/ rang gnas sgra'i bsam gtan phyogs
85a6 thams cad nas rgyun ma chad par sgrogs pas klu'i grong khyer dpag tu med pa rlag par byed pa de dag me ri dang me dpung gi dkyil na/klu gdug pa can gyi rang srog dang / bu dang bu mo dang chung ma dang g.yog rnams sreg par byed pa/ de lta bu'i khro chung gi gzi brjid kyis/ klu'i rgyal po
85a7 rnams rab tu skrag ste/thal mo sbyar nas bka' nyan cing klu'i dug rnams rang gi lus la rngub par dmigs so/ /de ltar las ji ltar 'dod pa bzhin du byas nas slar rdo rje rnam par 'joms pa la bstims la gzhag go/ /de'i phyi nang lus thams cad rdo rjer byin gyis brlabs nas zhes
85b1 smos nas/khro bo de dag gi rdo rje zhes smos pa'o/ /de ltar byed pa ni klu'i gdon thams cad srung bar byed pa dang / brlag par byed pa'i las kyi spyor ba'o/ /de dag klu'i gdon las bsrung na sngags kyi mgo la oM badzra rak+Sha rak+Sha hUM hUM zhes bzlas so/ /zhi bar byed na zhabs la nA ga
85b2 swA hA zhes bzlas so//rgyas par byed na zhabs la nA ga sarba lo ki phaT ces pa'o/ /dbang du byed na nA ga a la ya hUM zhes pa'o/ /gsod na nA ga mA ra ya hUM phaT ces pa'o/ /gnon na nA ga staM b+ha ya naM/ sreg na nA ga dz+wa la raM hU~M/ skrod na nA ga u tsa ta ya phaT/ 'gugs na nA ga pa yi dza/
85b3 klu'i 'khrun thag gcod na nA ga ya hi sa ra na phaT ces pa rnams sngags kyi mtha' rten du shes par bya'o/ /de ltar byas pas gdug pa klu'i dug pa ma lus par brlag par 'gyur bar nges so/ /klu'i gdon las thar bar byed pa'i las klu'i srog me dbal gyi 'khor lo zhes bya ba/ klu'i
rnam par 'joms pa'i snying gzer du bkod pa/