CLOSE WINDOW

D3041
བོད་ཡིག

dpal mar me mdzad kyis mdzad pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /klu rnams kyi gdon las grol bar 'dod pa'i sgrub pa po dam tshig dang ldan pas/ dkyil 'khor snga ma bzhin du bris la/gtso bo'i bum pa la las thams cad pa'i sngags kyis bsangs la/ dkyil 'khor gyi dbus su gzhag /de nas bag zan la klu chen po brgyad kyi gzugs sor bzhi pa thal mo sbyar ba tshon gyis bsgyur te/ so so'i gnas su bum pa la kha bstan la gzhag go/ /de nas dkyil 'khor gyi phyogs mtshams rnams su sbrul nag po brgyad/rtsangs pa dmar po brgyad/ sbal pa ser po brgyad/ sdig pa sngon po brgyad/ nya ljang gu brgyad/ lcong mo dmar mo brgyad/ sdom nag po brgyad/ bya dkar mo brgyad/ glang dmar po brgyad/ chu srin sngon po brgyad/ ra dkar mo brgyad/ sram sngon po brgyad/ rta smug po brgyad/ sgo bzhir shar du stag skya bo/ lhor seng ge'i mgo can/ nub tu ba lang gi mgo can/ byang du byi la'i mgo can phyogs kyi kha dog dang mthun pa'o/ /mu khyud kyi steng du klu brgyad kyi chung ma ral pa can mdog khra bo brgyad gzhag go//mu ran rnams su byol song gi gzugs sna tshogs la tshon sna tshogs pas bsgyur la gzhag go/ /srog chags de dag ni gtso bo la bka' nyan pa'i tshul gyis blta'o/ /de nas dkyil 'khor gyi phyogs mtshams rnams su kham phor gtsang ma'am/ rin po che'i snod du ba dmar mo'i 'o ma sbrang rtsi dang /ka ra dang / bu ram la sogs te/ mngar sna rnams dang / nA ga ge sar la sogs pa'i klu sman sna tshogs blugs te/ dar ljang gus phub la gzhag go/ /klu'i gtor ma nyi shu rtsa gcig phyogs gtor dang / bgegs gtor kyang gzhan dang mthun par bsag go//rin po che dang bal tshon sna tshogs pa yang sobs su 'bul lo/ /de nas dzaHhUM baM hoHsa klu rnams gzugs brnyan la bcug ste de dag mchod par bya'o/ /me long gi nang du gzugs brnyan gsal bar byas la/ nad pa'i lus la rma byas byabs te/me long gi gzugs brnyan dang dkyil 'khor gsal bar byas la/ 'o ma sbreng zhing skabs su dug 'don pa'i cho ga bya'o/ /snga ma bzhin bstod cing / snying po shin tu bsdus pa'i gsham la/ klu brgyad kyi snying po bzlas so/ /de ltar brgya song zhing klu rnams la sman dbul ba ni/kwa ye klu chen po brgyad po tshur nyon dang / /nga ni rdo rje rnam 'joms te/ /rig sngags grub pas yas dor te/ /klu rnams nga yi bka' la nyon/ /nga yi bka' la mi nyan na/ /rdo rje 'dzin pa'i rdo rje 'dis/ /klu yi snying la me sbar nas/ /mgo lus bye mas sreg par byed/ /de bas nga yi bka' nyon cig /hUM gdug pa'i nad rnams gdon pa'i phyir/ /klu rgyal rnams la mchod par 'bul/ /nA ga ge sar bdud rtsi 'bul/ /nA ga pus pa'i bdud rtsi 'bul/ /rgya mtsho lbu ba'i bdud rtsi 'bul/ /gla gor zho sha'i bdud rtsi 'bul/ /mkhal ma zho sha'i bdud rtsi 'bul/ / snying zho sha yi bdud rtsi 'bul/ /pu shel tse yi bdud rtsi 'bul/ /kaN+Da ka ri'i bdud rtsi 'bul/ /mkhal sran bre yi bdud rtsi 'bul/ /cu gang dkar po'i bdud rtsi 'bul/ /gur kum dag gi bdud rtsi 'bul/ /'om bu dag gi bdud rtsi 'bul/ /dbang po lag pa'i bdud rtsi 'bul/ /chu srin sder mo'i bdud rtsi 'bul//rdo rgyus dkar po'i bdud rtsi 'bul/ /thal ka rdo rje'i bdud rtsi 'bul/ /dkar gsum dag gi bdud rtsi 'bul/ /mngar gsum dag gi bdud rtsi 'bul/ /zhes brjod cing klu rnams kyi snying po brgya tshar re bzlas/ de nas klu gso ba'i cho ga ni/ hUM nA ga ge sar sman phul bas//klu yi glo nad sos gyur cig /nA ga bus pa'i sman phul bas/ /klu yi mchin nad sos gyur cig /rgya mtsho lbu ba'i sman phul bas/ /klu yi dbugs nad sos gyur cig /gla gor zho sha'i sman phul bas/ /klu yi klad nad sos gyur cig / mkhal ma zho sha'i bdud rtsi yis/ /klu yi mkhal nad sos gyur cig /snying zho sha yi sman phul bas/ /klu yi snying nad sos gyur cig /pu shel tse yi sman phul bas/ /klu yi skra nad sos gyur cig /kaN+Da ka ri'i sman phul bas/ /klu yi rkang nad sos gyur cig /mkhal sran khra bo'i sman phul bas//klu yi kha nad sos gyur cig /cu gang dkar po'i sman phul bas/ /klu yi so nad sos gyur cig /gur gum dag gi sman phul bas/ /klu yi rgyu nad sos gyur cig /'om bu dag gi sman phul bas/ /klu yi khong nad sos gyur cig /dbang po lag pa'i sman phul bas//klu yi yan lag sos gyur cig /chu srin sder mo'i sman phul bas/ /klu yi sems nad sos gyur cig /rdo rgyus dkar po'i sman phul bas/ /klu yi chu rgyus nyams pa sos gyur cig /thal ka rdo rje'i sman phul bas/ /klu yi gsang nad sos gyur cig /dkar gsum bdud rtsi phul ba yis /klu yi gzi mdangs nyams pa sos gyur cig /mngar gsum bdud rtsi phul ba yis/ /klu rnams lus shed rdzogs gyur cig /ces sman gyis lus nad rnams bsal nas/ klu'i dug dbyung zhing gdon las dgrol ba'i cho ga ni/ me long gi dkyil 'khor la rtsi mchod 'bul ba ni/rma byas dug byab cing 'di skad do/ /nA ga ge sar sman gyi mchog /nA ga ge sar 'di phul bas/ /klu yi nad rnams sos gyur cig /klu yi nad rnams sos pa bzhin/ /mi yi nad rnams sos gyur cig /klu yi nad rnams sos nas kyang / /klu rnams mdangs dang ldan gyur cig /klu rnams mdangs dang ldan nas kyang / /mi rnams mdangs dang ldan gyur cig /klu rnams mdangs dang ldan nas kyang / /klu yi dug rnams phyir phyung shig /dug 'di sa yi nang du song / /reg pa'i dug rnams phyir phyung shig /kha rlangs dug rnams phyir phyung shig /dug rnams sa yi nang du song / /de bzhin chu dang me dang rlung / /'byung ba bzhi la dug song cig /ces brjod cing phud phud ces dug gi rlangs pa sngon dmar du 'byung zhing / rma byas byabs la me long la bstim mo/ /sman kun la tshig de kun sbyar/ de ltar snying po stong tshar zhing de ltar gdon dgrol kyi cho ga tshig tu brjod cing /dug gdon no/ /nad pa'i lus mgo mjug tu smyug shad kyi lcug ma'am/ bal po se'u'i lcug mas brdeg go/ /rma dang shu ba yod pa rnams la khrus bya'o/ /de nas klu rnams la gtor ma rgya chen po gtang ngo / /bgegs dang phyogs skyong rnams la yang gtor ma gtang ngo //de nas dkyil 'khor gzugs dang bcas pa de chu klung chen po'am/ yang na sa'i gter du sba'o/ /de nas tshe dbang bskur zhing bkra shis gsol/ khrus bya zhing snying po rgyas bsdus gang mos la brgya rtsa brgyad zlos su gzhug go/ /