81b2 /[ ]@##/ /dpal rdo rje rnam par 'joms pa la phyag 'tshal lo/ /mi bzad gdon gyis nyen pa'i sems can la phan thogs par 'dod pa'i sgrub pa po dam tshig dang ldan pas/ klu chen po brgyad mchod par 'dod pa'i dkyil 'khor snga ma bzhin du bzhengs la
81b3 ral gri dang /mda' rnams kyis mtha' ma bskor la/ dbus su gtso bo'i bum pa btsugs la/ gzungs thag gis gdags/ pad+ma'i 'dab ma rnams kyi steng du klu so so'i gzugs brnyan bkod pa dang / so so'i gtor ma dkar gsum mngar gsum dang / rtsi sman sna tshogs pa
81b4 dang ldan par yang bsham mo//dkon mchog dang klu rnams mchod pa'i lha bshos dang / mar me la sogs pa mchod pa'i bye brag ci 'byor pa rnams bsham mo/ /phyogs skyong dang bgegs rnams la gtor ma bsham zhing gtang ngo / /de nas klu chen po rnams so so'i gnas su spyan
81b5 drang ba ni/hUM rgya mtsho yangs pa'i dkyil 'khor nas/ /mtha' yas 'jog po karko Ta/ /u li ka dang nor rgyas dang / /pad+ma dang ni ba su na/ /klu chen brgyad po 'khor dang bcas/ /btsun mo rnams kyis mgul nas 'khyud/ /yab yum sras dang bcas pa rnams/ /'dir gshegs
81b6 spyan 'dren mchod par 'bul/oM phuHswA hA/ sa ma yA/ de nas bstod cing gtor ma dbul ba ni/ hUM shar phyogs klu rgyal mtha' yas ni/ /sku mdog ser la 'od zer 'bar/ /phyag mtshan pad+ma zhags pa bsnams/ /spyi gtsug yid bzhin nor bu dang / /sbrul mgo bdun gyi
81b7 gdengs ka can//sbrul dang rin chen rgyan gyis brgyan/ /de la mchod cing bstod par bgyi hUM/ /lho phyogs klu rgyal 'jog po ni/ /zhal gcig phyag gnyis ro smad sbrul/ /sku mdog dkar la 'od zer 'bar/ /phyag mtshan pad+ma zhags pa bsnams/ /spyi gtsug yid bzhin
82a1 nor bu dang //sbrul mgo bdun gyi gdengs ka can/ /sbrul dang rin chen rgyan gyis brgyan/ /de la mchod cing bstod par bgyi/ /nub phyogs klu dbang karko Ta/ zhal gcig phyag gnyis ro smad sbrul/ /sku mdog dmar la 'od zer 'bar/ /phyag mtshan pad+ma
82a2 zhags pa bsnams//spyi gtsug yid bzhin nor bu dang / /sbrul mgo bdun gyi gdengs ka can/ /sbrul dang rin chen rgyan kyis brgyan/ /de la mchod cing bstod par bgyi/ /byang phyogs klu rgyal u li ka /zhal gcig phyag gnyis ro smad sbrul/ /sku mdog dmar skya 'od zer 'bar/ /
82a3 phyag mtshan pad+ma zhags pa bsnams/ /spyi gtsug yid bzhin nor bu dang / /sbrul mgo bdun gyi gdengs ka can/ /sbrul dang rin chen rgyan gyis brgyan/ /de la mchod cing bstod par bgyi/ /shar lhor klu rgyal nor rgyas ni/ /zhal gcig phyag gnyis ro smad sbrul/ /sku mdog ser
82a4 skya 'od zer 'bar//phyag mtshan pad+ma zhags pa bsnams/ /spyi gtsug yid bzhin nor bu dang / /sbrul mgo bdun gyi gdengs ka can/ /sbrul dang rin chen rgyan gyis brgyan/ /de la mchod cing bstod par bgyi/ /lho nub klu rgyal dung skyong ni/ /zhal gcig phyag gnyis ro smad sbrul/ /
82a5 sku mdog ser la 'od zer 'bar/ /phyag mtshan pad+ma zhags pa bsnams/ /spyi gtsug yid bzhin nor bu dang / /sbrul mgo bdun gyi gdengs ka can/ /sbrul dang rin chen rgyan gyis brgyan/ /de la mchod cing bstod par bgyi/ /nub byang klu rgyal pad+ma ni/ /zhal gcig phyag
82a6 gnyis ro smad sprul//sku mdog sngo skya 'od zer 'bar/ /phyag mtshan pad+ma zhags pa bsnams/ /spyi gtsug yid bzhin nor bu dang / /sbrul mgo bdun gyi gdengs ka can/ /sbrul dang rin chen rgyan gyis brgyan/ /de la mchod cing bstod par bgyi/ /byang shar klu rgyal ba ra Na/ /
82a7 zhal gcig phyag gnyis ro smad sbrul/ /sku mdog dmar sngo 'od zer 'bar/ /phyag mtshan pad+ma zhags pa bsnams/ /spyi gtsug yid bzhin nor bu dang / /sbrul mgo bdun gyi gdengs ka can/ /sbrul dang rin chen rgyan kyis brgyan/ /de la mchod cing bstod par bgyi/ /
82b1 so so'i yum kyi sku mdog ni/ /rang rang yab dang mthun pa la/ /rin chen phreng ba'i do shal can/ /g.yas g.yon yab kyi mgul nas 'khyud/ /kha rlangs dug tu 'khyil bar byed/ /de la mchod cing bstod par bgyi/ /de dag so so'i sras rnams ni/ /sku mdog 'di 'dra ma nges te/ /
82b2 mdzes shing sdu gu 'od 'bar ba/ /la la chu srin kha nas 'byung / /de bzhin sbrul dang sbal pa dang / /chu glang chu rta kha nas 'byung / /sna tshogs 'gyur ba'i gzugs rnams la/ /mchod pa 'bul zhing bstod par bgyid/ /gzhan yang klu bran 'bum gyi tshogs/ /byol song gzugs
82b3 brnyan sna tshogs ston//'dab chags tshogs dang ltos 'gro dang / /rkang mangs dang ni rkang med dang / /sdig srin gzugs brnyan ston pa la/ /mchod cing bstod nas gtor ma 'bul/ /bdag gi las kyi 'bras bu rnams/ /ji ltar 'dod pa ji bzhin du/ /khyed kyis 'dod don
82b4 grub par mdzod//ces klu brgyad kyi snying po brgya rtsa bzlas la gtor ma gtong zhing snying po rgyas bsdus kyi bum pa'i chus khrus bya'o/ /de nas dkyil 'khor bsdu zhing bkra shis gsol lo/ /klu chen po brgyad mchod pas mi bzad pa'i nad yams drag po las thar bar byed pa/ dpal mar
me mdzad bzang pos mdzad pa rdzogs so/