80a3 dpal mar me mdzad bzang pos mdzad pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /skar ma rgyu ba rnams kyi las sna tshogs nye bar bsgrub par 'dod pa'i sgrub pa po dam tshig dang ldan pas/ dpal rdo rje rnam par 'joms
80a4 pa'i rnal 'byor sngon du song bas/zhi ba'i las byed par 'dod pas/ me bzhi la bya'o/ /rgyas pa'i las la rgyal/ dbang gi las la khrums smad la/ dral shul sna tshogs kyi las byed par 'dod pas nag pa la bya'o/ /bskrad par 'dod pas lag la/ dbye bar 'dod pas sa ri la/
80a5 bkar bar 'dod pas gro bzhin la/ rmugs par 'dod pas mon gre la/ rengs par 'dod pas nab so la/ skrag par 'dod pas smin drug la/ 'gugs par 'dod pas byi bzhin la/ 'jil bar 'dod pas snar ma la/ 'khrug par 'dod pas bra nye la/ rgyal bar 'dod pas lha mtshams
80a6 la /dpung dang ldan par 'dod pas mgo la/ sa'i las byed par 'dod pas khrums stod la/ chu'i las byed par 'dod pas chu stod la/ me'i las byed par 'dod pas nam gru la/ rlung gi las byed par 'dod pas mchu la/ sa'i sde pham par 'dod na khrums smad la/ chu'i sde pham par
80a7 'dod na chu smad la/me'i sde pham par 'dod na dbo la/ /rlung gi sde pham par 'dod na sa ga la/ ma grub pa grub par 'dod na mon gru la/ grub pa chud mi za bar byed pa tha skar la/ 'dod pa'i don rab tu sbyin par 'dod pas bre la bya'o/ /bsgrub bya phung bar byed par 'dod pas skag la/ nor
80b1 bsgrub par 'dod pas snron la bya'o//gzhan 'jig rten pa'i legs pa sna tshogs sgrub par 'dod pas rgyal la bya'o/ /pha rol la nyams pa sna tshogs gtong bar 'dod pas bra nye la bya'o/ /de ltar dmag drang bar 'dod pa dang / nor rnyed par 'dod pa dang / tshong rgyal bar 'dod pas
80b2 snrubs la bya'o//rtsa ra dang rkun ma'i las grub par 'dod pas tha skar la bya'o/ /'jigs pa brgyad las thar bar 'dod na mon gru la bya'o/ /bgegs bzlog pa dang mi mthong ba dang / pha rol gyi dpung bzlog par 'dod pas lha mtshams la bya'o/ /skra bkru ba dang / khrus byed pa dang / dpal
80b3 dbang phyug dang /rgyal sar 'don pa dang / tshong bzang bar 'dod pas rgyal la/ bag ma gtong ba dang / skra bkru ba dang / khrus byed pa dang / gos dang sa bon 'debs par 'dod pas lag la/ ston mo dang 'du ba sbud pa dang / 'dun ma dang / gros legs par 'dod pas nab
80b4 so la bya'o//gzhan gnyen spyor dang / mkhar len dang nyo ba dang / 'khor ba'i las gang yang grub par 'dod pas me bzhi la bya'o/ /de ltar na nye ba ston pa'i las sna tshogs la yang mkhas par spyad par bya'o/ /de ltar rgyu skar rnams dus nges pa las ma 'khrul bar byas na/
80b5 gdon mi za bar 'grub pa la the tshom med do/ /de'i phyir na rgyu skar rnams ni bzang po yin zhes bya'o/ /de nas so so'i phyogs kyi gza' rnams dang btub par nges par 'grub pa yin no/ /de ltar rgyu skar 'di dag gis ni legs pa dang nyes pa dang / 'jig rten kyi 'khrul 'khor sna
tshogs ston pas gtso che'o/