CLOSE WINDOW

D3030
བོད་ཡིག

/[ ]@##/ /dpal rdo rje rnam par 'joms pa la phyag 'tshal lo/ /nor 'grib par 'gyur ba slar 'gugs par 'dod pa'i sgrub pa po dam tshig dang ldan pas/ shin tu ma phongs pa'i khyim nas blangs la zhing bzang po'i sa dang bsres la stegs bu bya ste/thig btab la de nas tshon dgye ba ni/ dbus su pad+ma 'dab ma brgyad pa dmar po khyams gnyis dang sgo dang sgo khyud ldan par bya'o/ /lte bar rdo rje rnam par 'joms pa'i mtshan ma gdab bo/ /shar du rigs ldan bum pa/ lhor stobs bzangs kyi be con dang / nub tu mtshon chen gyi bse kha sbyor/byang du rnam thos sras kyi dong tse bris la/ gtor ma bzhi/ bshos gtsang bzhi/ mar me bzhi/ bdug pa bzhi/ me tog bzhi/ dri'i dung chos bzhi bsham/ seng ldeng gi phur pa bzhi sgo bzhir btsugs la me tog gi phreng bas sbrel lo/ /mtha' mar rin po che sna tshogs pa dang /'bru sna tshogs pa'i tshom bu dgod/ de'i phyi rim du shing me tog dang lo ma dang 'bras bu dang ldan pa sna tshogs pa btsugs te/ dkyil 'khor mi mthong bar bya'o/ /de'i phyi rim rnams su dri sna tshogs pa'i chag chag gdab ste/ rtswa ku shas 'khor bar dgram mo//steng du dar sna tshogs pa'i yol ba dang / 'phyang ma 'phyang gis khebs par byas so/ /logs rnams su de bzhin gshegs pa'i sku gzugs ris su bris pa dang / 'bur du btod pa dang lugs su blugs pa la sogs pa 'khor bar dgram mo/ /de nas bza' ba dang / btung ba dang /myong ba dang / bldag pa la sogs pa kha zas kyi bye brag ji ltar 'byor pa rnams kyis dkyil 'khor gyi mtha' mar bzhag la/ mchod g.yog pa gnyis sam gsum gyis mchod pa rgyun ma chad par bya'o/ /slob dpon bdag stod g.yogs la sogs pa'i rgyan dang / dbu rgyan la sogs pa rgyan thams cad kyis brgyan pa/rdo rje dang dril bu bzung la ku sha'i steng du khrus bya/ rgyan sna tshogs pas brgyan la 'khor dang bcas te gzhag go/ /de'i phyi logs la g.yas brkyang ba'i stabs kyis g.yas skor du hUM zhes bgegs bskrad/ de nas log ste/ byang shar nas g.yon brkyang ba'i stabs kyis g.yon skor du oM badzra yak+Sha hUM hUM zhes brjod pas bdag dang yon bdag gi nor 'grib par byed pa'i bgegs de dpag tshad brjod kyis mi lang bar byer zhing dengs par bya'o//de nas mchod pa dang gtor ma'i cho ga zhag gsum du rgyun ma chad par bya/ bdag nyid kyi snying po rgyas bsdus gang mos la ci nus su bzlas/ yon bdag gis sems bskyed pa dang / sdig pa bshags pa dang / rjes su yi rang ba dang / 'dod pa'i don la sogs pa la gsol ba ci nus su byed du gzhug go/ /de nas nub gsum gyi tha ma kha zas longs spyod pa dang /yon bdag bza' bran 'khor dang bcas pa la dkyil 'khor gyi sgo rnams gsal la dkyil 'khor du gzhug cing dbang bskur ro/ /rnam thos sras la gtor ma chen po gcig byin la nor gyi bdag por mnga' gsol/ yon bdag 'khor dang bcas pas kyang / byang phyogs kyi rgyal po chen po rnam thos sras kyi bu 'khor dang bcas pas do nub nas bzung ba phan chod nor gyi bdag po mdzod la bdag cag gi nor dang zas mi 'grib par 'phel bar mdzad du gsol zhes dus la brjod do//de nas gtor ma btang / sil snyan sna tshogs pa'i sgra dang ldan pas gtong ngo //de nas dkyil 'khor bsdu/ bkra shis gsol/ bsod nams kyi tshogs ji ltar 'byor pa bsag cing bla ma la yon dbul lo/ /nor 'grib pa dgang ba'i cho ga dpag bsam shing rgyas pa zhes bya ba/ slob dpon ye shes rdo rjes mdzad pa rdzogs so/