72a7 /skye bo gang sdang ba dur khrod du gsang ba'i sbyor ba lan bdun byas na 'chi bar nges so/ /sdang ba gsum gyi las thor bu slob dpon ye shes rdo rjes mdzad pa rdzogs so//[ ]@##/ /dpal rdo rje rnams par 'joms pa
72b1 la phyag 'tshal lo//bran dang bza' mi bsrung bar 'dod pas sgrub pa po dam tshig dang ldan pas/ dur khrod kyi shing leb kyi steng du dkyil 'khor bzhengs la khri'i steng du bzhag la/ 'og tu chu'i snod chen po gzhag go/ /de'i shar du gang bsrung ba de rnams khrus nas bton la bzhag
72b2 la/tshon sna lnga'i skud pa la snying po brgya rtsa brgyad bzlas la mdud pa bor la mgul du gdags so/ /rgya shog la 'khor lo rtsibs lnga pa la shin tu bsdus pa'i 'khor lo gi wang gis bris la/ spyi bo'i gtsug tu gdags so/ /shar du kha bltas la phyag btsal ba dang / de ltar
72b3 lho dang nub dang byang rnams su phyag 'tshal du bcug la dkyil 'khor gyi 'og gi chus brab ba dang /brdeg pa dang / 'thor 'thung byas la dkyil 'khor gyi 'og nas shar nas nub tu bton cing ting nge 'dzin gyi dkyil 'khor de 'od kyi phung po chen po zhi bar 'dod na dkar po/ rgyas par
72b4 'dod na ser po/dbang du 'dod na dmar po/ tshar gcad par 'dod na ljang gur bzhu/ lha rnams gshegs su gsol/ 'od zer de gang bsrung ba'i spyi gtsug tu bstims la/ de nyid kyang 'od kyi kha dog ci 'dra bar bzhu bar dmigs la/ phyogs skyong dang sgo ma rnams de nyid
la mchod par dmigs so/