| བོད་ཡིག |
66a2 /[ ]@##/ /dpal rdo rje rnam par 'joms pa la phyag 'tshal lo/ /lus kyi dbang po nyams shing na ba gso ba'i cho ga byed par 'dod pa'i sgrub pa po dam tshig dang ldan pas/ gos gsar pa dri ma med pa bgos te zhag gsum smyung bar
66a3 gnas te/lus kyi dbang po gang na yang khrus lan grangs bdun nam bcu gcig gam/ nyer gcig gam/ sum cu rtsa gnyis sam/ brgya rtsa brgyad dam/ stong phrag gcig gam/ khri phrag gcig la sogs pa na ba'i rigs dang sbyar la bya'o/ /de nas de'i 'og tu rdo rje rnam par
66a4 'joms pa'i nga rgyal du byas te/rang gi snying ga'i sa bon las 'od phrin las bzhi gang mos pa'i kha dog tu 'phros pas reg bya'i lha mo kha dog 'od zer dang mthun pa phyag na reg bya'i lha mo bye brag dpag tu med pa 'phros pas sangs rgyas kyi zhing khams dpag tu med par mchod pa'i sprin
66a5 gyis gtibs nas mnyes par bya ste/ye shes kyi 'od phung po chen po gcig tu gyur nas slar bdag gi snying ga'i sa bon la thim pas sangs rgyas thams cad kyi sku gsung thugs bsdus/ de nas yang 'phros nas lha mor gyur pas sems can gyi don byas nas yang snying gar 'od du gyur
66a6 nas thim mo//de lha mo spros nas lha mo de dag kyang bdag gi lus la thim pas/ yang sangs rgyas thams cad kyi sku rnam par dag pa dri ma med pa'i ye shes kyi lus su song ste/ sangs rgyas sku'i mkhyen pa rdzogs par dmigs shing snying po rgyas bsdus la ci rigs par bzlas so/ /
66a7 de yang lus kyi stod na na chu la bzlas so/ /smad na na dri chu la bzlas so/ /tsha na gi wi la bzlas so/ /grang na bu ram gyi khu ba la bzlas so/ /mgon na rdo rgyus la bzlas so/ /ske dang mjing pa na na nya'i mkhris pa la bzlas so/ /lag pa na na stag tsher ba la bzlas so/ /pho mchin na
66b1 bde na bca' sga la bzlas so//glo snying ma bde na cu gang rgya mtsho gser gyi bye ma la bzlas so/ /yi ga 'chus na se 'bru dang gur gum la bzlas so/ /sbos na rgyam tsha la bya'o/ /bshang gci che chung 'dom na sdig srin la bya'o/ /rgyu ma na na skyer ba'i khaN+Da la bya'o/ /mkhal ma na na
66b2 gser gyi bu dbu la bya'o//pus mo na na tsan+dan lde gu la bya'o/ /rkang pa na na li shi la bya'o/ /'khru na sbrang rtsi dang ut+pal la bya'o/ /skyug na na le sham gyis bya'o/ /gzer ba la chu dkyil gyi rdo ba grang mo la bya'o/ /rtsib logs na ba la lag mthil g.yon pa la bsngags shing
66b3 glan no//gre ba na na rkun 'brum la bzlas so/ /chu so na na dong ga dang lan tshal bzlas shing dugs bya'o/ /rims la chu dang tsan+dan dkar po la bzlas nas bya'o/ /'brum bu la ga bur dang seng ldeng gi khu ba la bzlas so/ /klad gzer la a ka la'i khu ba la bzlas so/ /mdzes zin pa la ni
66b4 gu gul dang b+ha sa li dang 'bras kyi thal ba la bzlas so//gdon drag pos zin pa rnams la smyag shad kyi lcug ma dang / bal po se'u'i lcug ma dang / klu shing gi lcug ma la bya'o/ /'bras la sa 'dag tshil chen gyi khu ba bsres la bya'o/ /mtshon gyis btab pa rnams la pa la sha'i
66b5 lo mas bya'o//skrangs pa la tsha sna dang lum bu'i phye mas bya'o/ /shu ba la dur byid dang shu dag la bya'o/ /zha grum dang skur po la seng phrom dang tsha ba'i yungs mo la bya'o/ /lhog pa dang phol la rab gnas byas pa'i tsha tsha rnying pa'i sa dang / dug sna tshogs la bzlas so/ /chu rgyus kyi
66b6 nad la mar sna tshogs pa la bzlas te bsku mnye bya'o//snying rlung dang 'dar ba rnams la ta ma la'i 'bras bu la bzlas so/ /lba ba la seng ldeng gi phur pa la bzlas la bya'o/ /sbid cing rengs pa'i nad la tsha ba gsum la bzlas la bya'o/ /yan lag gi tshigs na ba rnams la khrag sna tshogs la
66b7 bzlas la bya'o//dbugs mi bde ba rnams la A li kA li'i 'bras bu la bzlas la bya'o/ /khrag nad la glang po'i shas bya'o/ /so nad la bram dkar po'i rtsa ba la bzlas so/ /mchu nad la ni a ru ra'i pags pa la bzlas so/ /sgal pa na ba la 'bru mar la bzlas so/ /lus kyi
dbang po nyams pa dang lus na ba gso ba'i cho ga rdo rje rgyal mtshan zhes bya ba/