65b5 /[ ]@##/ /dpal rdo rje rnam par 'joms pa la phyag 'tshal lo/ /lce'i dbang po nyams shing na ba gso bar 'dod pa'i sgrub pa po dam tshig dang ldan pas/ gos gsar pa gon te smyung bar gnas par byas la khrus kyi cho ga lan nyi shu rtsa gcig byas te/
65b6 de nas rang nyid lha'i rnal 'byor du byas te/ snying ga'i sa bon las 'od snga ma ltar lan gsum du 'phags pa mchod pa dang / sems can gyi don byas pa'i gzhug la ro'i lha mo 'jig rten dang 'jig rten las 'das pa'i ro sna tshogs 'dzin pa rnams bdag nyid kyi lce la thim pas sangs rgyas thams
65b7 cad kyi ljags ring zhing yangs pa ye shes 'dus pa las byung ba/mkhyen pa ma 'gags par gsal bar dmigs shing snying po rgyas bsdus ci rigs par bzlas pa bya'o/ /de ltar yang skrangs pa rnams la rgya tshal bzlas pa bya ste byug go/ /brda mi shes pa rnams la shing kun la bzlas so/ /
66a1 tsha zhing zug dang ldan pa rnams la 'bras bu gsum gyi khu ba dang ga pur gyi chu la bzlas so/ /grang zhing ser ka dang ldan pa rnams la tsha ba gsum dang tsan+dan gyi chu la bzlas so/ /lce'i dbang po nyams pa gso ba'i cho ga pad+ma rgyas pa zhes bya ba/ slob dpon ye
shes rdo rjes mdzad pa rdzogs so/