65b1 /rna ba'i dbang po nyams pa dang de'i nad gso ba'i cho ga /sgra las rnam par rgyal ba zhes bya ba slob dpon ye shes rdo rjes mdzad pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /sna'i nad gso
65b2 bar byed par 'dod pa'i sgrub pa po dam tshig dang ldan pas khrus kyi cho ga lan grangs brgya rtsa brgyad byas te/de nas rdo rje rnam 'joms kyi nga rgyal du gnas pa'i thugs ka'i sa bon las 'od snga ma ltar 'phros pa las don gnyis byas pa'i tha ma dri'i lha mo rnams bdag nyid kyi sna la thim pas
65b3 sangs rgyas thams cad kyi shangs dri ma med pa yongs su dag pa ye shes tshogs pa'i phung po las grub pa mkhyen pa'i ye shes go ma 'gags pa sangs rgyas kyi mkhyen pa dang ldan par dmigs shing snying po rgyas bsdus ci rigs par bzlas so//de ltar sna tshub pa rnams la 'bru mar la bzlas
65b4 la blugs so//khrag 'bab cing dbugs stong pa bkab na tsan+dan dkar po la bzlas so/ /zug che ba rnams la gi wang 'o ma la sbyar ba la bzlas shing sna phug tu blugs so/ /sna'i dbang po nyams pa dang na ba gso ba dri ma dang bral ba'i sbyong byed ces bya ba/ slob dpon ye shes rdo rjes
mdzad pa rdzogs so/