61a7 'dus pa las gyur pa rnams zhi bar gyur cig swA hA/ zhi ba'i sbyin sreg gi cho ga rgyud kyi zhi pa'i mtshan don rdzogs so//[ ]@##/ /dpal rdo rje 'dzin pa la phyag 'tshal lo/ /rgyas pa'i sbyin sreg byed par 'dod pa'i sgrub pa po dam tshig dang ldan pas me tog la
61b1 sogs pa dri zhim pos byugs la/yang na gnas khang gi nang rnams su sa ser po'i lde gu'am ba'i lci ba gur gum gyi chus legs par sbyar la rtag tu byug par bya'o/ /da nas rgyas pa'i thab khung gru bzhi pa/ ngos re la khru re yod pa kha khyer mtho gang gi tshad yod pa/ yar gyi dpangs su mthe
61b2 bong gi sen mo la thug gi tshad la 'jim pa'i 'bur du rdo rjes khyab par dgod do//de'i dbus su pad+ma mdzub gang ba ser po 'bur du dod par bya'o/ /de nyid kyi dpangs su sor bzhi pa brtsigs te byug spos ser po la sogs pas byug par bya'o/ /de ltar rgyas pa la ni rdzas ni mngar gsum dang /
61b3 sbrang rtsi dang mar dang zho sbyar ba dang / til nag po dang / 'bras sA lu skam po dang / zho sbyar ba la sogs pa gzung ste/ bdag nyid bkra shis pa'i skyil mo krung gis kha shar phyogs su bltas te 'dug par bya'o/ /yam shing ku sha dang kham bu la sogs pa'i 'bras bu dang / mngar dang ldan pa'i
61b4 shing las bya ste/yam shing gi tshad ni sbom phra chag gang ba srid du khru gang pa zho dang mar sbyar bas byugs pa'o/ /de yang nya'i snga dro nas phyi ma stong gi bar du nyin re la lan gsum bya'o/ /rgyal rigs sam ri la me shor ba las me blangs te/ me lha spyan drangs pa la sogs pa snga gong gis bya/
61b5 sreg rdzas dbul bar bya'o/ /sreg rdzas dbul ba la sogs pa'i dgang blugs ni gru bzhi pa phyi'i dbyibs gzhu'i dbyibs lta bu la rin po ches mtshan par dbul ba'o/ /de ltar byas na tshe dang longs spyod 'khor dang sde la sogs pa rgyas par 'gyur ro/ /rgyud kyi rgyas pa zhes bya ba'i tshig legs
par sgrub pa/