CLOSE WINDOW

D2998
བོད་ཡིག

/klu'i las char dbab pa bdud rtsi'i rgyun zhes bya ba/ dpal mar me mdzad bzang pos mdzad pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /'dod pa thams cad rab tu sbyin pa las klu la sogs pa'i 'gro ba rnams tshim par 'dod pa'i cho ga rdzogs par 'dod pas/snod rab tu mdzes shing dri ma med pa'i nang du chu gtsang ma srog chags med pa la 'bru sna tshogs kyi phye ma dang rin po che lnga dang sman lnga dang / dri lnga dang me tog lnga la sogs pas bltams la bdag nyid kha bshal la/na mo rgyal ba sras dang bcas pa ma lus dgongs su gsol/ /bla ma dkon mchog gsum la phyag 'tshal lo/ /bla ma dkon mchog gsum la skyabs su mchi/ /bla ma dkon mchog gsum la mchod par bgyi/ /sdig pa mi dge so sor bshags/ /dge ba bgyid la rjes yi rang //mya ngan mi 'da' gsol ba 'debs/ /chos kyi 'khor lo bskor bar bskul/ /bsags pa'i dge ba bsngo bar bgyi/ /kun kyang byang chub thob par smon/ /bla ma dkon mchog spyan snga ru/ /byang chub sems ni bskyed par bgyi/ /ma grol ba rnams grol bar bgyi//ma bsgral ba rnams bsgral bar bya/ /dbugs ma phyung ba dbugs dbyung zhing / /sems can mya ngan 'das la dgod/ /ces brjod do/ /sgrub pa po dam tshig dang ldan pas sngon du stong pa nyid la blo gnas par byas la/ tshad med pa bzhi rnam par bsgom par bya'o/ /de'i 'og tu bdag nyid sku mdog dkar po mchog sbyin gyi phyag rgya dang ldan par byas la/oM sarba a ya swA hA zhes chos nyid dbyings rnam par dag pa'i rang sgras gtor ma'i nyes pa'i skyon rnams sbyangs te/ ye shes kyi bdud rtsi ro mchog brgya dang ldan par dmigs so/ /de nas na maHsa man+ta badzra NAM zhes brjod cing / lcags kyu'i phyag rgya dang ldan pas bla ma dge ba'i bshes gnyen dang / bu b+d+ha bo ng+hisatwa dang / nyan rang dang khams gsum na gnas pa'i 'jig rten skyong ba'i srung ma dang / mgron bzhi spyan drangs te/ rtsod pa phrag dog med par bzhugs par bsam mo/ /de nas oM na maHsarba ta thA ga ta sarba a pa dzA ya swA hA zhes brjod pas ji ltar 'dod pa bzhin du tshim par mos pa bya'o//de nas tshigs bcad 'di dag rnams kyang brjod do/ /chos dang mi 'jigs zang zing gis/ /srid zhi'i 'phags pa dkon mchog gsum/ /yab yum sras dang bcas rnams la/ /zhing khams dpag tu med pa na//bzhugs shing ston pa 'khor dang bcas/ /rdul gcig steng na rdul snyed dang / /nyan thos rnams dang rang sangs rgyas/ /dgra bcom dri ma med rnams la/ /mchod sbyin dag gis gtor ma bsngo/ /yon tan mgron du gyur pa ni/ /tshangs pa la sogs lha chen brgyad/ /rgyal chen bzhi dang phyogs skyong bcu//gza' brgyad klu brgyad 'phrog ma'i bu/ /mkha' 'gro ma dang chos skyong rnams/ /stong grogs mgon tshul byed la bsngo/ /lan chags mgron kyi rigs rnams la/ /bgegs rigs stong phrag brgyad cu dang / /khyad par mchog rigs bco lnga dang / / klu dang sa bdag ma mo dang / /bdud dang rgyal po btsan rigs dang / /sa srin klu srin btsan rigs dang / /'byung po mang po 'khor dang bcas/ /sngon gyi lan chags snyegs la bsngo/ /snying rje'i mgron du gyur pa ni/ /khams gsum 'khor ba'i rigs drug ste/ /skye bzhi lam lngas bsdus pa yi//sems can rnams la ci rigs par/ /thogs pa med par 'byung gyur cig /byol song gcig la gcig za ba/ /de rnams bde dang ldan nas kyang / /yi dags rnams la zas skom dang / /ji ltar 'dod pa thob gyur cig /sems can dmyal ba'i sdug bsngal gang / / mi bzad rnam pa sna tshogs pa/ /de dag rnams las thar bar shog /ces bsngo'o/ /gzhan yang ji ltar rigs par bsngo/ /klu rnams mnyes par byed pa'i chu la brten pa'i gtor ma bdud rtsi'i rgya mtsho zhes bya ba dpal mar me mdzad bzang pos mdzad pa rdzogs so/ /