58b5 slob dpon ye shes rdo rjes mdzad pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /klu'i rgyal po rnams kyis char 'bebs pa'i las byed par 'dod pa'i sgrub pa po dam tshig dang ldan pas dkyil
58b6 'khor snga ma bzhin bzhengs la/klu gnas pa'i sar sbra phub la klu gzugs dang gtor ma rnams bshams la/ gtso bo 'khor dang bcas pa rnams mchod la/ sgrub pa po bzhi phyogs bzhi nas rgyud stong phrag re klag /gcig gis klu rnams kyi snying po bzla zhing mchod/ gcig
58b7 gis gtor ma dang chu gtor gyi las bya'o//de ltar bya zhing 'dod pa'i don la gsol ba gdab/ gal te nye bar ma phebs na rdo rje rnam 'joms kyi nga rgyal du byas la snying po bsdus pa la stong phrag gsum bzlas te/ klu shing sna tshogs pa'i me sbar te/ dkar chos kyi sbyin sreg bya'o/ /
59a1 des kyang ma phebs na bdag nyid kyi snying ga nas khro chung grangs med pa spros te de dag re re las sprul pa'i khyung grangs med pa spros te/ klu rnams kyi mgrin pa nas bzung bas klu de dag rab tu skrag pa las/ rab tu skyugs te char gyi rgyun gnya' shing tsam du 'bab
par dmigs te drag shul gyi sbyin sreg byas pas nges par phebs so/