57a6 /de ltar rig sngags kyi las thams cad byed du 'jug pa'i las kyi bye brag bzhi bcu rtsa gnyis bkod pa yid bzhin nor bu 'od 'bar ba zhes bya ba/ slob dpon ye shes rdo rjes mdzad pa rdzogs so//[ ]@##/ /dpal rdo rje can la phyag 'tshal lo/ /
57a7 gzungs sngags kyi sbyor ba ma grub pa rnams grub par byed pa'i las kyi mtha' rdzogs par byed pa'i sgrub pa po dam tshig dang ldan pas dkyil 'khor dpa' bo gcig pa bzhengs la rin po che'i bum pa'i nang du 'dod pa'i lha'i gzugs ra gan la bsgar ba sa la gzhug go/ /chu sna sum
57b1 cu rtsa lnga dang /sman sna dang rin po che'i grangs kyang de tsam gcig btsal la gtso bo'i bsnyen pa ji tsam rigs pa byas la rgyud klag pa dang / mchod pa'i bye brag ji ltar rigs pa dang bstod pa bya'o/ /de nas rang gis gang 'dod pa'i sgrub pa ci rigs par byas la las la sbyar
57b2 ba'i cho ga lan brgya rtsa brgyad dang stong phrag gcig byas la/'dod pa'i lha'i sku'i thugs kar rdo rje rnam 'joms kyi mdzod spu nas 'od 'phros pas kha dog ji ltar mos pa lcags kyu'i rnam pa dang 'dra ba byung la yi dam ci 'dra ba de grangs med pa de'i thugs kar gzhug go/ /
57b3 de nas lha ar la gtad pa'i cho ga bya'o/ /maN+Dal dmar po'i steng du gtor ma lnga byas te/ de dag re re'i nang du snying po gang yang rung ba bong bu'i khrag gis gro ga la bris la gtor ma'i 'og tu bcug la khrag dang 'o ma bsres la sbreng zhing / yi dam gyi snying po gang yin pa de
57b4 mas bzlog la stong phrag bdun bzlas te/las ma grub pa ni mchog yin no zhes lan bdun brjod pas gtor ma de dag dur khrod du khyer la dong brus la dong du blugs la dur khrod kyi sol bas bcad/ de dag kun gyi 'og tu ci 'dod pa'i don de las la sbyar la gzhag go/ /de nas
57b5 bum pa'i nang gi yi dam gyi gzugs la ye shes sems dpa' lan brgya rtsa brgyad bcug la rang gi 'dod pa'i don la gsol ba btab ste/snying po stong phrag gcig bzlas la spyan drang ba dang mchod pa dang bstod pa rang gi gzhung dang mthun par byas la/ mchod pa dang bstod pa
57b6 gtor ma brgya rtsa brgyad byas na sngar sngags kyi lan grangs dang dus las skyol nam grub pa rnams grub ste/de ltar byas na bdag nyid bum pa'i chus khrus byas te/ bdag gi lus khro bo grangs med par sprul la de dag rnams kyi lus la sprul pa'i khro chung grangs med pa spros nas snang
57b7 ba thams cad khro bor dmigs la/khro bo de dag gis 'dod pa'i don gang yin pa nges par ster ba dang / bdag nyid kyi las dang bag chags thams cad rgyun gcad de/ nyes skyon dang dri ma thams cad dag par dmigs so/ /de'i rjes la khams gsum gyis bsdus pa'i
58a1 sems can rnams kyi las dang nyon mongs pa thams cad kyang rgyun gcad de/til gyi 'bru tsam yang ma lus par dag par dmigs/ 'dod pa'i don ji ltar dmigs pa bzhin du khams gsum du gtogs pa'i gzugs dang gzugs med pa rnams kyis
58a2 kyang khyod kyi sngags nges par 'grub par lha che ge mos gyis shig par 'dod pa'i don la gsol ba gdab par dmigs so//de nas khams gsum du gtogs pa'i sems can rnams la gtor ma ro mchog brgya dang ldan pa sbyin par bya'o/ /de nas smon lam gdab/ dkyil 'khor
bsdu/