55b2 /slob dpon ye shes rdo rjes mdzad pa/ gdon las rnam par thar bar nges pa'i sgrub thabs dam pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /'byung po thams cad 'gugs pa'i las
55b3 byed par 'dod pas/dur khrod du song nas maN+Dal nag po byas la/ bum pa nag po dar mthing nag gis mgul chings byas la/ dug shing gi lo mas kha rgyan byas te/ srad bu nag po'i gzungs thag btags la bcom ldan 'das sku mdog nag por bsgyur te/ rig sngags
55b4 kyi snying po ji ltar nus pa bzlas la de'i rjes la sarba ku lan a brta ya swA hA zhes stong phrag gcig bzlas nas gzungs thag nas gzung ste bdag nyid kyi snying ga nas rdo rje lcags kyus mtshan pa grangs med pa 'phros pas gang 'byung po'i gdon gang la dmigs pa 'gugs par dmigs
55b5 te/bzlas brjod kyi 'phro 'du byas pas 'byung po dmigs pa tsam gyis khugs te/ de nas bum pa'i nang du bkug ste rdo rje can gyi zhabs kyi 'og tu mnan te ku co'i sgra 'don cing ji ltar bsgo ba bzhin du nyan par dmigs so/ /de nas mnan par 'dod na dur khrod du bum pa dang bcas pa
55b6 mnan/bsreg na til gyi bum pa la brgya rtsa brgyad dbul/ skrod na bya nag mo'i spu la sngags bzlas la rlung la bskur/ kun nas 'byung po'i stobs nyams par 'dod na mchod rten gyi 'og tu 'khor lo brgyangs la gzhag go/ /de nyid brlag par 'dod na ta la'i lo ma la gzugs dang
ming ra khrag gis bris la gsal shing la bskyon no/