55a4 /slob dpon ye shes rdo rjes mdzad pa rdzogs so//[ ]@##/ /dpal rdo rje can la phyag 'tshal lo/ /gnod sbyin gyi gdon las thar bar 'dod na/ sngon dus dang mtshan nyid shes par bya ste bram ze rgyal rigs kyi mi
55a5 gzugs bzang ba dang mdzes pa la mar ngo'i tshes bcu gsum dang yar gyi lnga la/skyed mos tshal dang 'jig rten pa'i lha rten nam grong gi 'dun sa rnams su 'dzin par byed do/ /zhugs pa'i mtshan ma ni khro ba med pa ngu ba'ang med/ zas za ba la rem/ gtsang sbra la dga' zhing mig gi
55a6 tshogs 'khrul pa'o//de dag gso ba ni zas sna tshogs pa dang / shing thog dang / kri sa ra dang / 'bras kyi 'o thug dang / sha dang / til gyi zan dang / gdugs ser po dang / mchod phyir dang / skud pa ser po dang / 'gron bu dang / gser la sogs te rin po che sna tshogs pa
55a7 dang bcas pa'i gtor ma byang phyogs su sbyin par bya'o//de nas khrus byas te gro dang / nas dang / mon sran dang / rgya sran dang / 'bras bu gsum dang / tsha ba gsum dang / yungs kar dang / shu dag dang / shing kun dang / rtsa ba lnga dang / til gnyis dang / sgog skya rnams cha bsnyams la
55b1 mar phul bzhi dang /'o ma phul bzhi dang ba lang gi ko ba phul bzhi dang / ra'i chus btags la me chung bas btsos la nad pa rig sngags kyis khrus byas la/ de dag la sngags brgya rtsa brgyad bsngags la lus la byug /snar ldugs/ mig la bsku/ ltor btang bas gnod
sbyin gyi gdon las thar bar nges so/