| བོད་ཡིག |
54b3 de nas khrus byas dal gyis btab pa snga ma bzhin du byas la/ lha ma yin gyi gdon las thar bar nges so/ /slob dpon ye shes rdo rjes mdzad pa rdzogs so//[ ]@##/ /dpal rdo rje can la phyag 'tshal lo/ /gzhon nu'i gdon bzhi las thar bar 'dod pas/ sngon dus dang mtshan
54b4 nyid shes par byas te/'di la nam gru'i gdon dang / nam mkha'i lding gi gdon dang / skem byed dang / gzhon nu dang bzhi ste/ go rims kyis bram ze dang / rgyal rigs dang / rje'u rigs dang / dmangs rigs la gnod par byed do/ /tshes gnyis dang bcu gcig dang /
54b5 yar ngo'i tshes lnga dang bcu pa la 'jug go/ /zhugs pa'i mtshan nyid ni mig gyen la blta zhing mgo bo 'khor/ rims dang lud pa ser po dbugs mi bde ba ni nam grus zin pa'o/ /'di ni lhag par rgan pa dang / byis pa gsod par byed pa'o/ /mig thur la phab/ so 'cha'
54b6 rngam pa brtsegs/rims kyis btab pa ni nam mkha' lding ngo / /lus 'dar zhing kha dbyal rngam zhing sems rgod mgo 'phur zhing du/ rims dang 'gro bar byed/ byis pa la btab na kha nas dri nga ba 'byung ba dang / lus la rma dang 'brum bu 'byung ba dang / tsha zhing gdong me dang 'dra/
54b7 'khru zhing skyug pa dang / nu ma la sos 'debs pa dang / lan grangs mang du ngar zhing 'dar/ mig dmar la mchu mur ba ni skem byed kyis zin pa'o/ /las byas pa'i tshe rkang lag tshigs gzhin/ mig 'khor zhing lta bar byed/ mig ya gcig btsums/ smin ma g.yas 'degs pa
55a1 ni gzhon nu skyong ba'i mtshan ma'o//de las thar pa'i thabs ni sngon du gtor ma sbyin no/ /snum khur dang / 'bras yos dang / 'bras chan dang / sha dang / chang dang / til dang / pu shel tse dang / 'bras kyi 'o thug dang / 'gron bu dang / gser
55a2 dang /nad pa'i gos dang bcas pa'i ba liM ba lang gi rwa'am shing skam po'i drung ngam ma mo'i khyim du ba liM dang / srid la me dang bcas pa sbyin no/ /de nas nad pa la khrus byas la ka ko la dang / ram nye dang / seng phrom dang / skyer pa/ yung nga / ka pi ta'i khu ba/ pa la sha'i lo ma/
55a3 sbrang rtsi dang seng ldeng snying po/ /tsha ba gsum dang / btsod dang / shing mngar rnams cha bsnyams la ra'i chu dang lhan cig tu btags la de nas mar phul bzhi chu phul bcu drug tu btsos la/ me chung ba la btsos/ khrus byas la de la sngags btab la/ snga ma bzhin du byas la
gzhon nu'i gdon rnams las thar bar 'gyur ro/