53b1 @##/ /dpal phyag na rdo rje la phyag 'tshal lo/ /'jig rten bi na ya ka'i gdon las thar bar 'dod pas/ sngon du 'jug dus dang mtshan ma shes par bya ste/ dmangs rigs kyi lus las dri ma 'byung ba'am/ gos ngan gon pa'i tshe'am/ kha zas gzhan gyi lhag ma za
53b2 ba'i tshe'am/bud med dang dbyes byas pa'i tshe'am/ bshang gci'i dus sam/ gcer bur gnas pa'i dus sam/ mar ngo'i tshes lnga dang bcu bzhi 'am/ gnam stong la 'jug go/ /zhugs pa'i mtshan ma ni mkhun zhing ngu ba dang / nor rnams chud gson du 'gro ba dang / gzhan
53b3 gyis yid du mi 'ong ba dang /skyes pa yin na bud med mi rnyed pa dang / bud med yin na skyes pa mi rnyed pa dang / tshong byas na 'pham pa dang / zhing mi skye la gal te bud med rnyed kyang bud med bsam pa 'gyur ba ni log 'dren gyi gdon gyis zin pa ste/ de las thar pa'i thabs sgrub pa ni/
53b4 gtor ma'i bum pa bzhi 'bras yos dang / sha btsos dang / rjen pa dang / khur ba dang / dri dang / me tog dkar po'i phreng ba dang / 'bras thug dang / spos sna tshogs dang ldan pa'i gtor ma nub tu sbyin te/ de nas gu gul dang / yungs kar dang / gi wang dang / shu dag /ru rta/
53b5 sug smel/ sgron shing / thang shing / tsan+dan/ a ka ru/ nA ga ge sar rnams cha bsnyams la ba'i chu dang ra'i chu dang btags la snga ma bzhin du mar du btsos pa la sogs pa byas la/ byugs pa dang bsku ba la sogs pa byas na/ log 'dren gyi gdon las nges par thar ro/ /slob
dpon ye shes rdo rjes mdzad pa rdzogs so/