| བོད་ཡིག |
50a6 /lan bdun nam bcu gcig tu bya'o/ /mu stegs can gyi rig sngags 'jig pa'i sgrub pa'i nye ba'i las phyi ma zhes bya ba slob dpon ye shes rdo rjes mdzad pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /gdon
50a7 thams cad rlag par byed pa'i las kyi bye brag ni gdon stong phrag brgyad cu yod kyang lha'i gdon dang /'byung po'i gdon dang / dri za dang / gnod sbyin dang / srin po dang / sha za'i gdon la rigs gsum klu'i gdon dang / tshangs pa'i gdon dang / srin po'i gdon dang / bi na ya ka
50b1 dang /brjed byed dang / smyo byed dang / gzhon nu'i gdon la rigs bzhi dang / lha ma yin gyi gdon dang / bco brgyad du 'dus so/ /de dag rnams brlag par 'dod na dur khrod kyi sol ba la lha gdon gyi gzugs byas la/ bdag nyid kyi mdun du gzugs de bzhag la gris gtub
50b2 cing de nyid kyi dum bu dang /lan tshwa ske tshe'i sbyin sreg brgya rtsa brgyad byas na lha'i gdon rnams brlag par nges/ yang rdo rje can gyi dkyil 'khor bzhengs nas de nyid kyi g.yul gyes pa'i sa las gzugs byas la/ snga ma ltar sbyin sreg byas na 'byung po'i gdon brlag par nges so/ /yang
50b3 rgya shog la gzugs bris la phur pas btab la shing ngam rings dug dang khrag gi nang du gtubs la lan stong rtsa brgyad du sbyin sreg byas na dri za'i gdon brlag par nges so//yang shing gcig gi 'og tu song la yang dkyil 'khor zlum po'i dbus su gru gsum bris la/ der gdon
50b4 bkug la shing pa la sha'am rgya skyegs kyi sbyin sreg brgya rtsa brgyad byas na tshangs pa'i nang na gnas pa'i srin po'i gdon rlag par byed do//yang shing gcig gi 'og tu song la dur khrod kyi mgal dum la sbyin sreg stong byas na bdag nyid khro bo phur par dmigs te 'od dmar po spros
50b5 pas srin po'i gdon rnams brlag par nges so//yang chu klung gi 'gram du song ste dur khrod kyi sa las gzugs khru gang ba byas te de nyid gan rkyal du bsgyel la snying gar seng ldeng gi yam shing la sha khrag gi sbyin sreg nyis brgya byas na sha za'i gdon rnams brlag par nges so/ /yang
50b6 bdag nyid kyi lus rdo rjer byin gyis brlabs te/gnod pa'i sar sbra phub ste sa dkar po las sbrul mgo bdun pa'i gzugs khru gang ba byas te/ de'i snying gar gru gsum pa brus la/ klu shing ra khrag tu bsnyugs pa'i yam shing la nya sha dang sbrul sha'i sbyin sreg sum brgya byas na klu'i
50b7 gdon rnams brlag par nges so//yang sa sna bcu gsum la ba'i lci bas bsres te glang po che'i gzugs byas la de nas skud pa sngon dmar gyis btags nas badzra bdun pa'i sngags bzlas shing rdo rjes gzugs de byang shar du dum bur byas te/ shing a shwat+tha'i me la sbyin sreg lan brgya
51a1 phrag lnga dang /ba lang gi khrag dang bsres pa dang / til dang / khre'i sbyin sreg byas na log 'dren gyi gdon brlag par nges so/ /yang kham pa las stag gi gzugs byas la spyi gtsug tu dug shing gi phur bus btab la/ rig sngags bzlas te be'i
51a2 yam shing la 'bru sna tshogs pa'i sbyin sreg lan lnga bcur byas na brjed byed kyi gdon brlag par nges so//yang dur khrod kyi ras la 'khor lo rtsibs bcu gnyis pa bris nas lte bar gdon gyi ming / lte bar hUM/ mu khyud la kA lis bskor la/ de nas me dur du zhag gsum du rig
51a3 sngags bzlas nas lha'i khang par gnas na smyo byed kyi gdon brlag par nges so//yang dur khrod kyi shing leb la gzugs mgo bo lnga pa bris la rig sngags bzlas shing gri bo'i khrag gis gtig la/ de nas lcags kyi tho bas phye mar byas te/ stag pa'i shing la ba ser skya'i
51a4 'o ma la bsnyugs la sbyin sreg stong phrag gcig byas na lha ma yin gyi gdon brlag par nges so//yang ta la'i lo ma la khyi khrag gis gzugs bzhi bris la/ snying po rgyas pa la stong phrag lnga bzlas te chu shing gi yam shing la khyi dang phag nag po dang bya nag bo dang / mi khrag gis sbyin
51a5 sreg stong phrag gnyis byas na/gzhon nu'i gdon rnams brlag par nges so/ /yang rgya shog la gnod sbyin gyi gzugs gnyis khrag gis bris nas snying gar tsher ma can gyi phur pa rgya mdud man chad btab la rdo rje kI la ya'i sngags rnams bzlas te/ shing nag po'i me la rta dang /