47b5 /the tshom med par 'grub pa las bsgrub bya thog gis bsad pa'i cho ga drag shul zhes bya ba/ dpal mar me mdzad bzang pos mdzad pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /bsgrub bya skrag pa'i las 'gal ba'i lo thog
47b6 ma rungs par bya ba'i las kyi drag shul spyod par 'dod pa'i sgrub pa po dam tshig dang ldan pas/gnas khang yid dang mthun par gza' chen po ro langs kyi dkyil 'khor bzhengs te dbus drag po bsnol ma dmar nag tha ma gza'i khang bu brtsegs pa bris la khrag sna tshogs pa dang /
47b7 sha sna'i gtor ma dang / dkar gtor dang / sngo sna tshogs pa'i gtor ma bshams te gzhag go/ /rabs chad nag po'i thod par dur khrod kyi ras dang rus pa bsregs pa'i thal ba dang / dme khrag sna tshogs pa'i thod pa'i spyi bor bsgrub bya'i ming dang gzugs bris la yul lha dang
48a1 yul mi'i ming yang bri/thod pa'i nang du rin po che'i phye ma dang / mi rta khye'i khrag dang / mdzo rog dang / g.yag rog gi khrag dang / mngal khrag la sogs pa'i khrag sna tshogs blugs la/ yungs kar dang yungs nag la bzlas shing blugs so/ /gtso
48a2 bo'i nga rgyal dang ldan pas mchod pa dang bstod pa dang bsnyen pa ci rigs par bya'o//de nas gza' so so'i bsnyen pa 'bum phrag re bzlas/ de nas las kyi sngags 'di la bsnyen pa 'bum phrag bdun bzlas so/ /oM ma ya snying ya ma khrag rA hu la rA hu hril shag shag sen sen b+h+yo b+h+yo/ /
48a3 rang rang hril pa sha mi ki hUM phaT ces yungs kar dang yungs nag la bzlas te thod par blugs so/ /de nas khyab 'jug las la 'jug pa'i dus su thab gsum gyi las sbyar na bsgrub bya'i lo thog nges par brlag par 'gyur ro/ /bsgrub bya skrag pa'i las chu thigs zhes bya'o/ /dpal mar
me mdzad bzang pos mdzad pa rdzogs so/