46b7 /[ ]@##/ /dpal rdo rje rnam par 'joms pa la phyag 'tshal lo/ /bsgrub bya gza' rnams kyi byad du 'jug par 'dod pa'i sgrub pa po dam tshig dang ldan pas brag dang chu 'thab pa'i
47a1 'gram du song ste maN+Dal gru bzhi khru gang ba/thog phog nas shi ba'i khrag gis thig le brgyad byas la/ de'i steng du gza' brgyad kyi snying po go ga la ra khrag gis bris la shing gdug pa can la btags la gzhag /ra rog po'i snying gi nang du gro ga
47a2 la bsgrub bya'i ming dang rus gnyis khyi nag po'i khrag gis bris la rjes sa'am gos dum mam zag pa'i rjes gang rnyed pa dang bcas pa gzhug /ro ras la 'khor lo rtsibs brgyad pa bris la/ de'i rtsibs rnams gza'i snying pos bskor ba la lte bar bong bu nag bo'i khrag gis che
47a3 ge mo pa ba sangs kyi byad du chug cig ces brgyad kyi ming gis bcas pa bri/mu khyud la a mu ka mA ra ya phaT ces pas 'khor ba bri/ de nas snying po shin tu bsdus pa la stong phrag gcig bskyar la gtso bo la mchod bstod bya/ gtor ma dbul/ de nas gza' brgyad kyi snying
47a4 po la zhag sum cu rtsa brgyad bskyar te/gza' rnams la gtor ma byin te/ rgyu skar zla ba'i nyi shu dgu'i gza' nges par rgyu ba'i dus su drag shul spyod pa'i sbyin sreg bya ste/ oM a mu ka mA ra ya phaT ces nus tshad bzlas te bsregs pa'i thal ba dang / ling+ga gcig ra thod du
47a5 bcug ste/bdag nyid lus gcer bur phyung la lus la ra rog po'i khrag gis byugs la gdong ro sol gyis byugs la/ skra spyi bor bcings te dge sbyong yin na ro'i skra gyon la phyi ma'i tshes bzhi'i gza' rgyu ba'i dus su ra thod sngon dmar gyis rgya gram du bcings la/ brag dang chu
'thab tu mnan na zla ba dgu nas bsgrub bya gzas zin par 'gyur ro/