45a3 /de nas de'i las rnams bsgrub pa la brtson pa'i sgrub pa po rnams kyis nges par sra ba'i don bsgrub pa ni rgyud kyi tshig nges par bsgrub pa'o/ /'dod pa'i don dus la nges par bsgrub pa/ slob dpon ye shes rdo rjes mdzad pa rdzogs so/[ ]@##/ /dpal
45a4 phyag na rdo rje la phyag 'tshal lo//brten pa chos nyid kyi srog bsgrub par 'dod pa'i sgrub pa po dam tshig dang ldan pas gnas khang yid dang mthun par maN+Dal dang / me tog dang bum pa la sogs pa sngon du bya ba'i rim pas/ ji ltar rigs pa rdzogs par byas la bdag nyid kyis khrus
45a5 gsum rdzogs par byas la gos gsum brje zhing lhag par mos pa'i bsam gtan legs par yid 'jug par byas la/hUM las byung ba'i khro bo dbyug pa sngon po can sku mdog sngon po zhal gcig phyag bzhi pa rin po che'i dbyug pa dang / 'khor lo dang / bum pa dang / sdigs
45a6 mdzub can rgyan thams cad kyis brgyan pa'i gzugs su blta bar bya'o//de nas ye shes kyi dkyil 'khor spyan drangs te/ gnyis su med par brtan par bdag nyid kyi snying gar bsdus te las dang bag chags thams cad rnam par sbyang bar bya'o/ /de nas yungs kar la sngags
45a7 'di lan brgya rtsa brgyad bsngags te/bum pa'i nang du legs par blugs la zla ba gcig la lan bdun bdun du byas na bstan pa'i snying po nges par 'grub pa ni sngags 'dis bya'o/ /oM ma tha badzra hUM hUM phaT phaT swA hA zhes zla ba bdun gyi bar du bsgrubs na yid gzhungs shing dbang dang
ldan par 'gyur ro/