44b2 @##/ /dpal phyag na rdo rje la phyag 'tshal lo/ /'dod pa'i don nges par bsgrub par 'dod pas sgrub pa po dam tshig dang ldan pas gnas khang yid dang mthun par maN+Dal ser po yid du 'ong ba'i steng du me tog ser po dri ma med pa bkram ste/ bdag nyid kyis sngon du ci rigs pa'i bya
44b3 ba'i rim pa rdzogs par byas la/bum pa'i nang du su ser po las byung ba'i lha mo rgyan sna tshogs par brgyan par blta'o/ /hUM las byung ba'i khro bo gtum po mdog ser po klu'i bu rnams kyis brgyan pa rnam par bsgom par bya'o/ /de la ye shes sems dpa' spyan drangs te mchod pa dang
44b4 bstod pa dang gsol ba gdab pa rnams bya ste/de nas bdag nyid rdo rje gtum po'i nga rgyal dang ldan pas bdag gam gzhan bsgrub bya'i lus thams cad rdo rje rtse gsum par byin gyis brlabs te/ pha rol gyi lus la gnod par rung ba gang yin pa rnams bcing ba dang bkar ba dang /
44b5 spa bkong ba'i las nye bar bsgrub par bya ste/ yul 'joms pa'i rdo rje spyi bor rnam par blta bar bya'o/ /de nas de'i rjes la dngos dang dngos ma yin pa'i tshogs bsag pa'i rten spyan drangs te/ tshogs ji ltar 'byor pa bsag par byas la bdag nyid kyis rdo rje rab tu zhi bar byed
44b6 pa'i lta stangs kyis blta ste/dbang dang rgyas pa'i gzugs kyis langs la hUM hUM zhes rab tu khros pa'i sems kyis sdang bar bltas la/ hi hi zhes dgyes pa'i gad mos bcu gnyis sam dgu'am bdun bgad pas las thams cad 'grub par 'gyur ba la the tshom med do/ /de yang
44b7 skar ma rgyal la bab pa'i tshe khro bo gtum po'i nga rgyal dang ldan pas/oM ma Ta badzra badzra hUM hUM phaT phaT swA hA zhes stong phrag gnyis bzlas te/ bdag nyid kyi lus la mi 'jig cing sra ba'i gos gyon la rdo rje'i lus kyi rnam par 'dug pa la lan bdun nam bcu gcig byas na lus la ye shes
45a1 kyi chu rgyun gyis bkrus na longs spyod rnams kyi dbang po brgya byin dang mnyam zhing tshe nyi zla ji ltar yod pa bzhin du gnas pa dang /sa bla'i 'jig rten gyi khams thams cad la dbang ba dang / las dang 'joms pa dang / bsgrags pa dang nges par spyod par
45a2 'grub pa dang /gnod sbyin dang / srin po dang / sha za dang / mkha' 'gro ma'i tshogs dpag tu med pa dang / 'dab chags rnams kyi stobs kyi rgyal po dang / btsun mo'i gzugs dang / dpal ldan rgyu skar gyi tshogs rnams kyi rje bo dang / blta zhing bsnyen bkur chen
por 'gyur ro/