CLOSE WINDOW

D2960
བོད་ཡིག

/[ ]@##/ /dpal rdo rje rnam par 'joms pa la phyag 'tshal lo/ /gzhan gyis bshig par dka' ba'i rig sngags kyi las 'grub par 'dod na/ sgrub pa po dam tshig dang ldan pas gnas khang yid dang mthun par maN+Dal sngon po khru do'i tshad dang ldan par bya ste me tog dmar po dang sngon po rab tu yid du 'ong ba'i tshom bu lnga'am/bdun nam bcu gcig bkram la bla ma dang yi dam mdun gyi bar snang la spyan drangs te/ phyi nang gi mchod pa rdzogs par phul te 'dod pa'i don la gsol ba gdab par bya'o//de nas sgrub pa pos gos dmar po dri ma med pa bgos te/ khrus byas la sdig pa ma lus par bshags par bya'o/ /sems bskyed pa dang bsrung ba dang tshad med pa bsgom par mos pa byas la/ stong pa nyid dang gzhal yas khang bsgom pa rnams bya ste/khro bo'i rgyal po rta mgrin sku mdog dmar po zhal dmar po zhal gcig phyag bzhi pa rta mgo ljang gu'i steng na rdo rje rnam par 'joms pas dbu brgyan pa/ pad+ma dang be con dang lcags kyu dang sdigs mdzub la sbyar ba'o/ /de la ye shes sems dpa' spyan drangs te/ dbang bskur ba la sogs te de'i rjes la bdag nyid kyi lus kyang pad+ma'i sdong po ze 'bru legs par brgyan pa'i steng du/bdag gi lus rdo rje chen por rang byung ba gcig tu dmigs pa byas la/ pha rol gyi gnod pa gang gis kyang bshig par dka' ba bsgom par bya'o/ /de nas de nyid las 'od 'phros pas 'phags pa mchod pa dang /sems can gyi don bya ba la sogs pa byas la/ 'od zer de dag rdo rje nyid la thim pas sgrub pa po'i lus ngag la pha rol gyi gnod pa'i tshogs gang gis kyang mi shigs par bsgom mo/ /de nas rdo rje de nyid las rang sgra chen po 'di dag rnams rang bzhin gyis 'byung bar mos par bya zhing yid kyis sngags 'di nyid la nyi ma re la sum brgya bzlas te maN+Dal re dbul bar bya'o//oM s+pho Ta badzra badzra/ ma Ta badzra hUM hUM phaT phaT swA hA zhes sngags brjod pa la maN+Dal re dbul bar bya'o/ /de ltar zla ba gcig la dus gsum gyi nyi ma re re de ltar cho ga rdzogs par bya zhing ma 'khrul bar byas na bdag nyid kyi lus rdo rje lta bur gyur pa la the tshom med do//mi shigs pa zhes bya ba'i rgyud kyi tshig lag tu blang ba man ngag gis bsgrub pa'i rnal 'byor pa'i tshe dang stobs bsgrub pa zhes bya ba slob dpon ye shes rdo rjes mdzad pa rdzogs so/