| བོད་ཡིག |
40b2 slob dpon chen po dpal mar me mdzad kyis mdzad pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /'phags pa rnam par 'joms pa'i sgo nas rab tu gnas par byed par 'dod pa'i sgrub pa po dam tshig dang ldan
40b3 pas//gnas khang yid dang mthun par dkyil 'khor gyi cho ga nas 'byung ba bzhin du dkyil 'khor bzhengs te/ mchod pa'i yo byad ji ltar 'byor pa bshams te/ mgon po dang 'byung po rnams la gtor ma'i bye brag rab tu bzang po yang bsham/ chos skyong la gtor ma chen po
40b4 bshams la bdag nyid kyis bsnyen pa ci rigs par bya/de nas rab tu gnas par byed pa'i rten sku'i rten ras ris su bris pa dang / 'bur du btod pa dang / lugs su blugs pa dang / gsung pu sti la sogs pa thugs rdo rje dang dril bu la sogs pa gang yin pa de khrus
40b5 nas bton la dkyil 'khor gyi shar phyogs su shing leb la sogs pa'i steng du khri'i steng du ras ser po dri ma med pas dril la gzhag go//de nas yon bdag gsum la skyabs su 'gro ba la sogs pa sdig pa bshags pa dang sems bskyed par bya'o/ /de nas bdag nyid
40b6 kyang khrus bya ste/gos gsar pa gyon la bum pa re re la snying po rgyas bsdus gang mos pa brgya rtsa brgyad bzlas la/ sku rten khro bo yin na rigs nges pa'i sa bon snying gar bcug ste/ gser gyi thur mas spyan dbye ba dang / shangs dang zhal bkru ba la sogs pa bya ste/ khro bo'i dur
40b7 khrod kyi rgyan brgyad gdags /so so'i rigs kyi gtso bos dbu brgyan la/ snying ga'i sa bon la ye shes sems dpa' gzhug par byas la/ rab tu brtan par bzhugs su gsol/ lha so so'i snying po brgya rtsa brgyad brjod la yon bdag dang gnyis su med par bstim/ chos
41a1 skyong la gtad de mnga' gsol/zhi ba'i sku nyan thos kyi cha lugs yin na/ yang so so'i sa bon gzhug pa la sogs pa byas la/ de nas zhal bsil ba dang / dbu skra bzhar ba la sogs pa bya ste/ chos gos dang rgyan rnams gdags/ de nas ye
41a2 shes sems dpa' bcug ste/de'i snying po brgya rtsa brgyad brjod la brtan par bya/ de nas mchod pa rnam pa lnga phul la yon bdag dang gnyis su med par bstim mo/ /byang chub sems dpa'i cha lugs yin na/ yang gong ltar byas la byang chub sems dpa'i rgyan do shal la sogs
41a3 pas rgyan gdags/de nas yon bdag gi don du bstim pa la sogs pa bya/ mchod pa dbul/ chos skyong la gtad/ gsol ba gdab/ 'od kyi dkyil 'khor du bcug la bum pa'i dbang bskur ro/ /gsung gi rten rnams la spyan dbye ba dang / zhal bkru ba la sogs
41a4 pa byas/ljags spel ba la sogs pa byas la dam chos bdud rtsi'i char dbab/ hrIH las byung ba'i lha mo rnams kyis dbang bskur ro/ /de nas me long gi nang du bum pa'i chus bkru/ mchod pa lnga dbul/ rab tu dgyes shing brtan par bya'o/ /chos skyong la gtad/ 'dod
41a5 pa'i don la gsol ba gdab bo//thugs kyi rten la byed na 'di nyid kyi dkyil 'khor du dbang bskur/ khrus nas dkyil 'khor gyi lha rnams kyi ye shes sems dpa' rnams spyan drangs te/ gnyis su med par bstim par bya/ mchod pa dbul/ chos skyong la gtad/ 'dod
41a6 pa'i don la gsol ba gdab/so so'i snying po gsal ba med na rdo rje rnam 'joms kyi sku dpag tu med pa sprul te/ de nyid kyi snying po shin tu bsdus pa brgya rtsa brgyad bzlas la/ de nyid dang gnyis su med par byas la rang gzhan gyi don rdzogs par bya'o/ /de la ma mos na de
41a7 bzhin gshegs pa'i rigs yin na oM//rdo rje'i rigs yin na hUM/ rin po che'i rigs la swA/ pad+ma'i rigs la AH / las kyi rigs la hA ci rigs par bzlas so/ /gsung gi rten rnams la gcig gis rgyud stong phrag gcig klag /de nyid brgya brgya'i bar du mchod
41b1 pa lnga rdzogs bar dbul/grub na zhi ba'i sbyin sreg ci rigs par 'grub par bya/ phyogs skyong ba dang 'byung po la sogs pa la gtor ma gus par btang / bdag nyid bzlas pa la zhugs pa'i dus su khrus dang gtsang sbra la sogs pa bya zhing / sha dang nya dang sgog pa la
41b2 sogs pa/btsong dang chang dang bud med dang / phyi dro'i kha zas bdun spangs la zas dkar chos la brten zhing zhag gsum mam lnga'am bdun nam/ smyung bar gnas par bya ba ni bzlas pa bum pa gtso bo'i dus na nges par yin no/ /de ltar sku gsung thugs kyi rten la dbang bskur
41b3 rdzogs nas mchod pa'i las ji ltar 'grub par byas la/dben pa'i sar bzhugs su gsol/ de nas yon bdag gi don du sbyin sreg ji ltar rigs par byas la dbang ci rigs par bskur ro/ /de nas dbang rdzogs nas yon bdag gis mchod pa ji ltar 'byor pa yi dam
41b4 de dag la mchod/chos skyong la gtor ma chen po cig btang la/ bdag gi yi dam gyi lha 'di rab tu bkra shis pa dang byin rlabs che ba dang / bstan pa ji srid du gnas pa'i bar la bsrung ba dang / mchod pa mdzad du gsol zhes gtor ma btang / de nas phyogs skyong la
41b5 sogs pa'i gtor ma rab tu rgya che bar btang ngo //dung dang rnga dang cha lang dang dril bu la sogs pa'i sgra rnam pa sna tshogs pa yang bsgrag go/ /de nas bkra shis gsol te yon bdag kyang khrus nas gdon/ srung skud gdags/ brab pa dang byab pa la sogs pa bya/ tshe 'phel ba'i
41b6 don du dUr ba sbyin par bya/de ltar cho ga'i gzhung ma nor bar rdzogs nas dkyil 'khor bsdu/ dman ma dor/ bla ma la yon rab tu gus pa dang ldan pas dbul lo/ /de nas yon bdag gi longs spyod dang tshe 'phel ba dang / tshogs rdzogs par bya ba'i don du ston mo ji ltar 'byor pa
41b7 bya'o//chos dang zang zing gi 'byor pa yang ci 'byor pas gtang bar bya'o/ /mdor na cho ga gtso bos sems bskyed sngon du byas pa las mi 'da' bar bya'o/ /'phags pa rdo rje rnam par 'joms pa'i rab tu gnas pa'i cho ga /slob dpon chen po dpal mar me mdzad bzang
pos mdzad pa rdzogs so/