35b7 /[ ]@##/ /dpal rdo rje rnam par 'joms pa la phyag 'tshal lo/ /klu chen po brgyad kyi dkyil 'khor du dbang bskur bar 'dod pa'i sgrub
36a1 pa po dam tshig dang ldan pas gnas khang yid dang mthun par me tog sngon po la sogs pa sa 'phags pa rnams mngon par mchod nas sa'i cho ga la sogs pa rnams sngon du song nas/sa stegs gru gsum legs par byas la cho ga bzhin du thig legs
36a2 par btab la/de nas tshon btang ste/ pad+ma 'dab ma brgyad pa dkar po lte ba sngon po/ mu khyud sna tshogs pad+ma'i phreng ba khyams dmar po sgo bzhi rigs dang 'dra ba/ phyi'i mu khyud sbrul 'bar ba rab tu 'khyil pas 'khor bar bris la/ bum pa brgyad gtso bo'i bum pa dang dgu
36a3 la so so'i mtshan ma bris la/rgyan sna tshogs pas brgyan pa gzhag go/ /de nas mchod pa'i yo byad ci 'byor pa dang / klu gtor la sogs pa yang bsham mo/ /de ltar bshams la tshogs sogs pa'i rten nam mkha' la sbrul la tshogs bsag /de nas so so'i mtshan
36a4 ma dang ldan pas bum pa'i nang du gtso bo snga ma dang 'dra bar bskyed/'khor gyi klu rnams ni lag pa rnams sbrul mgo gdengs pa ltar byas la/ oM phuHswA hA zhes brjod pas mtha' yas mdog ser po zhal gcig phyag gnyis pa smad sbrul du 'khyil ba dbu la rin po che dang sbrul mgo
36a5 bdun gyi gdengs ka yod pa/rin po che'i rgyan thams cad kyis brgyan pa/ g.yas zhags pa g.yon pad+ma bsnams pa bskyed do/ /de dag kyang gdan pad+ma'i sdong po'i steng na nyi ma dang zla ba'i steng du bskyed do/ /phyag rgya snga ma dang 'dra ba la lho phyogs su oM ba swA hA zhes brjod pas
36a6 'jog po mdog dkar po g.yas zhags pa g.yon pad+ma thogs pa snga ma dang 'dra ba bskyed do//nub tu oM b+h+ruM swA hA zhes brjod pas karko Ta dmar po phyag mtshan snga ma dang 'dra ba bskyed do/ /byang du oM pha swA hA zhes brjod pas u li ka mdog dmar skya snga ma dang 'dra ba bskyed do/ /shar lhor oM
36a7 phi swA hA zhes brjod pas nor rgyas mdog ser skya snga ma bzhin du bskyed do//lho nub tu oM phe swA hA zhes brjod pas dung skyong sngo skya bskyed do/ /nub byang du oM phaM swA hA zhes brjod pas pad+ma sngo skya bskyed do/ /byang shar du oM phai swA hA zhes brjod pas ba su na mdog dmar sngo snga ma bzhin
36b1 bskyed do//de dag kyang sa bon phu las yang dag par 'byung ba rab tu mdzes par bskyed do/ /de nas de dag la mchod pa lnga lnga dbul lo/ /de nas so so'i ye shes sems dpa' dzaHhUM baM hoHsa dgug gzhug byas la bum chu klu'i ngo bor zhu bas chu bdud rtsir dmigs la so so'i
36b2 yum gyi mgul nas 'khyud pa'i thugs ka'i yi ge phuHzhes 'od ldan pa la dmigs la snying po rgyas bsdus gang mos pa la brgya phrag gcig /klu'i snying po re re la khri phrag bzlas so/ /de nas mchod pa dang bstod pa re bya'o/ /de nas slob ma smyung bar gnas par byas la 'o
36b3 mas gdong bkrus la lag tu klu shing 'bras bu dang bcas pa thogs la dkyil 'khor du bcug la dam tshig dang sdom pa dpog /de nas bum chu bdud rtsi'i ngo bo dang ldan pas dbang bskur ro/ /de nas gtor ma btang / maN+Dal bsdu/ bkra shis gsol lo/ /klu brgyad
kyi dkyil 'khor du dbang bskur ba dug las rgyal ba zhes bya ba slob dpon mar me mdzad kyis mdzad pa rdzogs so/