| བོད་ཡིག |
33a5 /[ ]@##/ /dpal rdo rje rnam par 'joms pa la phyag 'tshal lo/ /rgyu skar nyi shu rtsa brgyad kyi dkyil 'khor du dbang bskur bar 'dod pa'i sgrub pa po dam tshig dang ldan
33a6 pas gnas khang yid dang mthun par me tog sil ma bkram la sa chog la sogs pa sngon du song bas rgyu skar rnams kyi dkyil 'khor bzhengs te dbus pad+ma 'dab brgyad la dkar po lte ba sngon po/mu khyud pad+ma'i phreng bas mdzes par bskor ba/ khyams dar dmar po la shar nas brtsams
33a7 nas sna tshogs yid du 'ong ba'i khang bu bdun bdun gyis bskor ba sgo bzhi mu khyud sna tshogs skar ma'i 'od 'khrug pa bri'o//de nas gtso bo'i mtshan ma dang / pad+ma rnams la gza' brgyad kyi mtshan ma dang / khang bu rnams su shar nas brtsams te / mdung dang / mda' bo che dang / 'khor
33b1 lo dang /gtun shing dang / phub dang / ral gri dang / rnga yab dang / me dang / chu dang / sa dang / rlung dang / rgyal mtshan dang / sbud pa dang / rdo rje dang / me long dang / bse kha sbyar dang / dngul gyi phreng ba dang / zhags pa dang / mda' dang / lcags kyu dang / sin d+hU ra'i sol ba
33b2 dang /seng ge dang / wa dang / byi la dang / glang po dang / bya rgod dang / ri skyegs dang / rma bya rnams bri bar bya'o/ /de nas bum pa nyi shu rtsa dgu la rgyan thams cad kyis brgyan pa/ so so'i mtshan ma dri sna tshogs pas btab la/ phyogs su gzhag go/ /phyogs mtshams rnams su
33b3 phur bus 'khor bar gzhag go//de dag gi bar bar du'ang tshon sna tshogs pa'i skud pas sbrel lo/ /bdug spos la sogs pa'i mchod pa'i yo byad ci 'byor pa bsham mo/ /de nas gza' dang rgyu skar gyi gtor ma dang / phyogs skyong rnams la gtor ma tshul bzhin du bsham mo/ /de nas
33b4 yan lag bdun pa sngon du song bas so so'i bum par sngags dang phyag rgyas bskyed do//shar gyi bum pa dang po nas brtsams te smin drug dkar po zhal gcig phyag stong dang ldan pa phyag g.yas na mdung bsnams pa/ zhal nas bdud rtsi'i rgyun 'bab pa/ khyi dkar po la zhon pa bskyed do/ /de bzhin
33b5 du gzhan 'dra ba la snar ma mdog ser ljang phyag na mda' bo che nya la zhon pa/mgo mdog dkar smug 'khor lo sre mo la zhon pa/ lag mdog dkar gtun shing bsnams pa glang la zhon pa/ nab so mdog dkar po phyag na phub ba lang la zhon pa/ rgyal mdog dkar ser phyag na ral gri khyung la
33b6 zhon pa /skag sngon po rnga yab bsnams pa rta la zhon pa bskyed do/ /lho phyogs su mchu mdog ser pa lag pa brgya stong grangs med pa rin po che'i rgyan rnams kyis brgyan pa/ phyag rnams na me bsnams pa bya la zhon ba bskyed do/ /gre mdog sngo skya phyag na chu/ glang po la zhon pa/ dbo mdog dmar skya
33b7 phyag rnams nas/stag la zhon pa/ me bzhi mdog dkar po phyag na rlung / rin po che sna bzhi'i khri la gnas pa/ nag pa mdog nag po phyag rnams na rgyal mtshan g.yag la zhon pa/ sa ri mdog ser po phyag na sbud pa/ gser gyi gdan la bzhugs pa/ sa ga mdog dud ka phyag rnams
34a1 rdo rje gdengs pa/sbrul la zhon pa bskyed do/ /nub tu gzi brjid chen mo mdog dmar phyag rnams me long / glog la zhon pa'o/ /snron mdog ser skya phyag rnams na bse kha sbyar/ dred la zhon pa/ snrubs sku mdog dmar ser phyag rnams na dngul gyi phreng ba/
34a2 rlung la zhon pa/ chu stod mdog sngon mo phyag rnams na zhags pa/ 'brug la zhon pa'o/ /chu smad mdog ljang sngon phyag rnams na ba dan bsnams pa/ ce spyang la zhon pa/ gro bzhin mdog smug po phyag rnams na lcags kyu bsnams pa/ seng ge la zhon pa'o/ /byi bzhin mdog dmar skya phyag
34a3 rnams na sin d+hU ra'i sol ba/wa la zhon pa/ byang du mon gru mdog ljang gu phyag rnams na seng ge dkar mo/ dom la zhon pa'o/ /mon dre mdog mthing ga phyag rnams na beng mo/ sprin la zhon pa'o/ /khrums stod mdog ljang ser phyag rnams la byi la khra mo bsnams pa/ ngang pa
34a4 la zhon pa'o//khrums smad mdog ljang sngon phyag na glang sngon po bsnams pa/ ra la zhon pa/ nam gru mdog mthing ga phyag rnams na bya rgod ser po/ bum pa la zhon pa'o/ /tha skar mdog ljang dmar phyag na ri skegs khra mo/ rnga mo la zhon pa'o/ /bra nye mdog dung ser rin po che'i rgyan
34a5 sna tshogs pas brgyan pa/phyag brgya stong na rma bya sngon po bsnams pa/ zhal gcig pa zhal nas bdud rtsi'i rgyun 'bab pa rus sbal zhon pa bskyed do/ /de dag kyang sa bon kun las byung ba 'od zer brgya stong dpag tu med pa 'phro ba bskyed do/ /sngags ni oM sa swA hA/ oM laM swA hA/ oM ta swA
34a6 hA/oM pha swA hA/ oM ke swA hA/ oM maM swA hA/ oM g+hu swA hA/ oM khaM swA hA/ oM nye swA hA/ oM si swA hA/ oM ye swA hA/ oM wu swA hA/ oM i swA hA/ oM gi swA hA/ oM ra swA hA/ oM ru swA hA/ oM b+ha swA hA/ oM te swA hA/ oM raM swA hA/ oM ri swA hA/ oM daM swA hA/ oM khri swA hA/ oM sma swA hA/ oM
34a7 laM swA hA/oM shaM swA hA/ oM d+ha swA hA/ oM na swA hA/ oM nya swA hA/ zhes go rims kyis so so'i ye shes sems dpa' rnams bstim la/ bum pa zhal gyi bdud rtsi chu bo'i rang bzhin du dmigs so/ /de nas mchod pa dang bstod pa'i bye brag ci rigs par byas la/ ji ltar 'dod pa'i don la
34b1 gsol ba btab/de nas slob ma gos gsar pa gyon la/ khrus nas bton la dkyil 'khor du gzhug pa dang / me tog phog pa'i las kyi lha ngo bstan pa dang / dbang bskur bar bya'o/ /de nas gtor ma'i cho ga rgyas par bya'o/ /gtor ma chu klung chen por bskyal lo/ /dkyil
34b2 'khor bsdu zhing slob ma bum pa'i chus khrus bya zhing bkra shis gsol ba dang /tshogs ji ltar rigs par bsag go/ /rgyu skar nyi shu rtsa brgyad kyi dbang bskur ba'i dkyil 'khor gyi cho ga rdo rje go cha ma zhes bya ba/ dpal mar me mdzad bzang pos mdzad pa rdzogs so//