CLOSE WINDOW

D2953
བོད་ཡིག

/[ ]@##/ /dpal rdo rje rnam par 'joms pa la phyag 'tshal lo/ /gza' chen po brgyad kyi dkyil 'khor du dbang bskur bar 'dod pa'i sgrub pa po dam tshig dang ldan pas gnas yid dang mthun par gza' chen po brgyad kyi dkyil 'khor bzhengs te sa'i cho ga la sogs pa sngon du song bas sa stegs gru bzhi pa la shin tu mnyam par bya ste/thig btab la tshon rtsi sna sogs pas dkyil 'khor le'u tse dgu pa la so so'i mdog dang mthun pa sgo bzhi dang bcas pa bri bar bya'o//de nas bum pa dgu la so so'i mtshan ma btab la gnas su gzhag par bya'o/ /grwa rnams su phur bu dang rdo rje skud pas sbrel la mkhas pas gzugs so/ /de ltar byas pa so so'i gnas su mtshan ma bris te/ ngos bzhir rdo rje dang rin po che dang / pad+ma dang /rgya gram bri'o/ /dbus su rnam 'joms/ shar du pa ba sangs/ nub tu zla ba'i mtshan ma/ lhor phur bu/ byang du lhag pa/ shar lhor mig dmar/ lho nub tu sgra gcan 'dzin/ nub byang du nyi ma/ byang shar du spen pa'i mtshan ma bri'o/ /sgo rnams su lcags kyu zhags pa lcags sgrog dril bu bri'o//de nas so so'i sngags dang phyag rgyas spyan drangs te/ lag pa gnyis 'khor lo ltar byas la/ oM na maH tsaN+Da badzra pA Na ye hUM zhes brjod pas/ dbus su rnam 'joms sku mdog dkar po g.yas 'khor lo g.yon bum pa 'dzin pa/ rgyan thams cad kyis brgyan pa bskyed do//lag pa g.yas pa bkan la pad+ma'i tshul du bstan la/ na mo ra ti bi ya sarba swa ta lha ta ka ra hi hi ka swA hA zhes brjod pas/ shar gyi bum pa la pa ba sangs mdog dmar po rgyan thams cad kyis brgyan pa bskyed do/ /lag pa g.yon pa khu tshur bcangs la mthe bong dang mdzub mo sbyar te zla gam gyi tshul du bstan la/na maHtsan+d+rA ya shi ta ha pra b+ha ba ma li ni swA hA zhes brjod pas/ nub tu zla ba mdog dkar po ngang pa la zhon pa lag pa na pad+ma thogs pa drung na bud med rnga yab thogs pa bskyed do/ /lag pa g.yon ba'i khu tshur bcangs la/ lag pa g.yas pa dam pa sbyin pa'i tshul du byas la/na mo de ba gu ru b+ha ki sha ya sa ra sa t+ye na ha ga ri ri swA hA zhes brjod pas/ lhor phur bu sku mdog dkar po zla ba'i steng na 'dug pa dar ser po'i stod g.yogs gyon pa/ lag pa g.yon pa na glegs bam thogs pa/ g.yas chos ston pa 'dra ba bskyed do/ /lag pa gnyis khu tshur bcangs pa brang du bzhag la/na mo yu bA rA dzA ya sarba satwa pa tsa la ya swA hA zhes brjod pas/ byang du gza' lag pa mdog ser po rgyan thams cad kyis brgyan pa/ g.yon ut+pal/ g.yas dam pa sbyin pa/ pad+ma'i gdan la 'dug par bskyed do/ /g.yas pa khu tshur bcangs la mdzub mo dang gung mo mtshan ma'i tshul du byas la/na mo b+hu su ta rak+ta ma bya sri ya ga rta a pa ra na ya swA hA/ zhes brjod pas/ shar lhor mig dmar mdog dkar po rgyan thams cad kyis brgyan pa/ g.yas ral gri g.yon chad gri thogs pa bskyed do/ /lag pa g.yon bkan la snod kyi tshul du bstan la/na mo b+hi sha ma ge'u smra shi dza li ta a tsa sha swA hA zhes brjod pas/ lho nub tu sgra gcan mdog dud ka mi'i mgo la ro smad sbrul du 'khyil pa lus mig gis khengs pa/ g.yas mda' gzhu g.yon rin po che'i snod 'dzin pa bskyed do/ /lag pa gnyis khu tshur bcangs la/mthe bong gnyis dang mthe'u chung gnyis brkyang ste / nam mkha'i tshul du bya ste/ oM ma ka sho pa ya swA hA zhes brjod pas/ nub byang du nyi ma mdog dmar po rta la zhon pa lag pa gnyis pad+ma thogs pa bskyed do/ /g.yas thal mo'i tshul du byas la na mo b+ha hing ga ma ma hA yA na ka sa swA hA zhes brjod pas/byang shar du spen pa mdog nag po gos dmar po gyon pa g.yas ral gri g.yon zhags pa thogs pa bskyed do/ /sgo rnams su gzhan dang mthun pa'i sgom bskyed do/ /khyams rnams su rgyu skar rnams bskyed/ de dag la dzaHhUM baM hoHye shes sems dpa' dgug pa dang gzhug pa dang bcing ba dang gnyis su med par bstim par byas la/ye shes sems dpa'i dkyil 'khor zla ba'i dkyil 'khor la dmigs te bsnyen pa bskyar ba ni/ oM shu swA hA/ oM so swA hA/ oM br-i swA hA/ oM bu swA hA/ oM aM swA hA/ oM ra swA hA/ oM a swA hA/ oM sa swA hA/ de dag re re la brgya rtsa brgyad bzlas la/ de nas mchod pa dang bstod pa bya ste/ gza' brgyad rgyu skar dang bcas pa'i gtor ma la yang bstod do/ /de nas mchog gi bzlas pa brtsam par bya'o/ /so so'i bzlas pa bum pa la dmigs te/ oM ma hA kA le be+e ga ra Na a dzi te/dz+wa la dz+wa la/ ti Ti ti Ti ting ga le da ha da ha te dzo ba ti/ ti li ti li hUM phaT swA hA zhes pa re re la stong phrag re re bzlas so/ /gtso bo ni so so'i las dang sbyor/ las su byed na gong ma'i so so'i snying po la khri phrag re bskyal la yang sbyar ro/ /dbang bskur na tha ma rnams kyis bya'o//brgya brgya'i bar du gza' rnams la pU dza bya'o/ /dkar gsum mngar gsum gyis gza' rnams mnyes par bya'o/ /de nas slob ma rnams khrus byas te/ gos gsar pa gyon la bskyed pa la sogs pa sngon du byas/ dkyil 'khor du bcug ste me tog dor ba la sogs pa dang /dbang bskur bar bya'o/ /de nas khrus byas la gza' chen po brgyad kyi ba liM gtang ngo / /de'i 'og tu phyogs skyong dang bgegs kyi gtor ma sgra sna tshogs pa dang ldan pas btang la/ dkyil 'khor bsdu ba dang bkra shis gsol ba la sogs pa bya'o/ /gza' chen po brgyad kyi dkyil 'khor du dbang bskur ba'i cho ga nyi ma bcud len bya ba dpal mar me mdzad kyis mdzad pa rdzogs so/