30b2 dbang bskur ba ltar dbang bskur ro/ /gtor ma gtong ba la sogs pa spyir 'dra'o/ /rgyal po chen po bzhi'i dkyil 'khor du dbang bskur ba dpal mar me mdzad kyis mdzad pa rdzogs so//[ ]@##/ /dpal rdo rje rnam par 'joms pa
30b3 la phyag 'tshal lo//phyogs skyong ba bcu'i dkyil 'khor du dbang bskur bar 'dod pa'i sgrub pa po dam tshig dang ldan pas gnas khang yid dang mthun par phyogs skyong ba rnams kyi dkyil 'khor bzhengs te/ sa'i cho ga la sogs pa dbang bskur ba bzhin byas la/ dkyil 'khor
30b4 gru gsum shin tu mnyam zhing legs par byas la thig btab ste/dbus su gru bzhi pa dmar por bya'o/ /de'i phyi rol du snam bu gru bzhi pa rin po che'i khang bu bcu dang bcas pa bri'o/ /sgo ni rigs dang mthun par bris la bum pa bcu gcig rgyan rnams kyis brgyan la/ lha so
30b5 so'i gnas su bzhag ste/bcu po'i mgul bar dar sna tshogs pas sprel rma bya dang me long gis bri'o/ /gtso bo'i bum pa la gzungs thag bzhi btags la/ dkyil 'khor gyi sgo bzhi rdo rje bzhi la brtod la bzhag go/ /dkyil 'khor gyi mtha' rnams su hom bcu brtsigs la
30b6 bgegs rnams kyi ming byang dang bcas pa bya ste ci rigs pa'i sbyin sreg bya'o//mchod pa'i bye brag ci 'byor pa dang / rab tu gtsang ma'i ba liM chen po bcu gcig gis dkyil 'khor gyi mtha' ma bskor la bzhag go/ /gtor ma de dag re re la lha bshos dang mar me dang spos dang shog shog gi
30b7 gdugs re dang /dar dmar po'i ba dan dang / rma bya'i rgyal mtshan dang / seng ge re gzugs so/ /zhi ba dang rgyas pa dang dbang dang drag shul gyi snying po ji ltar rigs pas mtha' brten par bya ste/ de nas bgegs bsal ba la sogs pa'i cho ga rdzogs par byas la dbus su rdo rje
31a1 rnam 'joms sku mdog dmar por bsgyur la bya'o//de yang dam tshig gi phyag rgya dang sngags kyis spyan drang ngo / /de nas phyogs skyong ba'i so so'i phyag rgyas so so'i bum par spyan drangs te go rims kyis snying po brgya rtsa brgyad bzlas so/ /oM i swA hA/ oM a
31a2 swA hA/oM ya swA hA/ oM ri swA hA/ oM yaM swA hA/ oM b+hu swA hA/ oM iM swA hA/ oM a swA hA/ de dag gi mtha' yang dza dang hUM dang phaT dang ste/ sde bzhi zhi rgyas kyis dbye'o/ /de ltar so so'i bum pa'i nang du pad+ma dang zla ba'i steng du brgya byin ser po lag na rdo rje thogs pa btsun mo dang lhan cig
31a3 tu glang po cha zhon pa bskyed do//me lha ni drang srong gi cha lugs dang dbyu gu dang / ril ba spyi blugs dang / bgrang phreng dang blugs gzar thogs pa mdog dmar po ral zhon pa bskyed do/ /gshin rje mdog nag po rgyan thams cad kyis brgyan pa be con thogs pa ma he la zhon pa bskyed do/ /
31a4 lho nub kyi bum par bden bral mdog dmar po mche ba gtsigs pa/ lag na ral gri thogs pa mi la zhon pa bskyed do/ /nub tu chu lha mdog dkar po rgyan thams cad kyis brgyan pa/ pad+ma dang zhags pa thogs pa bum pa sngon po'i steng na 'dug pa bskyed do/ /nub byang du rlung lha mdog dud
31a5 ka bsil yab thogs pa 'khor lo la zhon pa bskyed do//byang du ku be ra mdog sna tshogs pa dbyug to thogs ba rta la zhon pa bskyed do/ /byang shar du dbang ldan mdog dkar po la mgrin pa sngo ba glang mchog sngon po la zhon pa lag pa bzhi la sbrul se ral khar thogs pa gcig gis ral gri
31a6 gcig na mdung rtse gsum pa/g.yas yum dka' thub zlog ma la 'khyud pa lag pa gcig gis dam pa sbyin pa bskyed do/ /steng du zla ba ni mdog dkar po pad+ma thogs pa bskyed do/ / ngang pa la zhon pa mdun du bud med rnga ma'i bsil yab thogs pa bskyed do/ /de nyid kyi bum par nyi ma
31a7 mdog dmar bar bskyed do//lag pa na pad+ma thogs pa bskyed do/ /yang dbang ldan gyi 'og ste 'og gi phyogs su sa'i lha mo lte ba man chad dmar mo yan chad gser las grub pa/ rin po che sna tshogs pas brgyan pa lag na rin po che'i gter gyi bum pa thogs pa/ sbrul la zhon pa bskyed do/ /
31b1 de ltar bskyed la a las byung ba'i ye shes sems dpa' spyan drangs te/ so so'i snying po thugs ka'i zla ba'i dkyil 'khor gyi steng du bzhugs pa de / de kun gyi snying ga nas so so'i sngags kyi phreng ba la dmigs la/ bzlas pa brtsam par bya'o/ /na maHtsaN+Da badzra kro d+hA ya/ hu lu hu lu/
31b2 tiSh+Tha tiSh+Tha/ ban+d+ha ban+d+ha/ ha na ha na/ a mr-i te hUM phaT/ be ga ra Na / a dzi te/ dz+wa la dz+wa la/ ti Ti ti Ti/ ting+ga le/ da ha da ha/ te dzo ba ti/ ti li ti li ban+d+ha ban+d+ha swA hA zhes bum pa re re la brgya rtsa brgyad bzlas te/ mchod pa dang / phyogs skyong dang gtso bo la bstod pa la sogs pa ci rigs par byas la rol mo
31b3 dang /sil snyan rnams kyis rab tu mnyes par bya zhing spos dang 'o ma la sogs pas mchod pa'am sbyin sreg bya'o/ /de nas slob ma las thams cad pa'i bum pas khrus chu nas bton nas gos gsar pa gyon te maN+Dal dbul ba la sogs pa bya ste/ dkyil 'khor du 'jug pa dang /
31b4 me tog gtor ba dang / gang la phog pa'i sku mdog dang phyag mtshan bstan cing / de nyid kyi snying po brgya rtsa brgyad zlos su gzhug go/ /de nas sgra rnam pa sna tshogs dang bcas pas dbang bskur bar bya'o/ /dbang bskur ba bzhin du cho ga'i lhag ma ma lus par bya'o/ /de nas yang mchod
31b5 yon la sogs pa phul nas gtor ma'i cho ga rgyas par bya'o//de nas byin gyis brlab pa yang tshul bzhin du byas la gtor ma de dag la dar sna tshogs dang gdugs dang bcas pas snang gsal spang ste ri mthon po'am nags tshal stug por bskyal lo/ /dung la sogs pa'i sgra sna
31b6 tshogs pa dang ldan pa dang /sgrub pa po rnams kyang rgyan sna tshogs pas brgyan pa la/ lag pa dang rkang pa'i gar dang ldan pas nyi ma rtse shar la bskyal/ nang du log la bgegs mnan pa'i cho ga bya/ de nas bkra shis gsol/ dkyil 'khor bsdu/ bla ma la yon dbul lo/ /bsod
31b7 nams rdzogs pa'i don du ston mo bya/cho ga'i lhag chad kha bskang ba'i don du yi ge brgya pa bzlas/ lha rnams slob ma dang gnyis su med par bstim/ snying pad+ma 'dab ma brgyad pa'i nang du bzhugs par bya'o/ /slob mas bla ma la yon phul la dga' ba dang yi rang bar bya'o/ /phyogs
skyong ba bcu'i dkyil 'khor du dbang bskur ba'i cho ga dpal mar me mdzad kyis mdzad pa rdzogs so/