29a2 /[ ]@##/ /dpal rdo rje rnam par 'joms pa la phyag 'tshal lo/ /sgo ma bzhi'i dkyil 'khor du dbang bskur bar 'dod pa'i sgrub pa po dam tshig dang ldan pas/ gnas yid dang mthun par sa'i cho ga la sogs pa sngon du song bas sgo ma bzhi'i dkyil 'khor
29a3 bzhengs te/sa stegs dkyil 'khor gru gsum mnyam zhing chags kyis 'thas par byas te thig btab la tshon bkye ste/ dbus pad+ma 'dab ma bzhi pa ste lte ba ljang gu pad+ma rigs kyi mdog lte ba'i mu khyud nag po rdo rje ra ba dkar pos bskor ba/ gong ras dmar po mu khyud ser po sna tshogs
29a4 pad+mas mtshan pa/sgo bzhi rta babs su yod pa bris la/ mtshan nyid dang ldan pa'i bum pa lnga la rgyan thams cad kyis brgyan pa/ lha so so'i mtshan ma btab la so so'i gnas su bzhag /sgo bzhir phur bu bzhi la dar le brgan gyi con pan btags la gzugs/ de yang ras kyi skud pa la
29a5 rma bya'i mdongs kyis sbrel lo//pU dza'i bye brag lnga lnga bsham/ phyogs skyong ba'i gtor ma'i tshogs legs par bshams la/ de nas dbus kyi bum pa la rdo rje rnam par 'joms pa sku mdog ljang gu rgyan thams cad kyis brgyan pa/ de nyid kyi sngags dang phyag rgyas spyan drangs la bzhugs su
29a6 gsol ba dang /de nas lcags kyu dang zhags pa dang lcags sgrog dang dril bu'i phyag rgya bcings la/ oM badzra saM ku sha swA hA/ oM badzra pA sha swA hA/ oM badzra sboT swA hA/ oM badzra g+haN+Di swA hA zhes so so'i bum pa la dmigs te/ lan nyi shu rtsa gcig tu brjod pas shar phyogs kyi bum par pad+ma dang
29a7 zla ba'i steng du/dzaHlas lha mo mdog dkar mo'i lag na lcags kyu thogs pa zhal bag tsam khro ba rgyan thams cad kyis brgyan pa/ skra ser po gyen la brdzes pa/ spyan dmar po bskyed do/ /lhor hUM las lha mo ser mo rgyan sna tshogs pas brgyan pa/ phyag na rdo rje zhags pa rtse gsum pas
29b1 mtshan pa thogs pa thod pas brgyan pa bskyed do//nub tu baM las lha mo dmar mo phyag na lcags sgrog nyi zlas mtshan pa bskyed do/ /byang du hoHlas lha mo ljang ser lag na dril bu dkrol ba bskyed la/ de dag gi snyeng gar zla ba'i dkyil 'khor gyi steng du so so'i ye shes sems dpa'
29b2 spyan drangs la/ye shes sems dpa'i snying gar so so'i sa bon la so so'i sngags kyi phreng bas bskor ba'i sngags kyi rang sgra la dmigs te/ bdag nyid kyis khrus byas la bzlas pa bya'o/ /oM dza ye swA hA/ oM bi dza ye swA hA/ oM a dzi te swA hA/ oM dzA la swA hA zhes so so'i bum pa la
29b3 dmigs te/khri phrag re bzlas te stong gis mchod pa 'bul/ spyan drang ba dang bzhugs su gsol ba dang / phyag btsal ba dang bstod pa re bya/ de ltar bzlas pa byas la lha so so 'od du zhu chu bdud rtsir gyur pa las lha mo grangs med pa 'phros pa las/ phyi nang gi dbang bdag la bskur
29b4 bar dmigs la/de nas slob ma bskyed pa la sogs pa byas la dkyil 'khor du gzhug pa dbang bskur bar bya'o/ /de nas ba liM gtang / bkra shis gsol/ dkyil 'khor bsdu/ slob mas bla ma la yon dbul/ sgom bzhi'i dkyil 'khor du dbang bskur ba'i cho ga /rin po
che dri ma med pa zhes bya ba dpal mar me mdzad kyis mdzad pa rdzogs so/