CLOSE WINDOW

D2949
བོད་ཡིག

/yab yum gnyis pa'i dkyil 'khor du dbang bskur ba bde sbyin dam pa zhes bya ba dpal mar me mdzad kyis mdzad pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /rigs kyi khro bo bzhi'i dkyil 'khor du dbang bskur bar 'dod pa'i gang zag sgrub pa po dam tshig dang ldan pas gnas khang yid dang mthun par rigs kyi khro bo bzhi'i nga rgyal dang ldan pas sa'i cho ga la sogs pa sngon du song bas dkyil 'khor gru gsum pa rab tu mnyam pa la/thig dang tshon kyis lugs bzhin byas la/ dbus su gru gsum nag po la zla gam dmar po mu khyud ljang gus bskor ba 'khor lo rtsibs bzhi pa ser po rtsibs mchan dmar po mu khyud dkar po sna tshogs rdo rje'i ra bas bskor ba/sgo bzhi rigs dang mthun pa khyams dang 'dod yon gyis mdzes par byas la mu khyud dang me ri dang thod skam dang / rdo rje'i ra bas mdzes par byas pa bris la/ lha so so'i mtshan ma gdab bo/ /de nas bum pa mtshan nyid dang ldan pa lnga la las thams cad pa'i sngags kyi phyag rgyas bsangs la/ gtso bo dang khro bo bzhi'i mtshan mas btab la/ lha so so'i gnas su bzhag go/ /shing gdug pa can las byas pa'i phur bu bzhi la dar mthing nag gi cod pan gdags/oM trA sa ya trA sa ya badzra kI li kI lA ya swA hA/ zhes shar sgor bcugs la rdo rje rigs kyi las thams cad pa'i khro bor bskyed do/ /oM ts+tshin+d+ha ts+tshir n+d+ha ma hA kI li kI lA ya swA hA/ zhes pas phur bu gcig lho sgor btsugs la rin po che'i rigs kyi las thams cad pa'i khro bor bskyed do//oM tsu ru tsu ru tsaN+Da li kI li kI lA ya swA hA/ zhes pas pad+ma'i rigs kyi las thams cad pa'i khro bor bskyed la nub sgor gzugs so/ /oM b+han+d+ha b+han+d+ha kro d+ha kI li kI lA ya swA hA/ byang sgor btsugs la las kyi rigs thams cad pa'i khro bor bskyed do/ / dkyil 'khor gyi grwa bzhi la gtor ma sha sna tshogs pa dang ldan pa bzhi bzhag /gzhan yang mchod pa'i bye brag ji ltar 'byor pa bsham/ phyogs skyong ba dang bgegs la sogs pa'i gtor ma btang zhing bar chad bsal ba'i sbyor ba bya'o/ /de nas sngags pa bdag nyid kyis bdud rtsi 'khyil pa'i sngags kyis dkyil 'khor bsangs te/lag pa rdo rje rtse gsum pa ltar bya ste/ g.yon 'khor lo'i snod thugs kar 'dzin par byas la shar gyi bum pa la dmigs te/ oM trA sa ya trA sa ya badzra kI li kI lA ya swA hA/ zhes brgya rtsa brgyad brjod pas/ khro bo badzra kI li kI lA ya mthing nag zhal gcig phyag gnyis pa/g.yas pas rdo rje rtse gsum pa gdengs pa 'phyar ba/ g.yon pas 'khor los mtshan pa'i thod pa thugs kar 'dzin pa/ ral pa kham nag gyen du 'khyil ba/ thod pa dang sbrul gyis brgyan pa/ rigs lngas dbu brgyan pa/ spyan gsum pa zhal bgrad pa zhing chen gyi yol bas bskor ba la dar nag gi 'phur lces brgyan pa/stag dang gzig dang / gcan gzan sna tshogs pas sku smad brgyan pa bum par bskyed do/ /lho phyogs kyi bum pa la dmigs te/ oM ts+tshin+d+ha ts+tshin+d+ha ma hA kI lI kI lA ya swA hA zhes brgya rtsa brgyad brjod pas kI la ya ser nag zhal gcig phyag gnyis pa g.yas rin po che'i snye ma 'dzin pa/g.yon phur bu thugs kar 'dril ba/ rgyan thams cad kyis brgyan pa snga ma bzhin du bskyed do/ /nub kyi bum pa la dmigs la g.yas pa sdong po ltar byas la/ g.yon phur pa ltar byas la/ oM tsu ru tsu ru tsaN+Da li kI li kI lA ya swA hA/zhes brgya rtsa brgyad brjod pas dmar po kI li kI lA ya dmar nag zhal gcig phyag gnyis pa g.yas me 'bar ba/ g.yon phur bu thugs kar 'dril ba/ rgyan thams cad kyis brgyan pa snga ma bzhin du bskyed do/ /byang du g.yas na rin po che'i dbyug to 'phyar ba ltar byas la/ g.yon phur pa ltar byas la/oM ban+d+ha ban+d+ha kro d+ha kI li kI lA ya swA hA zhes brgya rtsa brgyad brjod pas gtum po kI la ya mdog ljang nag g.yas rin po che'i dbyug to thod pas mtshan pa 'dzin pa/ g.yon phur bu thugs kar 'dzin pa snga ma dang 'dra bar bskyed do/ /dbus su rdo rje rnam par 'joms pa sku mdog mthing nag zhal gcig phyag gnyis pa g.yas 'khor lo g.yon phur pa bsnams pa/rgyan thams cad kyis brgyan pa/ oM na mash+tsaN+Da badzra krod+hA ya swA hA bskyed do/ /de nas lha so so'i sems dpa' spyan drangs te/ gnyis su med par bstims la ye shes sems dpa'i thugs kar zla ba'i dkyil 'khor gyi steng du rdo rje kha gyes pa'i bum par hUM/de la so so'i sngags kyis bskor ba'i rang sgra la dmigs la/ bzlas pa brtsam par bya'o/ /oM na mash+tsaN+Da badzra kro d+hA ya hu lu hu lu/ tiSh+Tha tiSh+Tha bad+d+hA ban+d+ha/ ha na ha na a mr-i te hUM phaT ces bum pa re re la stong phrag gsum bzlas te/ brgya brgya'i bar du pU dza dbul go//de ltar rdzogs nas slob ma la las kyi bum pa'i khrus nas gtor la/ gos gsar pa gon la phreng ba dang me tog bzung la dkyil 'khor du gzhug pa dang / me tog gang la phog pa'i lha ngos bstan pa dang / dbang bskur bar bya'o/ /de nas gtor ma sil snyan sna tshogs pa dang bcas pas nags tshal kyi gling du bskyal lo//de nas slob ma'i don du drag shul spyod pa'i sbyin sreg lan bdun bya'o/ /de nas dkyil 'khor bsdu/ bkra shis gsol/ sbyin sreg thal ba mnan las byas la sbyar/ bla ma la yon dbul tshogs ji ltar rigs pa bsags/ bzlas pa ji ltar bya ba'i lung bstan pa bzlas pa la dus thams cad du brtson par bya/ srung ba'i 'khor lo yang mgul du gdags so/ /bdud rtsi thab sbyor zhes bya ba khro bo bzhi'i dkyil 'khor du dbang bskur ba'i cho ga zab mo dpal mar me mdzad bzang pos mdzad pa rdzogs so/