26b1 /[ ]@##/ /dpal rdo rje rnam par 'joms pa la phyag 'tshal lo/ /'phags pa rdo rje rnam par 'joms pa'i dpa' bo gcig pa'i dkyil 'khor du dbang bskur bar 'dod pa'i sgrub pa po dam tshig dang ldan pas sa'i cho ga la sogs pa
26b2 sngon du song bas/sa stegs gru gsum me long gi ngos ltar byas la/ thig gdab ste dbus lte ba mu khyud kyis bskor la lte ba ljang gu mu khyud dmar po sna tshogs pad+mas bskor/ gru chad ljang gu bar khyams gnyis pa dkar ser sgo dang sgo khyud du bcas pa bris la/ mtshan nyid dang ldan
26b3 pa'i bum pa la gi wang gis mtshan ma rdo rje rgya gram phyogs gcig med pa btab la las thams cad pa'i bum pa la sku dkar gyis sna tshogs rdo rje bris la byang du bzhag /pU dza ji ltar 'byor pa dang ba liM bsham/ lag pa gnyis rdo rje bcings la mthe bong bsgrengs la srin lag sbyar te mdzub mo
26b4 phyis nas/nas gang gis reg pa byas la mthe'u chung blang la/ oM badzra dz+wa lA na ya hUM phaT/ ces pa brgya rtsa brgyad bzlas pa'i bum pa'i nang du baM dang maM las pad+ma nyi ma brtsegs pa'i steng du hUM las rdo rje rnam par 'joms pa sku mdog ljang ser phyag gnyis kyis gser gyi bum pa rdo rje rgya gram
26b5 phyogs gcig med pas kha bcad pa/thugs kar 'dzin pa/ sku la rin po che'i rgyan sna tshogs pas brgyan pa/ dbu la rigs lnga'i sangs rgyas kyis brgyan pa/ zhal yid tsam khro ba yan lag sbrul rigs bzhis brgyan pa bskyed do/ /de'i thugs ka'i hUM las 'od 'phros pas don gnyis
26b6 byas nas/oM badzra dz+nyA na hUM swA hA/ hUM zhes brjod pas ye shes sems dpa' 'dra ba zla ba'i gdan la bskyed la de nyid la mchod pa dang gtor ma bya'o/ /de'i thugs ka'i hUM la dmigs te/ bdag nyid khrus bya ba dang / gos brje ba la sogs pa bya ste/ snying po brgya rtsa brgyad/ bsdus pa la stong phrag
26b7 gcig /shin tu bsdus pa la stong phrag bzlas te/ slob ma la srung skud gdags pa dang / dam tshig dang sdom pa 'bogs pa la sogs pa bya ste/ dkyil 'khor du gzhug /gzungs nyi shu rtsa gcig bklag tu gzhug /de nas lha ngo bstan/ dbugs dbyung / gzengs bstod/ dbang bskur/ lag
27a1 tu rdo rje dang dril bu'i sgras dkyil 'khor bskor/dbang rdzogs par byin la gos brje / zas kyi rnal 'byor bya'o/ /de yang mchod pa dbul ba dang / gtor ma btang / dkyil 'khor bsdu/ bkra shis gsol/ slob ma la chos bshad/ slob mas bla ma la yon dbul/