CLOSE WINDOW

D2942
བོད་ཡིག

/tra ta ya yi sngags sogs kyis/ /phrin las drag po'i las mthar phyin/ /khro rgyal rdo rje rnam 'joms mthus/ /drag po'i bum chu 'di yis ni/ /dri ma thams cad dag gyur cig /phrin las drag po mthar phyin shog /[ ]@##/ /rgya gar skad du/ badzra bi dA ra Na maN+Dal bi d+hi nA ma/ bod skad du/ rdo rje rnam par 'joms pa'i dkyil 'khor gyi cho ga zhes bya ba/ dpal rdo rje rnam par 'joms pa la phyag 'tshal lo/ /sdug bsngal la sogs dag par mdzad pa ste/ /rnam par 'joms pa khro bo rnams kyi rje btsun nyid/ /dpal ldan yid khros log lta gcod pa'i dpal//rdo rje bsnams pa las 'joms 'jigs byed pa'i/ /le'u'i grangs la nges pa'i snying po ste/ /brgya rtsa brgyad kyi rtsa bar 'di gsungs thog ma'o/ /de nyid dkyil 'khor cho ga las kyi rim pa nyid/ /'di nyid du ni rnam par bshad par bya'o/ / sa yi cho ga go rims ltar/ /gzhan gyi las kyi rim par dbye/ /sa stegs 'dom gang gru bzhi la/ /phyogs mtshams ma nor legs par mnyam/ /'khrul ba med pa'i blo yis bya/ /dpangs su chag gang brtsig par bya/ /srad bu mnyam ldan sum sgril la/ /byin gyis brlabs te g.yas nas gdab//cha chen cha bran mkhas pas dbye/ /tshon sna lnga yi phye ma la/ byin gyis brlabs la legs par dgod/ /dang po pad+ma 'dab brgyad la/ /gnyis pa'i cha la 'khor lo brgyad/ /mu khyud rdo rje'i ra ba dang / /gru chad snam bu gnyis pa dang / /sgo dang sgo khyud ldan par bri//de nyid kha dog nges par ni/ /pad+ma dkar po 'khor lo dmar/ /mu khyud bzhi pa dkar po la/ /rdo rje rnams ni lcags dang mtshungs/ /gru chad gnyis ni ljang gu la/ /snam bu dang po ser po ste/ /de bzhin gnyis pa dkar po che/ /sgo bzhi so so'i rigs dang sbyar/ /lha rnams so so'i phyag mtshan ni//so so'i gnas su dgod par bya/ /de nas slob ma dbang bskur ba'i/ /dgos pa dag ni tshang ba la/ /dkyil 'khor grub pa'i rdzas nyid ni/ /seng ldeng phur ba sor brgyad pa/ /bzhi pa phyogs kyi bzlas pa bya/ /dkyil 'khor gyi ni ngos bzhir gdab/ / tshon sna lnga yi skud pas sbrel/ /gser dngul zangs lcags bum pa nyid/ /tshad dang ldan pa dag pa la/ /gtsang ma'i gos kyis dkris shing dgang / /'bras bu 'dab mar ldan pa yi/ /kha rgyan ldan pa lnga nyid la/ /so so'i mtshan ma btab la gzhag /las kyi bum pa sna tshogs pa'i//rdo rje rgya gram de bzhin no/ /sgrub po bdag nyid mdun du yang / /mchod pa'i yo byad ci 'byor bsham/ /nya dang bu ram sran chung 'bras/ /khre dang tshe la sogs pa yi/ /gtor ma gsum ni g.yas na gzhag /de nas phyi nang khrus byas te/ /gtsang ma'i gos ni rab gon la/ / dri zhim zas ni mur bzhin du/ /sems bskyed pas ni gzhan don mchog /bdun po yongs su dag par bya'o/ /de nas srung ba'i 'khor lo nyid/ /ji ltar dmigs pa mkhas pas sgom/ /dri chab byin gyis brlabs la gzhag /hUM hUM zhes pas rngam pa dang / /oM badzra rak+Sha rak+Sha hUM hUM zhes pas/g.yas brkyang ba yi gar gyis ni/ /g.yon brkyang stabs kyis g.yon nas bskor/ /bgegs rnams bskrad pa'i sbyor ba bya/ /phyogs bcur khro bo ti ra yi/ /nga rgyal ldan pas bsrung dang bcings/ /mtshams la sogs pa mkhas pas bshad/ /de nas lha rnams bskyed pa ni//dkyil 'khor dbus kyi lte ba'i steng / /hUM yig sngon po'i 'phro 'du las/ /mchod dang don gnyis rdzogs par byas/ /'dus pas gtso bo'i phyag mtshan ni/ /sna tshogs rdo rje ngos gcig med/ /dbus su rnam par bsam par bya/ /de rjes sngags 'di rnam par brjod//na mo rat+na tra yA ya/ na maHsarba ta thA ga ta/ b+ha ku la bi sho d+ha nA ya swA hA/ zhes pa lan gsum brjod pa yis/ /rnam 'joms nyid kyi sku ru 'gyur/ /de nyid dam tshig phyag rgya ni/ /lag gnyis rdo rje bcings pa las/ /gung mo gnyis ni gshibs nas bsgreng / /gshin rje gshed kyi phyag rgya ste//gsang sngags 'di ni legs par ni/ /byang shar mtshams su gshin rje'o/ /oM ya mAn+ta kA ya swA hA/ yang snying lag gnyis sor mo dgod/ /snying gar rtse mo sprad pa yang / /oM a nan+te swA hA/ zhes pas shar du mtha' yas bskyed/ /g.yon pa khu tshur dkur brten pa//g.yas pa nu ma'i thad kar bzung / /oM a mr-i te ba re hUM/ zhes pas shar lhor bdud rtsi 'khyil pa bskyed/ /lag gnyis khu tshur bcangs pa las/ /g.yon pa'i mthe bong sbrel byas la/ /oM sum+b+ha ni ki ra ban+d+ha ri swA hA/ zhes pas lho ru gnod mdzes bskyed/ /lag gnyis khu tshur bcangs pa las//mdzub mo gnyis kyis srin lag mnan/ /gung mo sor mo mthe'u chung bsgreng / /oM b+hi na ste badzra kro d+ha na kro d+ha swA hA/ zhes pas lho nub sngon mthong bskyed/ /snga ma'i phyag rgya lta bu la/ oM h+ya gr-I ba swA hA/ zhes pas nub tu rta mgrin bskyed/ /g.yon pa'i khu tshur bcangs pa las//g.yas pa'i khu tshur gnyis bsgrengs la/ /oM a pa ra dzi ta sa ta swA hA/ zhes pas nub byang gzhan gyis mi thub bskyed/ /lag gnyis khu tshur bcangs pa las/ /mthe bong mthe'u chung gung mo ni/ /gshibs te so sor bsgreng byas la/ /oM badzra pA Ni bAn pa ti swA hA/zhes byas byang du gtum po'o/ /de nas so so'i phyag rgya bskyed/ /g.yon pa'i khu tshur bcangs pa dang / /g.yas pa bcangs te spyi bor gzhag /lag gnyis khu tshur snying gar brtsegs/ /g.yas pa'i mthe'u chung g.yon pas bcangs/ /lag gnyis brdebs pa'i tshul du bya//de ltar rim pa nges pa yis/ /gru chad la ni go rims bzhin/ /sngags 'dis rgyal chen bzhi rim par gsal bar bskyed par bya'o/ /oM D+h+r-i ta rASh+TA ya swA hA/ oM bi rU D+ha kA ya swA hA/ oM bi rU pak+Sha ye swA hA/ oM bai shra ba NA ya swA hA/ zhes pa rgyal po bzhi ru bskyed//de yi phyi rim snam bu la/ /bkra shis lha mo brgyad po'o/ /de yi phyi rim snam bu la/ /phyogs skyong ba ni de bzhin no/ /sgo bzhir sgo ma gzhan dang mthun/ /de dag sku mdog phyag mtshan ni/ /gtso bo'i sku mdog ljang ser la/ /g.yas pa rgya gram phyogs de ni/ /thugs kar bzung ste g.yon pa yang //bum pa dku la brten pa'o/ /yang na phyag gnyis bum pa ni/ /sna tshogs rdo rjes kha bcad la/ /phyag gnyis bzung ste thugs kar 'dzin/ /mtha' yas zhal gsum sku mdog mthing / /phyag drug nges med mtshon cha la/ /g.yon gyi 'og mas rtse dgu ni//thugs kar 'dzin la nges pa'o/ /bdud rtsi 'khyil ba sku mdog dmar/ /zhal dang phyag gnyis sngar 'dra la/ /'og mas rdo rje rgya gram 'dzin/ /gnod mdzes mdog ser sngar bzhin la/ /'og mas tho ba thugs kar 'dzin/ /mi g.yo ba ni ljang gu la/ /rdo rje dbyug tho thugs gar 'dzin//rta mgrin dmar po pad+ma 'dzin/ /gzhan gyis mi thub sngon po la/ /rin chen 'bar ba thugs kar 'dzin/ /gtum po smug nag rtse dgu 'dzin/ /gshin rje sngo nag zhal gsum pa/ /phyag drug nges med mtshon cha la/ /'og ma gnyis pos be con 'dzin/ /de nas grub chad rgyal po bzhi//dkar ser dmar dang ljang gu la/ /be con pi wang chu srin dang / /rin po che yi dong tse'o/ /lha mo rnams kyi sku mdog ni/ /gsal byed ma ni sngon mo la/ /zhal gcig phyag gnyis dpal be'u 'dzin/ /dbyangs can ma ni dkar mo la/ /rang rtags g.yas pa 'khor lo'o//mdangs can ser mo pad+ma'o/ /'od ldan mthing ga rgyal mtshan no/ /skyes chen dmar mo gdu bu 'dzin/ /dri med pa ya dmar mo la/ /rang rtags g.yas pa bum pa 'dzin/ /yid bzangs ljang gu 'bud dung 'dzin/ /yid gzhungs ljang ser g.yung drung 'dzin//phyogs skyong rnams kyi sku mdog ni/ /brgya byin dkar la rdo rje gdengs/ /me lha dmar po rin chen phreng / /gshin rje mthing ga dbyug to bsnams/ /bden bral ljang gu ral gri'o/ /chu lha dmar po klu zhags bsnams/ /rlung lha dud ka be con 'dzin/ /gnod sbyin ser po rin chen 'dzin//dbang ldan dkar ser tri shU la/ /nyi zla dkar po u dum+WAr/ /sa yi lha mo ser mo la/ /phyag na rin chen bum pa bsnams/ /sgo ma'i phyag mtshan sku mdog ni/ /lcags kyu dkar la lcags kyu 'dzin/ /zhags pa sngo la de bzhin zhags/ /lcags sgrog dmar mo lcags sgrog 'dzin//dril bu ljang ser dril bu 'dzin/ /de ltar sku mdog gsal bsgoms la/ /ye shes dbang bskur dgug gzhug bstim/ /de ltar gzhal yas gsal dmigs la/ /snying po rgyas dang bsdus pa dang / /shin tu bsdus pa gang mos la/ /brgya rtsa brgyad du dbul bar bya//rdo rjes mchod pa lnga yang dbul/ /bsnyen pa'i dus su dmigs pa gsum/ /legs par brtags te mnyes par bya/ /sgrub pa bum pa nyid la'o/ /de nas bstod pa dbul ba'i phyir/ /chos kyi dbyings nas lha rnams ni/ /spyan drangs bum pa'i nang du bstim/ /bskul tshig 'di skad brjod par bya//na mo sems ni rgya che mchog tu rab bskyed de/ /ma lus 'khor dang bcas te gshegs su gsol/ /chos dbyings mngon 'gyur ye shes sku brnyes te/ /sku gsung thugs su legs par 'byung ba'i gnas/ /gsung rab bcu gnyis 'phags lam rgyal ba'i bka'//bcom ldan shes rab pha rol phyin la sogs/ /rnam dag dbyings kyi dam chos gshegs su gsol/ /sa bcu'i rgyal tshab chos la mnga' brnyes shing / /snying rje chen pos brtson 'grus go gyon pa/ /shes rab thabs kyis khams gsum 'dren mdzad pa/ /rgyal sras byang chub sems dpa' gshegs su gsol//mi mjed 'jig rten 'dzam gling 'dir/ /dpal tshogs bkra shis gzhal yas khang / /bla med mchod pa'i rgyan bshams te/ /nyi zla pad+ma'i gdan bshams nas/ /spyan 'dren gshegs su gsol ba ni/ /bzhi bcom drug ldan 'khor ba mya ngan 'das//nams kyang rdo rje lta bu'i sku mnga' ba'i/ /lus ngag yid gsum nyon mongs thams cad 'joms/ /'gro 'dul thugs rjes byin rlabs bsam mi khyab/ /bcom ldan rdo rje rnam par 'joms pa yang / /'dir gshegs 'gro ba'i don phyir mchod pa bzhes/ /sems can nyon mongs gshin rje'i dra ba la//ye shes thugs kyis gshed dang dra ba 'joms/ /sku gsung thugs kyi sprul pa 'byung ba yi/ /khro bo'i rgyal po gshin rje gshed po yang / /'dir gshegs 'gro ba'i don phyir mchod pa bzhes/ /nam mkha'i mtha' ma mtha' yas thug pa bzhin//'gro ba'i las dang nyon mongs mtha' yas la/ /thugs rje'i byin rlabs sprul pa mtha' yas kyis/ /ji ltar 'dul ba bzhin du 'joms mdzad pa/ /khro bo'i rgyal po yon tan mtha' yas kyang / /'dir gshegs 'gro ba'i don phyir mchod pa bzhes/ /sems can dug gsum nad kyis gdungs pa la//thugs rje'i byin rlabs bdud rtsi'i char 'bebs pa/ /thabs la mkhas pa mdzad pa sna tshogs kyis/ /sems can ma lus dbyings su sbyor mdzad pa/ /khro bo'i rgyal po bdud rtsi thab sbyor yang / /'dir gshegs 'gro ba'i don phyir mchod pa bzhes/ / rnam thar gsum gyi mnga' mdzad ye shes stobs/ /nyon mongs dug gsum ma lus gnon mdzad phyir/ /phyag mtshan rdo rje tho ba 'bar ba bsnams/ /mdzes pa'i sku mdog gdul thabs cir yang ston/ /khro bo'i rgyal po gnod mdzes stobs po che/ /'dir gshegs 'gro ba'i don phyir mchod pa bzhes//dbyings las mi g.yo 'khor ba'i mtha' mi g.yo/ /mtha' la mi gnas thugs rjes 'gro don mdzad/ /mya ngan 'das dang 'khor ba'i mtha' gcod cing / /sems can rnams kyi dpal dang mgon gyur pa/ /khro bo'i rgyal bo mi g.yo mgon po yang //'dir gshegs 'gro ba'i don phyir mchod pa bzhes/ /ye shes thugs kyi 'khor ba'i mtha' yi bar/ /thugs rje myur bas rta gdong phrin las mdzod/ /'gro don mdzad pa'i ngo mtshar mnga' ba yang / /rtag tu rta mgrin rgyal po gsung du sprul/ /khro bo'i rgyal po dbang gi rta gdong yang //'dir gshegs 'gro ba'i don phyir mchod pa bzhes/ /bsod nams ye shes tshogs gnyis rdzogs pa'i sku/ /mtha' gnyis ma yengs dbyings la dbang sgyur zhing / /thugs rjes phrin las dbyings su 'dus ma mdzad/ /sku yi yon tan rdzogs pas dbang phyug che/ /khro bo'i rgyal po dbang phyug gtum po yang //'dir gshegs 'gro ba'i don phyir mchod pa bzhes/ /rin chen las grub ri rab ngos bzhi nas/ /bsod nams tshogs ldan dpal ldan rgyal chen bzhi/ /gling bzhir gnas pa'i sems can thams cad la/ /ji ltar 'tsham pa bzhin du don mdzad pa'i/ /dpal ldan rgyal po chen po 'khor bcas kyang //'dir gshegs 'gro ba'i don phyir mchod pa bzhes/ /dus bzhi tshad med bzhi dang mnyam sbyor ba'i/ /mi 'jigs bzhi ldan ye shes tshogs rdzogs te/ /mchod pa mang po'i sprin dang bcas nas ni/ /mchod pa'i lha mo mang po gshegs su gsol/ / rdo rje dang ni rin chen pad+ma dang / /sna tshogs las grub rdo rje rgya gram 'bar/ /phyag rgya chen pos bdud bzhi zil gyis gnon/ /phyogs bzhi phyag rgya chen po gshegs su gsol/ /zhi ba dkar po 'od kyi dkyil 'khor nas/ /pad+ma dkar po phyag na dpal be'u bsnams/ /'joms byed dkar po phyag na 'khor lo bsnams//gnyis med don la thugs sbyor gshegs su gsol/ /lho phyogs rgyas pa ser mo'i dkyil 'khor nas/ /rgyas pa sngon mo phyag na pad+ma bsnams/ /'od ldan mthing ga phyag na rgyal mtshan bsnams/ /gnyis med don la thugs sbyor gshegs su gsol//nub phyogs pad+ma dbang gi dkyil 'khor nas/ /dkar sham dmar mo phyag na gdu bu bsnams/ /mdangs can dmar mo phyag na bum pa bsnams/ /gnyis med don la thugs sbyor gshegs su gsol/ /byang phyogs phrin las drag po'i dkyil 'khor nas/ /yid gzhungs ljang gu phyag na bud dung bsnams//yid bzangs ljang ser phyag na g.yung drung bsnams/ /gnyis med don la thugs sbyor gshegs su gsol/ /phyogs skyong 'jig rten dbang ldan dang / /thugs rje thabs mkhas thugs dam dgyes pa che/ /brgya byin dbang po 'khor dang bcas pa yang //'gro ba'i don du mchod cing gshegs su gsol/ /sbyin sreg bdag po dka' thub ral pa can/ /drang srong brtul zhugs spyod pa kun gyi rje/ /me yi rgyal po 'khor dang bcas pa yang / /bstan pa bsrung ba'i slad du spyan 'dren na/ /'gro ba'i don du mchod cing gshegs su gsol//bdud gcod bdud la mnga' mdzad bdud kyi rje/ /bdud gcod 'chi bdag mang po kun gyi gtso/ /gshin rje'i rgyal po 'khor dang bcas pa yang / /bstan pa bsrung ba'i slad du spyan 'dren na/ /'gro ba'i don du mchod cing gshegs su gsol/ /thod rgal 'jigs pa chen po'i skyabs mdzad pa//nad gtong mdangs 'phrog srin po kun gyi rje/ /srin po'i rgyal po 'khor dang bcas pa yang / /bstan pa bsrung ba'i slad du spyan 'dren na/ /'gro ba'i don du mchod cing gshegs su gsol/ /char sprin lo tog chu la dbang byed pa/ /lha chen chu lha snyem pa kun gyi rje//chu lha'i rgyal po 'khor dang bcas pa yang / /bstan pa bsrung ba'i slad du spyan 'dren na/ /'gro ba'i don du mchod cing gshegs su gsol/ /srog 'chang dbugs kyi bdag po dbugs kyi gzungs/ /srog 'chang rlung lha rig 'dzin kun gyi rje/ /rlung lha rig 'dzin 'khor dang bcas pa yang //bstan pa bsrung ba'i slad du spyan 'dren na/ /'gro ba'i don du mchod cing gshegs su gsol/ /nor gyi dbang phyug rin chen gter mnga' ba/ /gter sbyin gter 'chang mang po kun gyi rje/ /gnod sbyin rgyal po 'khor dang bcas pa yang / /bstan pa bsrung ba'i slad du spyan 'dren na//'gro ba'i don du mchod cing gshegs su gsol/ /bgegs la mnga' mdzad dngos grub mchog ston pa/ /log 'dren tshar gcod lha rnams kun gyi rje/ /bgegs kyi rgyal po 'khor dang bcas pa yang / /bstan pa bsrung ba'i slad du spyan 'dren na//'gro ba'i don du mchod cing gshegs su gsol/ /'od chen 'jig rten gling bzhir snang mdzad pa/ /gza' skar stong gi lha mang kun gyi rje/ /lha yi rgyal po 'khor dang bcas pa yang / /bstan pa bsrung ba'i slad du spyan 'dren na/ /'gro ba'i don du mchod cing gshegs su gsol//sa la mnga' mdzad sa bdag kun gyi rje/ /sa yi lha mo brtan ma yang / /bstan pa bsrung ba'i slad du spyan 'dren na/ /'gro ba'i don du mchod cing gshegs su gsol/ /gnyis med don la rig pa shar mdzad cing / /thugs dam rgyud bskul lcags kyu phyogs bcur 'bar//zhi ba bdud bzhi 'dul mdzad dkar mo'i sku/ /'gro ba'i don du mchod cing gshegs su gsol/ /yon tan rgyas pa gser 'od 'od zer 'phro/ /log 'dren bgegs 'ching zhags pa phyogs bcur 'phen/ /yon tan tshogs rgyas 'ching byed zhags pa ma/ /'gro ba'i don du mchod cing gshegs su gsol//thams cad dbang sdud dmar mo lcags sgrog sdom/ /grub pa sdud cing 'byung po'i tshogs rnams sdom/ /khams gsum dbang du sdud pa'i lcags sgrog ma/ /'gro ba'i don du mchod cing gshegs su gsol/ /sna tshogs las las grub pa'i ljang gu dgyes/ /bde gshegs tshogs mnyes mchod pa'i dril bu 'bar//las dang nyon mongs bdud 'dul thal byed ma/ /'gro ba'i don du mchod cing gshegs su gsol/ /dzaHhUM baM hoHe h+ye hi b+ha ga bA na/ ma hA ka ru Ni ka ya dr-i sh+ya ho/ /sa ma ya ho/ /sa ma ya s+t+waM/ badzra aM gu sha dzaH/ badzra pA sha hUM/ badzra s+pho Ta baM/ badzra g+haN+De hoH//de nas gnyis su med bar bstim pa dang / /ye shes dkyil 'khor dbyer med bsres/ /brtan par bzhugs su gsol ba ni/ /hUM rin chen sna bzhi grub pa'i dkyil 'khor 'dir/ /ma chags pad+ma 'bum gyi gdan bting ste/ /rin chen khri dang nyi zla gsal ba'i rgyan/ /dngos su 'byor dang yid kyis rnam sprul te//bdag cag dad pa'i yid kyis mngon sprul te/ /rim bzhin bde yangs nyid du bzhugs su gsol/ /badzra tiSh+Tha lhan/ phyag btsal ba ni/ e ma ho/ /phyogs bcu'i sangs rgyas thugs ni rab tu rgya che ste/ /'gro ba kun la khyab mdzad rdo rje rnam 'joms nyid la phyag 'tshal lo//e ma ho/ /phyogs bcu'i khro bo rgyal ba rnams/ /nyon mongs dug gsum sdug bsngal gyis/ /gzir ba'i 'gro ba ma lus pa/ /phrin las drag po'i dregs pas 'dul mdzad pa/ /phyogs bcu'i khro rgyal rnams la phyag 'tshal lo/ /e ma ho/ /phyogs bzhi dpal ldan rgyal chen bzhi//srid rtse rin chen mtha' yas nas/ /dri med bdud rtsi'i char 'bebs pa'i/ /phyogs bzhi'i yon tan rdzogs la phyag 'tshal lo/ /e ma ho/ /phyogs kyi lha mo bkra shis brgyad rnams kyis/ /thugs mchog 'gro don ma lus bdud las rgyal/ /thugs rjes dbang bskur chos sgra shes rab thabs//mi mthun phyogs la yon tan bkra shis pa/ /bkra shis lha mo brgyad la phyag 'tshal lo/ /e ma ho/ phyogs bcu 'dul ba'i dbang phyug sku sprul ba/ /phyogs bcu'i bgegs rnams mang po tshar gcod cing / /mtho ris gnas nas 'khor los sgyur mdzad pa//phyogs skyong chen po rnams la phyag 'tshal lo/ /e ma ho/ /tshad med bzhi po mthar phyin lhun grub rtags/ /phyag rgya bzhi yi ngang du thugs rjes sprul/ /'gro drug sems can gnas nas sprul mdzad pa'i/ /sgo skyong 'khor dang bcas la phyag 'tshal lo/ / de nas mchod pa lnga phul te/ slob ma dkyil 'khor 'jug pa nyid/ /cho ga ji ltar 'dod bzhin brtsam/ /de rjes dkyil 'khor lha tshogs la/ /bstod pa nyid ni 'di skad dbul/ /hUM bcom ldan rdo rje rnam par 'joms/ /thugs rje nyi zla'i 'od pas 'tsher/ /ngan song thams cad rnam par sbyong //de nyid sgrib pa sel mdzad pa/ /pad+ma 'khor lo'i dkyil 'khor la/ /shin tu mdzes pa'i rtsibs ma brgyad/ /nang gi snying po rdo rje gtso/ /dpa' bo thub pa bzhugs pa yi/ /sku gsung thugs kyi byin rlabs dang / /phrin las bzhi yi khyad par gyi/ /pad+ma 'khor lor bcas pa la//rol mo sil snyan rnams kyis mchod/ /rin chen stegs bu 'di dag ni/ /gru bzhir ldan zhing sgo bzhi gdod/ /dbus kyi pad+ma ge sar la/ /bcom ldan rdo rje rnam par 'joms/ /sku mdog ljang ser 'od zer 'bar/ /rgya gram phyogs med thugs kar 'dzin/ / de la bstod de mchod pa 'bul/ /shar phyogs gtso bo mtha' yas ni/ /sku mdog mthing ga 'bar ba'i 'od/ /phyag drug mtshon cha sna tshogs te/ /rdo rje rtse dgu thugs kar 'dzin/ /de la bstod de mchod pa 'bul/ /shar lho khro bo bdud rtsi 'khyil/ /sku mdog dmar po 'od zer 'bar/ / phyag drug mtshon cha sna tshogs te/ /rdo rje rgya gram thugs kar 'dzin/ /de la bstod de mchod pa 'bul/ /lho phyogs khro bo gnod mdzes ni/ /sku mdog ser po 'bar ba'i 'od/ /phyag drug mtshon cha sna tshogs te/ /rdo rje tho ba thugs kar 'dzin/ /de la bstod de mchod pa 'bul/ / lho nub khro bo mi g.yo mgon/ /sku mdog ljang gu 'bar ba'i 'od/ /phyag drug rdo rje dbyug to thugs kar 'dzin/ /de la bstod de mchod pa 'bul/ /nub phyogs khro bo rta mgrin ni/ /sku mdog dmar po 'od zer 'bar/ /pad+ma brtsegs pa thugs kar 'dzin/ /de la bstod de mchod pa 'bul//byang phyogs gtum po dbang phyug ni/ /sku mdog smug nag 'bar ba'i 'od/ /phyag drug mtshon cha sna tshogs te/ /rdo rje rtse dgu thugs kar 'dzin/ /de la bstod de mchod pa 'bul/ /byang shar gshin rje gshed po ni/ /sku mdog sngo nag 'bar ba'i 'od/ /phyag drug mtshon cha sna tshogs te//be con 'bar ba thugs kar 'dzin/ /de la bstod de mchod pa 'bul/ /shar phyogs rgyal po yul 'khor srung / /sku mdog dkar la 'od zer 'bar/ /phyag mtshan phyag na ne le bsnams/ /de la bstod de mchod pa 'bul/ /lho phyogs rgyal po 'phags skyes po/ /sku mdog ser la 'od zer 'bar//phyag mtshan phyag na pi wang bsnams/ /de la bstod de mchod pa 'bul/ /nub phyogs rgyal po spyan mi bzang / /sku mdog dmar po 'od zer 'bar/ /phyag mtshan phyag na chu srin bsnams/ /de la bstod de mchod pa 'bul/ /byang phyogs rgyal po rnam thos sras//sku mdog ljang gu 'od 'bar ba/ /phyag mtshan phyag na dong tse brtsegs/ /de la bstod de mchod pa 'bul/ /shar phyogs lha mo dkar sham ma/ /sku mdog mthing ga 'od 'bar ba/ /phyag na bkra shis gdugs 'dzin cing / /de la bstod de mchod pa 'bul/ /shar smad lha mo dbyangs mkhan ma//sku mdog dkar la 'od zer 'bar/ /phyag na bkra shis 'khor lo bsnams/ /de la bstod de mchod pa 'bul/ /lho stong lha mo mdangs can ma/ /sku mdog mthing ga 'od zer 'bar/ /phyag na pad+ma 'dab brgyad bsnams/ /de la bstod de mchod pa 'bul/ /lho smad lha mo 'od ldan ma//sku mdog mthing ga 'od zer 'bar/ /phyag na bkra shis rgyal mtshan bsnams/ /de la bstod de mchod pa 'bul/ /nub stod lha mo skyes chen ma/ /sku mdog dmar la 'od zer 'bar/ /phyag na bkra shis bum pa bsnams/ /de la bstod de mchod pa 'bul/ /nub smad lha mo dri ma med//sku mdog dmar la 'od zer 'bar/ /phyag na yid bzhin nor bu bsnams/ /de la bstod de mchod pa 'bul/ /byang stod lha mo yid bzangs ma/ /sku mdog ljang gu 'od zer 'bar/ /phyag na bkra shis bud dung bsnams/ /de la bstod de mchod pa 'bul/ /byang smad lha mo yid gzhungs ma//sku mdog ljang la 'od zer 'bar/ /phyag na gser gyi nya mo bsnams/ /de la bstod de mchod pa 'bul/ /shar phyogs lha dbang brgya byin ni/ /sku mdog dkar la 'od zer 'bar/ /phyag na rdo rje gdengs pa bsnams/ /de la bstod de mchod pa 'bul/ / shar lho drang srong me lha ni/ /sku mdog dmar la 'od zer 'bar/ /phyag na rin chen phreng ba bsnams/ /de la bstod de mchod pa 'bul/ /lho phyogs gshin rje'i rgyal po ni/ /sku mdog mthing ga 'od zer 'bar/ /phyag na gshin rje'i dbyug to bsnams/ /de la bstod de mchod pa 'bul//lho nub srin po bden bral ni/ /sku mdog ljang gu 'od zer 'bar/ /phyag na ral gri rnon po bsnams/ /de la bstod de mchod pa 'bul/ /nub phyogs chu lha'i bdag po ni/ /sku mdog dmar la 'od zer 'bar/ /phyag na klu yi zhags pa bsnams/ /de la bstod de mchod pa 'bul//nub byang rlung lha dbang ldan ni/ /sku mdog dud ka 'od zer 'bar/ /phyag na rin chen be con bsnams/ /de la bstod de mchod pa 'bul/ /byang phyogs gnod sbyin ku be ra/ /sku mdog ser la 'od zer 'bar/ /phyag na gnod sbyin dbyug pa 'dzin/ /de la bstod de mchod pa 'bul//byang shar dbang ldan bgegs kyi bdag /sku mdog dkar ser 'od zer 'bar/ /phyag na tri shU la rtse gsum bsnams/ /de la bstod de mchod pa 'bul/ /steng phyogs nyi zla tshangs pa ni/ /sku mdog dkar la 'od zer 'bar/ /phyag na ut+pa la 'bar ba rnams/ /de la bstod de mchod pa 'bul//'og phyogs sa yi lha mo ni/ /sku mdog ser la 'od zer 'bar/ /phyag na gser gyi bum pa bsnams/ /de la bstod de mchod pa 'bul/ /shar sgo'i rdo rje lcags kyu ma/ /sku mdog dkar la 'od zer 'bar/ /phyag mtshan phyag na lcags kyu bsnams/ /de la bstod de mchod pa 'bul//lho sgo rdo rje zhags pa ma/ /sku mdog sngon mo 'od zer 'bar/ /phyag mtshan phyag na zhags pa bsnams/ /de la bstod de mchod pa 'bul/ /nub phyogs rdo rje lcags sgrog ma/ /sku mdog dmar la 'od zer 'bar/ /phyag mtshan phyag na lcags sgrog bsnams//de la bstod de mchod pa 'bul/ /byang phyogs rdo rje dril bu ma/ /sku mdog ljang ser 'od zer 'bar/ /phyag mtshan phyag na dril bu bsnams/ /de la bstod de mchod pa 'bul/ /de la dbang bskur cho ga las/ /ji ltar gsungs pa'i dbang rnams sbyin/ /bzod gsol smon lam gdab pa nyid//de nas lha rnams so so yi/ /thugs ka'i sa bon la bsdus te/ /gshegs gsol dmigs med rgyas btab la/ /de nas dga' ston dbugs phyung ste/ /rig pa'i las dang gzengs yang bstod/ /de nas gtor ma byin brlabs te/ /mgon po'i gtor ma btang ba ni//sngags kyis spyan drangs ye shes gzhug /paM las gyur pa so so yi/ /sku mdog phyag mtshan so sor dmigs/ /de nas 'dzab dang bsnyen pa 'bul/ /de yi sngags ni 'di dag bzlas/ /rdo rje lce las yang dag phyung / /oM e h+ye hi ha na ha na b+hin+da badzra hUM phaT/ oM e h+ye hi badzrA na la b+hin+da na maN+Da la bud+d+ha sarba b+hasmi ku ru sarba duSh+TAM hUM phaT/oM e h+ye hi badzrA kA la daN+Da ha na ha na hUM phaT/ oM e h+ye hi badzra ki ri Ti staM rak+Sha sa de ba ta ye swA hA/ oM e h+ya hi nA ga badzra A na ya sarba d+ha na d+ha n+ya/ sarba nam ni muk+tA laM ka ra d+ha ra sarba nA ga nar ni tsa badzra d+ha ra ya/ sa ma yA ma nu smA ra a kaD+D+h+ya a ka D+D+h+ya ban+d+ha ban+d+ha ha ra ha ra pra Na na ma hA ts+tshe da hUM phaT/oM e h+ye hi badzra a ni la ma hA bai ga/ /A na ya sarba du Sh+TAM hUM phaT/ oM e h+ye hi ku be+e ra yak+ShA d+hi ba ta ye swA hA/ oM e h+ye hi d+hi d+hu b+hi na badzra shU la swA hA/ oM e h+ye hi na maHsa man+ta bud+d+hA nAM/ oM phri nyi b+h+yaHswA hA/ oM e h+ye hi na maHsa man+ta bud+d+ha na maH/ he shor+ya pra to dz+yo ti ra mA ya swA hA/lha rnams so so'i phyag rgya yis/ /mchod yon la sogs gtor ma la/ /sngags ni bdun tsam cig dag gis/ /nges par 'bul dang bstabs par bya'o/ /de nas mgon po mnyes pa yi/ /tshig 'di rnams kyang brjod par bya'o/ /hUM lha dang lha min gnod sbyin lto 'phye grul/ / nam mkha' lding dang 'dab bzangs lus srul po/ /dri za srin po gdon gyi rigs rnams dang / /gang dag sa la gnas pa'i rdzu 'phrul can/ /bu smad bcas shing g.yog 'khor bcas pa yang / /bdag gi pus mo sa la btsugs nas su/ /thal mo sbyar nas khyed la gsol ba 'debs/ / gsan nas phan gdags phyir ni 'dir spyon cig /dbang po rdo rje 'chang ba'i lha/ /lha yi rgyal po gdon gyi bdag /shar phyogs gdon gyi tshogs bcas la/ mchod par bgyid cing phyag kyang 'tshal/ /me ste bsreg bya za ba'i lha/ /'byung po'i rgyal po gdon gyi bdag /shar lho gdon gyi tshogs bcas la//mchod par bgyid cing phyag kyang 'tshal/ /gshin rje be con 'chang ba'i lha/ /ma mo'i rgyal po gdon gyi bdag /lho phyogs gdon gyi tshogs bcas la/ /mchod par bgyid cing phyag kyang 'tshal/ /bden dang bral ba legs ldan lha/ /srin po'i rgyal po gdon gyi bdag /lho nub gdon gyi tshogs bcas la/ /mchod par bgyid cing phyag kyang 'tshal/ /zhags pa thogs pa chu yi lha/ /klu yi rgyal po gdon gyi bdag /nub phyogs gdon gyi tshogs bcas la/ /mchod par bgyid cing phyag kyang 'tshal/ /rlung ste srog kyang 'dzin pa'i lha/ / rig 'dzin rgyal po gdon gyi bdag /nub byang gdon gyi tshogs bcas la/ /mchod par bgyid cing phyag kyang 'tshal/ /gnod sbyin lag na dbyug to thogs/ /nor srung rgyal po gdon gyi bdag /byang phyogs gdon gyi tshogs bcas la/ /mchod par bgyid cing phyag kyang 'tshal//dbang dang ldan pa 'dren pa'i lha/ /bgegs kyi rgyal po gdon gyi bdag /byang shar gdon gyi tshogs bcas la/ /mchod par bgyid cing phyag kyang 'tshal/ /steng gi lha tshogs thams cad dang / /nyi ma zla ba gza' chen po/ /gza' dang rgyu skar bcas pa la/ / mchod par bgyid cing phyag kyang 'tshal/ /'og gi klu ste sa yi lha/ /sa 'dzin lag pa chen po ste/ /dam tshig shes pa'i gdon bcas la/ /mchod par bgyid cing phyag kyang 'tshal/ /shar gyi phyogs nas brgya byin 'khor dang bcas/ /gtor ma phul ba 'di dag bzhes su gsol/ / me dang gshin rje bden bral srin po'i bdag /chu bdag rlung bdag nor gyi bdag po dang / /dbang ldan 'byung po'i bdag po lha dang ni/ /steng gi nyi zla tshangs pa chen po dang / /lha rnams kun dang sa yi klu rnams dang / /ri yi lha rnams gnod sbyin tshogs dang bcas/ /so so so sor phul ba 'di dag kun//so so so so'i phyogs su bzhes nas kyang / /sde dang dpung bcas bu smad 'khor bcas dang / /gtor ma bdug pa me tog bdug spos rnams/ /rab tu dgyes nas bzhes te bsnams nas gsol/ /de nas 'byung po bgegs la yang / /gtor ma dag ni sbyin par bya/ /hUM 'byung po gang dag ri rab steng gnas dang //dga' ba'i tshal dang lha yi yul gnas dang / /shar nub ri dang nyi zla'i khyim gnas dang / /ri rnams kun la gang dag gnas pa dang / /chu bo kun dang chu yi mdo rnams dang / /rin chen gnas na gang dag gnas pa dang / /rdzing dang mtsho dang lu ma lteng ka dang //khron pa dang ni ngam grog chu mig dang / /grong dang phyugs lhas grong khyer nags tshal dang / khang stong dang ni lha yi khang pa dang / /gang dag gtsug lag khang dang mchod rten dang / /mu stegs spyi gnas drang srong sde gnas dang / /gtsug lag khang chu glang chen khang pa dang //rgyal po'i dkor khang dag na gang gnas dang / /srang dang khyams dang grong gi 'dun sa dang / /gang dag lam chen dang ni shing gcig dang / /dur khrod dag dang nags tshal chen po dang / /seng ge glang chen dred kyi gnas rnams dang / /dgon pa nags chen rab tu 'jigs pa dang / /gling ma bzang po dag na gang gnas dang //rab tu dgyes shing go go gnas rnams su/ /me tog phreng ba byug spos bdug pa dang / bstod dang mar me gtor ma gus 'bul bas/ /'di dag bzhes nas so sor gnas nas gsol/ /bdag gi las 'di'i 'bras bu mchis par mdzod/ /de nas rigs drug so so'i gtor ma gtang //dbang rdzogs bkra shis smon lam gdab/ /dkyil 'khor bsdu ba mkhas pas brtsam/ /khrus kyi cho ga ji lta bar/ /khrus byas rol mo'i las bya'o/ /rdo rje rnam par 'joms pa'i dkyil 'khor gyi cho ga /slob dpon ye shes rdo rjes mdzad pa rdzogs so/