261b6 @##/ /rgya gar skad du/ badzra d+ha ra ba liM bi d+hi nA ma/ bod skad du/ rdo rje 'dzin pa'i gtor ma'i cho ga zhes bya ba/ bla ma rje btsun pa rnams la phyag 'tshal lo/ /las rnams kun gyi sngon 'gro ba/ /bshad phyir bla ma la btud de/ /thams cad tshim par byed pa yi/ /gtor
261b7 ma'i cho ga de bshad bya//de la dang por rdo rje 'dzin/ sgrub par 'dod pa'i rnal 'byor ba dag gis/ rin po che las snod rgya che ba bzang la mnyam pa de dag gi nang du/ 'bras chan la sogs pa chan gyi tshogs dang / khur ba la sogs pa bza' ba'i tshogs dang / nya sha la sogs pa
262a1 sha'i tshogs dang /'o ma la sogs pa btung ba'i tshogs dang / bu ram la sogs te myang ba'i tshogs dang / bil ba la sogs te shing thog gi tshogs dang / til la sogs te 'bru'i tshogs dang / ut+pal la sogs te me tog gi tshogs dang / a ga ru la sogs te bdug pa'i tshogs dang /
262a2 rin po che la sogs te snang ba'i tshogs dang du ru ka dang dri zhim sbyar ba la sogs te dri'i tshogs dang / ga bur la sogs te sman gyi tshogs dang / rol mo dang / gdugs dang / rgyal mtshan dang / ba dan dang / ras bzang po la sogs pa ci 'byor ba'i yo byad bshams te/ maN+Dal sngon po dag gi
262a3 steng du me tog chal par bkram la de'i steng du gzhag par bya'o//de nas rnal 'byor pa bdag nyid mngon par rtogs pa'i cho ga ltar bskyed la/ lag pa g.yon pa'i mthil du dri sbyar ba'i chu blugs la/ oM sarba bi g+h+nA na nA sha ya a mr-i ta kuN+Da li ha na ha na hUM zhes lan nyi shu rtsa gcig tu brjod do/ oM
262a4 AH mi g+h+nA n+ta kr-ita hUM phaT ces bas gtor ma lan gsum du bya'o//de nas yi ge trAM ser po las bskyed pa'i snod kyi dkyil 'khor gyi nang du/ rdzas kyi dngos po dpag tu med pa bsams te/ de'i steng du zla ba'i hUM gis mtshan pa dag gi 'od kyis bsregs shing sbyangs pa'i bdud rtsi'i dngos por
262a5 gyur par bsam mo//de nas thugs ka'i sa bon gyi 'od kyis de bzhin gshegs pa thams cad kyi smin mtshams kyi mdzod spu nas/ bdud rtsi 'o ma'i rgyun lta bu 'bab pas snod gang bar bsams la/ oM badzra pA Ni rat+na d+ha rA ya/ oM AHzhes lan bdun brjod pas byin gyis brlab par bya'o/ /de
262a6 nas snying ga'i sa bon gyi 'od kyis bcom ldan 'das rdo rje 'dzin pa spyan drangs la brdza dzi hwa zhes lce byin gyis brlabs la sngags 'di lan bdun brjod la dbul bar bya'o//oM badzra pA ni d+ha rA ya/ kA ya bA ka tsit+ta d+hU pa/ puSh+pe/ dI pa/ gan+d+he ba liM/ a r+g+ha ta ba liM ma da mAM sa i daM gr-i h+Na khA hi khA hi
262a7 b+hu ny+dza ho/po pa ho/ a ti kra ma ye swA hA/ de nas thugs ka'i sa bon gyi 'od kyis khams gsum gyi 'byung po'i tshogs ma lus pa bkug ste/ oM badzra hUM ka ra ka Ta ka Ta phaT/ ces bya bas sbyar ro/ /de thams cad rdo rje 'dzin gyi ngo bor gyur par bsams te/ yi ge gsum bkod la lce
262b1 byin gyis brlab par bya'o//de nas oM a kA ro mu khaM sarba d+ha rmA nAM A d+ya nut+pan+na twAta/ oM AHhUM phaT swA hA/ zhes lan gsum brjod do/ /de nas 'byung po'i tshogs de dag mnyes par gyur nas/ rgyal bar gyur cig ces brjod par bsam mo/ /de nas lag tu me tog thogs te/ 'dod pa'i
262b2 don la gsol ba btab la/bzod pa gsol ba ni/ hUM lhag pa dang ni chad pas kyang / /bdag gis brjed ngas gang bgyis pa/ /mgon po khyod kyis bzod mdzad nas/ /thun mong mchog gi dngos grub stsol/ /zhes brjod la/ oM khyed kyis sems can don kun mdzad/ /rjes su mthun pa'i
262b3 dngos grub stsol//sangs rgyas yul du gshegs nas kyang / /slar yang 'byon par mdzad du gsol/ /oM AHhUM muHzhes pas gshegs su gsol/ de nas phyag rgya bkrol te/ gtor ma gtsang ma'i sa phyogs su bskyal la/ ci bder gnas par bya'o/ /rdo rje 'dzin pa mchod pa'i phyir/ /